Read MUKANDA WANZAMBI Muekelesia 4 Bible Online

Muekelesia 4 - MUKANDA WANZAMBI bible

Muekelesia 4

¹Hinukuhitamu cheŋi nakushinshika makabisha ejima akoŋeluwu mwishina detaŋwa; hinukumona madilu awantu akabishewa, hiyakweti niwakuyikundejaku; Ŋovu hijidi kudi akwakuyikabisha, hiyakweti niwakuyikundejaku.

²Dichi dinu hinukuhameka afu afwili dehi, nami anabadiki amomi achidi kuhanda;

³ilaŋa ntahi anayibadiki wejima wawu wowu abulili kuvwalika, abulili kumona nyidimu yatama yakoŋaŋawu mwishina detaŋwa.

⁴Nami nishinshiki kukabakana kwejima ninyidimu yawukalawenu yejima, komana diyi yaditiyilaŋawu antu ichima. Chumichi nawa chakuhemesha, hikukabila tuhu mpepela.

⁵Chisupi wapachikaŋa nyinu hakudidya yomweni.

⁶Chakudya chamuchikasa chimu chakudya mumesu mwawunda, chinabadiki chamumakasa ayedi chakudya nakukabakana nakukabila tuhu mpepela.

⁷Hinukuhitamu cheŋi hinukumona chuma chakuhemesha mwishina detaŋwa.

⁸Kudi muntu iwu wekala kanka windi, wakadi nimukwawu; mwalala, hakweti hela mwana weyala hela mana kwinduku; wakuminaŋa dakukabakana hohu nyidimu yindi yejima, nihakumishilayi hosi, hela mesu indi hiyekutaŋa namahetaku. Yena nindi, nakabakenaŋa anyi ntahi? Chinadibondaŋa yuma yayiwahi nalondanyi? Chumichi nawa chakuhemesha, mwalala, himudimu wakala.

⁹Antu ayedi anabadiki wumu, muloŋa akweti wuloku wawu wawuwahi nanyidimu yawu yakukabakanawu.

¹⁰Muloŋa neyi akadimbuka, wumu wakahindwisha mukwawu; ilaŋa muntu wukudimbuka kanka windi yowe-e! Hakweti mukwawu wakumuhindwishaku.

¹¹Cheŋi nawa, neyi antu ayedi akukama hamu akwikala neyena; indi muntu wumu hohu wukwi kala neyena ŋahi?

¹²Hela neyi muntu wumu wukwimika mushindu namukwawu wudi kanka windi, antu ayedi akudikaŋa nindi; chibaaba chanyonji yisatu hichaketukaŋa swayuku.

¹³Mukwenzi wakazweŋi wukweti maana wabadika mwanta wakashinakaji wasupa wakalejewaŋa kudi akwawu.

¹⁴Muloŋa wafumini mukaleya kulonda ekali mwanta, mwalala, hela muwanta windi wavwalikilumu nawuzweŋi.

¹⁵Namweni amomi ejima, endolaŋa mwishina detaŋwa, hiyadi nanowu mukwenzi wamuchiyedi wahiŋili mudi yena.

¹⁶Antu ejima ayuliliyi kukuma nehi, hela chochu, awa akumulondela hiyakamutiya kuwahaku. Mwalala, chumichi nawa chakuhemesha, hikukabila tuhu mpepela.