Read MUKANDA WANZAMBI Muekelesia 11 Bible Online

Muekelesia 11 - MUKANDA WANZAMBI bible

Muekelesia 11

¹Natilaku yakudya yeyi hameji, neyi munahiti dehi mafuku amavulu wakayi wana cheŋi.

²Diishaku antu atanu nayedi, hela atanu nasatu, muloŋa hiwuneluki chuma chatama chakenza hamasekuku.

³Mavu neyi anenzali nvula akudimwaŋa hamaseki; mutondu neyi wunakunduki wunatali kukabeta kakuchidiilu, hela kukabeta kakuchimunswa, honsu hanakundukili mutondu owu dihu hiwakekala.

⁴Washinshikaŋa mpepela hamba katumba mbutuku, watalaŋa mavu hamba kaaŋula yakudya yinduku.

⁵Chiwabula kwiluka mwayaloŋa mpepela, hela mwakulilaŋa mafwaha mwivumu damumbanda wudi nevumu, chochimu nawa hiweluka nimudimu waNzambi welaŋa yuma yejimaku.

⁶Habudidi tumbaŋa mbutu jeyi, nihamelela bayi wulekesha chikasa cheyuku, muloŋa hiwuneluki jakalumbulukaku, hela ŋi, hela ŋi, indi kwiji jejima jakawahila hamu.

⁷Mwalala, mwaana watowala, mesu chatalaŋawu itaŋwa atiyaloŋa kuwaha.

⁸Mwalala, neyi muntu wukuhanda nyaka yayivulu, azaŋalali nayuma yejimiyi; hela chochu, chiŋa aanuki mafuku amwidima, muloŋa akavula. Yuma yejima yakenza yakuhemesha hohu.

⁹Eyi mukwenzi zaŋalalaku hawukwenzi weyi, muchima weyi wukuluŋishi hamafuku awukwenzi weyi, endaku mwaya muchima weyi, nimwamona mesu eyi; ilaŋa ilukaku, hansaŋu yayuma yejimiyi Nzambi wamba kakushikŋa kukusompesha.

¹⁰Dichi fumishaku kuneŋa mumuchima weyi, fumishaku nawa kutama kumujimba weyi; muloŋa niwukwenzi nikuhata hiyuma yakuhemesha.