Read MUKANDA WANZAMBI Muekelesia 1 Bible Online

Muekelesia 1 - MUKANDA WANZAMBI bible

Muekelesia 1

¹Mazu aMukwakutaŋisha, mwana kaDavidi mwanta wamuYerusalema.

²Mukwakutaŋisha nindi, Kuhemesha kwayuma yakuhemesha, kuhemesha kwayuma yakuhemesha, yonsu yakuhemesha hohu.

³Mwejima mwakabakanaŋayi muntu mwishina detaŋwa wamwenaŋamu yumanyi?

⁴Ikiŋu dawantu dimu hidikuya, ikiŋu di kwawu hidikuhiŋamu, iseki saŋa dashakamina haya nyaka.

⁵Itaŋwa nawa hidikutuntuka, itaŋwa hidikuhuma, hidikuya lufuchi kudatuntukilaŋa.

⁶Mpepela hiyi kuya kukabeta kakuchidiilu, hiyikubalumukila kukabeta kakuchimunswa, hiyikubalumukaŋa munjila yayu mafuku ejima, mpepela hiyikufunta chiŋi kuyanyepumukilaŋa.

⁷Tuloŋa twejima twasaŋaŋa mukaluŋalwiji, hela chochu, kalupalwŋi kwinzala nehi; kwayaloŋa tuloŋa kwokwakuyawu nawa cheŋi.

⁸Yuma yejima yazeyeshaŋa hohu, kutwesha kuchishimuna kudi muntu nehi; disu hidekutaŋa nakumonaku, itu hidenzalaŋa nakutiyaku.

⁹Chuma chekala dehi dichi chakekala nawa; chuma chelawu dehi dichi chakelawu; mwishina detaŋwa himwekala chuma chachihaku.

¹⁰Kuduhu chuma chatenaŋawu antu, nawu, Talenu, ichi chachiha, tahindi? Chekalaku dehi kunyaka yásambilili.

¹¹Hikudi kwanuka antu akunyaka yakusambilaku; hela antu akalondelamu hiyamba kaanukaŋa akayilondela wenaku.

¹²Ami mukwakutaŋisha nadiŋi mwanta wawaIsarela muYerusalema.

¹³Muchima wami nashili kumudimu wakutalatala nakukeŋakeŋa nama ana mwaya yuma yejima yakoŋaŋawu mwishina dewulu; komana himudimu wakala wanenkiyi Nzambi anyana kawantu kulonda akadikabishi nachu.

¹⁴Namoni dehi nyidimu yejima yakoŋaŋawu mwishina detaŋwa; komana yejima yakuhemesha hohu, komana hikukabila tuhu mpepela.

¹⁵Chaheŋa dehi kutwesha kucholola nehi, yinabulumu kutwesha kuyichinda nehi.

¹⁶Nahosheli mumuchima wami nami, Tala, ami naheta dehi maana amavulu akubadika antu ejima ásambilili muYerusalema. Mwalala, muchima wami wamona dehi nankashi niyamaana niyakwiluka.

¹⁷Nashili muchima wami kumudimu wakwiluka maana, niiluki nawa nikwimika disu niwusupi. Niiluka nikwiluka nami, Komana hikukabila tuhu mpepela.

¹⁸Muloŋa muma ana amavulu mwekala chikela chachivulu, niwavulishaŋa maana wavulishaŋa yihuŋu.