Read MUKANDA WANZAMBI Pina ya Lipina 6 Bible Online

Pina ya Lipina 6 - MUKANDA WANZAMBI bible

Pina ya Lipina 6

¹Eyi wasweja kuwaha hadi ambanda, weyi wakeŋa a nayi kudihi? Weyi wakeŋa a natalishi kudihi? Kulonda tumukeŋakeŋi chimu.

²Wami nakeŋa nakunkumuki kwitempa dindi, kunyihaŋa yanyiseki kulonda akadyi mumatempa, akakuŋuli jilili.

³Ami niwambala wawami nakeŋa, wami nakeŋa hiwami nawa. Wudi nakudiisha nyikoku yindi mujilili.

⁴Eyi nkeŋi yami, wuwalubanji neyi Tiriza, wumuwahi neyi Yerusalema, wakutiya woma neyi njita yidi namapandelu.

⁵Talishaku mesu eyi kwacheŋi, muloŋa ananzeyeshi dehi. Nsuki jeyi jidi neyi mukanka wawampembi anakami mumbavu yaGileyadi.

⁶Maji eyi adi neyi mukanka wawanyikoku anafumi hakuyiwelesha, wejimawawu asema ampamba hohu niwunafwishuhu wumu hosi.

⁷Mumbulukutu jeyi mudi neyi chibalu chebula dasweja kuwaha mukachi kansuki jeyi.

⁸Kudi nyadi makumi atanu nadimu, antombu makumi atanu nasatu, niajiki akadi kuchinda.

⁹Hakwila kambolu kami, wami wakadi hataminayi wekala wumu hohu; mama yindi wamumona nindi diyi wekalaku kanka windi hohu; mumbanda wamuvwala wamumona, nindi awa navwala, walala chikupu diyi yoyeniwu. Anyana awambanda chamumwenuwu hiyakumutena nawu, Wakooleka; hiyakumuhameka kudi anyadi nawantombu.

¹⁰Yeniwu wudi nakutala hanzi neyi budidi hinyi? kuwaha neyi kakweji, kutooka neyi itaŋwa, wakutiya woma neyi njita yidi namapandelu, hinyi?

¹¹Nakunkumukili mwitempa danyimu, nami, Nitali nyitondu yitu utaya muchinekineki, nitali nawa neyi muvinyu wunasapuki dehi, ninyibula yayiwahi nawa neyi yinakenuki dehi.

¹²Nikuchiluka tuhu nehi, kukasumuka muchima wami wunaŋushi dehi mukachi kamakálu awantu ami awanta.

¹³Funtaku, funtaku, eyi wakuShulami, funtaku, funtaku, kulonda tuku-banjili. Mukubanjiladi kaShulami neyi antu adi nakubanjila ŋoma yakuhaŋanawu kuMahanayimi?