Read MUKANDA WANZAMBI Muekelesia 12 Bible Online

Muekelesia 12 - MUKANDA WANZAMBI bible

Muekelesia 12

¹Anukaŋa nawa Nleŋi yeyi mumafuku awukwenzi weyi, hachidi mafuku atama kanda enzi, ninyaka yiwakela neyi, Ami hinatiyilumu kuwahaku, yichidi kanda yinzi;

²niitaŋwa, nimwaana, nikakweji, nitutumbwa, tuchidi kanda twiyili, nimavu kanda afunti cheŋi hakwila nvula yinachi dehi;

³ifuku dakelawu akwakuhemba itala hiyakuza ala, ni amayala adiŋi naŋovu hiyakubandama, niakwakutwa hiyakukeha, niakwakutalila munjanina hiyakwiyila,

⁴hiyakwenzela niyenzelu yatala hanzi; chakutwawu wuŋa kutiyakana chalala nehi, nimuntu hakuhinduka hakutiyayi izu dakajila, nikutiya chachiwahi chakwimbawu anyana awambanda tumina nehi;

⁵mwalala, akatiya woma wachuma chidi hewulu, akafwa mutentu nayuma yidi munjila; mumondi hakakenuka, nimpasu hakadikoka chakudikoka, nikufwila kwamumuchima hikwakakuma; muloŋa muntu hakuya kumukala wawu wahaya nyaka, niakwamudimu wakudila hiyakukimboka hanzi;

⁶hachidi mwonji wasiliva wuchidi kanda wuketuki, nichitasu chawuru chichidi kanda chibaluki, ninsaba yichidi kanda yibaluki kukaseloki, nichuma chakunyoŋa nachu meji kanda chifwi kwishima;

⁷nilunkuŋu luchidi kanda lufunti cheŋi mwiseki mulwadiŋi, nimuuya yichidi kanda yifunti cheŋi kudi Nzambi wayiheni.

⁸Mukwakutaŋisha nindi, Kuhemesha kwayuma yakuhemesha; yuma yejima yakuhemesha hohu.

⁹Cheŋi nawa, mukwakutaŋisha nanochu chadiŋiyi mukwamaana, chalejayi antu kwiluka ho-o; mwalala, hakutoŋojokaŋa, hakukeŋakeŋaŋa, hakuloŋeshaŋa yishimu yayivulu.

¹⁰Mukwakutaŋisha hakukeŋakeŋa mazu akutiyisha kuwaha, niakusoneka choloka, mazu alala.

¹¹Mazu awakwamaana adi neyi nyumba yakwendesha nachu aŋombi, mazu ashimunaŋawu aSayishimu amuyota adi neyi mbwambu jakupopa chachiwahi, himazu akufuma kudi kabiŋa wumu hohu.

¹²Cheŋi nawa eyi mwanami, huhumukaku; kusoneka nyikanda yayivulu hikwakumaŋaku; nikusweja kutaŋataŋa kwazeyeshaŋa mujimba.

¹³Nsaŋu yinakumi dehi; yuma yejima tunatiyi dehi; mutiyi Nzambi woma, hembaku kuleja kwindi; chuma chatelela muntu chochenichi hohu.

¹⁴Muloŋa Nzambi wamba kashikŋa nyidimu yejima kukusompesha, hamu nayuma yakujinda yejima, hela yayiwahi, hela yatama.