Read MUKANDA WANZAMBI Pina ya Lipina 3 Bible Online

Pina ya Lipina 3 - MUKANDA WANZAMBI bible

Pina ya Lipina 3

¹Chinadiŋi hakadidi kami nawufuku nakeŋakeŋeli yena nakeŋa mumuchima wami. Namukeŋakeŋeli, kumumona nehi.

²Nami, Leka nihinduki niyi nakukimbuka mumukala, nimunyisululuyamatala, nimumalubanza, nimukeŋakeŋi yena nakeŋa mumuchima wami. Namukeŋakeŋeli, kumumona nehi.

³Akwakuhemba mukala akimbukaŋa mumukala anweni. Hinukuyilanami. Iwu nakeŋa mumuchima wami munamumonuhu?

⁴Chinafumini kudi wena chanti hinukumuwana yena nakeŋa mumuchimawami, hinukumukwata, kumuumbaku nawa cheŋi nehi, chiŋa namushikŋi dehi mwitala damama, mukapeka kamukachi kayena waŋimitili.

⁵Enu anyana awambanda amuYerusalema, nayisanyikishi ambaala nawakaji ankayi amumpata, nami, Bayi mutonesha hela kuhindwishaku kukeŋaku, chiŋa hanawahi.

⁶Yeniwu hinyi wudi nakufuma mwisaŋa neyi yishimi yawishi, amununkisha dehi mavumba amawahi namora, nalibona, namapuduru ejima awakwakulandisha?

⁷Talenu, hichipoya chaSolomoni kwanyeŋumuka ayilobu makumi atanunadimu, ayilobu amuIsarela.

⁸Wejima wawu akwataŋa kumpoku yaltabali, adiza dehi kwasa njita; wejima wawu anavwali mpoku jawu hamakata, nawoma wahawufuku.

⁹Mwanta Solomoni watuŋili ikalu dindi dakwendela danyitondu yamuLebanoni.

¹⁰Yishimi yadu yasiliva, hawudatilu hawuru, itanda dadu dawusombu, mukachi mwakwala kukeŋa kwakudi anyana awambanda amuYerusalema.

¹¹Enu anyana awambanda amuZiyona, idikenu mwakatali mwanta Solomoni, navwali chibaŋula chamuvwikiluwu kudi mama yindi hefuku dakusumbula, hefuku dakutiya kuwaha mumuchima windi.