Read MUKANDA WANZAMBI Muekelesia 6 Bible Online

Muekelesia 6 - MUKANDA WANZAMBI bible

Muekelesia 6

¹Kudi chuma chatama chinamoni mwishina detaŋwa, chidi nakulemena antu;

²muntu anenkiyi Nzambi yuma, nimaheta, ni kulema, chakubula kubula chuma chanakeŋiyi mumuchima windi, Nzambi kumwinka Ŋovu yakuyidya nehi, hiyakuyidya kudi muntu wacheyi. Chumichi chakuhemesha, himusoŋu watama.

³Hela neyi muntu wukuvwala anyana nkulakaji nakuhanda nyaka yayivulu, chakwila mafuku anyaka yindi hiyakuvula, muchima windi kuwanina nayuma yayiwahi nehi, nikumona ŋamu dakumujiika nehi; ami nami hela mwana wakusulumuna namubadiki yena;

⁴muloŋa nenzi tuhu chakuhemesha, hakuya mumwidima, niijina dindi hidikubutika mumwidima;

⁵chakadi kumona mwaana, hela tuhu kuwiluka nehi; mwanowu diyi nanookuku kwindi ŋamu, kwinza mukwawu, aka!

⁶Mwalala kwaamu, hela wakahanda tuhu nyaka ikombakaji yakuchinda kayedi yákubula kumona kuwaha chochimu. Ochu antu ejima hiyayaloŋa kwokumuku, tahindi?

⁷Kukabakana kwejima kwakabakanaŋayi muntu wakabakena yowu kanwa kindi, hela chochu, mupwepu wakudya saŋa wudi, kwikuta nehi.

⁸Ochu mukwamaana namubadikili chisupi hadihi? Ochu kazweŋi weluka kwenda kumesu awamaneni wukwetidi?

⁹Kumona namesu chinabadiki kufwila yuma yeŋi nayeŋi; chumichi nawa chakuhemesha, hikukabila tuhu mpepela.

¹⁰Yuma yejima yekalaku dehi, ayitumbili dehi majina kunyaka oku, nimuntu amwiluka dehi nawu, himuntu; niyena hakutwesha kulwishana wamubadika Ŋovuku.

¹¹Ichi chela yuma yayivulu mudimu wayuwowu wakuhemesha hohu, indi muntu wukunonamu chumanyi?

¹²Ochu neluki hinyi yikumuwahila muntu hachidiyi mumi, hamafuku ejima awumi windi wakuhemesha akuhitamu neyi mwevulu? Wakatwesha kumuleja muntu yakamuhiŋa munyima mwishina detaŋwa, hinyi?