Read MUKANDA WANZAMBI Muekelesia 10 Bible Online

Muekelesia 10 - MUKANDA WANZAMBI bible

Muekelesia 10

¹Njinji jafwa janunkishaŋa malasha amukwakwila malasha ivumba datama; chochimu nawa nikukenkama kwantesha kwatamishaŋa nima ana ni kulema.

²Muchima wamukwamaana wekala kuchikasa chindi chachidiilu; ilaŋa muchima wachisupi wekala kuchimunswa.

³Mwalala nawa, chisupi hayi kunjila, nikashinshi kindi kanamufumi dehi, hakuleja antu ejima nindi, Nichisupi.

⁴Neyi spiritu yanyuli yinakutakumukili, bayi wufuma muchididi cheyuku; muloŋa kwovwaha kwafwomonaŋa nyiloŋa yamaneni.

⁵Kudi chuma chatama chinamoni mwishina detaŋwa, chidi neyi kuluwa kunafumi kudi yomweni mukwakuyula,

⁶yowu kwila wusupi awushakamishi hewulu hahalehi, mukwakuheta amushakamishi hamaseki.

⁷Namoni anduŋu hiyakwendela hatuwalu, hakwila atulamba hiyakwenda hamaseki neyi anduŋu.

⁸Muntu wukupunda wina wakakulukilamu yomweni; wukulokola ikoli akamusuma kudi kapela.

⁹Wukubindumuna malola akamukatisha nachu; wukubalula yibalu keŋa adŋahi nachu.

¹⁰Neyi chitwa chinashimi nimuntu kuchilola nehi chiŋa ashaku Ŋovu; nima ana awahila kuloŋesha nachu nsaŋu.

¹¹Kapela neyi wukusuma muntu hachidiyi kanda amufwomoni, hichikumuwahila mukwakufwomonaku.

¹²Mazu amukanwa kamukwamaana akweti luwi; ilaŋa nyivumbu yachisupi yamba kamuminya yomwenindi.

¹³Mazu amukanwa kindi atachikila muwusuŋi, nimpanji yindi yakumishila mukuzaluka kwatama.

¹⁴Chisuŋi nawa wavulishaŋa mazu; muntu hatweshaŋa kwiluka chuma chamba kekalaku; nichuma chakamuhiŋa munyima wukumulejachu hinyi?

¹⁵Kukabakana kwakabakanaŋa ayisupi kwayizeyeshaŋa wejima wawu hamuntu hamuntu, muloŋa hiyeluka kuya kumukalaku.

¹⁶Eyi ituŋa, neyi mwanta weyi hikansi, niatulamba tweyi adyaloŋa nabudidi, yowe!

¹⁷Eyi ituŋa, neyi mwanta weyi himwana kawayilolu alema, niatulamba tweyi adyaloŋa hatelela kudya, kulonda Ŋovu, bayi kulonda kushetaku, wunakooleki!

¹⁸Itala kushiwuka chikufuma hakukatala; itala kuvwa chikufuma hamakasa akadi kukwata kumudimu.

¹⁹Chawŋi achilila kuseha, walwa waluŋishaŋa muntu; mali akulaŋa yuma yejima.

²⁰Bayi wakatuŋula mwantaku, hela tuhu muyitoŋojoka yeyi chinjila; bayi wakatuŋula mukwakuheta mwitala deyi dakukamaku, muloŋa izu odu akadisenda kudi kajila kahaluzwizu, nikakweti mpuula kakashimuna nsaŋu.