Read MUKANDA WANZAMBI Pina ya Lipina 1 Bible Online

Pina ya Lipina 1 - MUKANDA WANZAMBI bible

Pina ya Lipina 1

¹Kamina katumina, kaSolomoni.

²Ampwepujoli nakupwepujola kwakukanwa kindi; muloŋa kukeŋa kweyi kunabadiki vinyu.

³Manji eyi akweti ivumba dadiwahi; ijina deyi didi neyi manji anahuŋununuwu; dichi chakukeŋelawu ajiki awambanda.

⁴Nkoki, tukukulondela lufuchi. Mwanta naŋiŋiji mumatalindi amukachi. Tukutiya kuwaha nakuzaŋalala naneyi, tukutena kukeŋa kweyi chakubadika chitwatenaŋa vinyu. Akukeŋaŋa mwaloŋa.

⁵Enu anyana awambanda amuYerusalema, ami niwiyila, ilaŋa niwalubanji, neyi matenti amuKedari, neyi mahina aSolomoni akukudeka kudeka.

⁶Bayi muntalaku, muloŋa nalwila, muloŋa anaŋochi dehi kudi mwaana. Anyana kamama anzuwila dehi, anyinka dehi mudimu wakuhemba matempa anyivinyu; ilaŋa itempa damami aweni hinadihembuku.

⁷Eyi nakeŋa mumuchima wami, nleji kuwadiishilaŋa nyikoku yeyi, nikuwayinookeshelaŋa hamwaana. Indi ami niikali neyi muntu wukubaalukila kunyikoku yawakwenu?

⁸Eyi wabadika ambanda ejima kuwaha, neyi hiwunelukuku idikakuwulondeli mahaji awayimuna, wakadiishili nyana kampembi jeyi kumatenti awatubiŋa.

⁹Eyi nkeŋi yami nakufwikŋi dehi neyi kawalu kakumakálu aFwaro.

¹⁰Makidi eyi anawahi nanyizenza yawusaŋa, ninshiŋu yeyi yinawahinanyonji yatumalola twalema wuseya.

¹¹Tukukwilila yibaaba yawuru yakusha mota jasiliva.

¹²Chashakaminiyi mwanta kumesa yindi, manji ami anaradi epukili ivumbadawu.

¹³Wami nakeŋa namumoni neyi kadifunda kamora kadi hakachi kamayeliami.

¹⁴Wami nakeŋa namumoni wudi neyi mukanji wankenu jahena jamumatempa anyivinyu akuEniŋedi.

¹⁵Eyi nkeŋi yami, wumuwahi, wumuwahi; mesu eyi adi neyi akatela.

¹⁶Eyi wami nakeŋa, wumuwahi, mwalala wantiyishaŋa kuwaha, kadidiketu katuuta neyi mafu.

¹⁷Nyalachi yetala detu yanyisida, masokelu etu anyinjunŋa.