Read MUKANDA WANZAMBI Isaya 1 Bible Online

Isaya 1 - MUKANDA WANZAMBI bible

Isaya 1

¹Chimwenu chamweniyi mwana kaAmozi Isaya chansaŋu yaYudana Yerusalema mumafuku adiŋi anyanta awaYuda Uziya naYotami, naAhazi naHezekiya.

²Enu mawulu tiyenu, eyi iseki tiyililaku, muloŋa Yehova nahoshi, nindi, Nadiishi anyana, nayileli, wena anadikaŋa nanami.

³Ŋombi welukaŋa wámuheta, nichimbulu welukaŋa akwitaŋi dankaka yindi. AIsarela hiyelukaku, antu ami hiyakweti kashinshuku.

⁴Iyayi! O muza wanshidi, antu aditwika kuluwa, anyana kawakwakukoŋa chatama, anyana akwakutokesha akwawu; analeki dehi Yehova, anadiwuli Wajila waIsarela, ela dehi enyi, anafunti hanyima.

⁵Muloŋanyi chayetaŋawu ho-o nihanu, enu nawa saŋa mwadikaŋala? Mutu wejima wakata, muchima wejima wazeya.

⁶Kufumisha kumadachilu ndo nikunamutu nihakola hosi; kwayitu namabinjila nayilonda yamashina hohu, hakadi kujika, hela kukasa, hela kwovwahisha namanji.

⁷Ituŋa denu dela dehi kwamahembi hohu; nyikala yenu ayocha dehi nakesi; ituŋa denuadidya dehi kudi antu acheŋa, iku enu aweni mutalaŋa namesu, dela dehi kwamahembi hohu, neyi dakwimika dehi mushindu kudi antu acheŋa.

⁸Mwana kaZiyona anamushiyi dehi neyi chisolu chidi mwitempa danyivinyu; neyi nkunka yidi mwitempa datutanda, neyi mukala wakukuchika.

⁹Neyi Yehova wamazaza wabulili kutushiyila antu antesha mutenowu tunekali neyi Sodoma, hela kwikala neyi Gomora.

¹⁰Enu anyuli amuSodoma, tiyenu izu daYehova; enu antu amuGomora teŋelekenu matu mutiyi nshimbi jaNzambi yetu.

¹¹Yehova nindi, Indiiyi yimuna yayivulu yimudi nakunketwila yanka? Ami nckuti dehi nyilambu yakushita yayizamba yanyikoku, nimanji ayimuna yakudiisha; hinatiyi kwami kuwaha namashi amayoŋa aŋombi amayala hela anyana kanyikoku hela ayizamba yampembuku.

¹²Chimwenzaŋa nakumwekana kumesu ami, hinyi wayilejeli nindi mwakadatolaŋa muyipaŋu yami?

¹³Bayi muleta cheŋanawa nyilambu yakuhemeshaku; insensi nayimoni dehi hichishimashima hohu, nikakweji kakaha, nisabata, nikutambika yipompelu, yadi. Hikuluwa tuhu, hela kukumaŋa ana kwakudihudika.

¹⁴Nitukweji twenu twatwiha niyawija yenu yakudishiika, muchima wami kuyikeŋa nehi, yankabishaŋa tuhu; nazeyi dehi nakukabakana nayu.

¹⁵Chimukuŋa olwela makasenu nukuyibutila mesu ami. Mwalala, hela mukuvulisha kulomba hinukutiyaku; makasenu anenzali mbe namashi.

¹⁶Welenu, ditookeshenu; fumishenukumesu ami kutama kwyuma yimwelaŋa; lekenu kwila chatama.

¹⁷Dizenu kwila chachiwahi; keŋakeŋenu wuŋa aji, kwashenuku anakabishuwu, sompelenu anshona, hakwilenu ambanda awantuluwa.

¹⁸Yehova nindi, Inzenu tutiyapanenu, hela neyi nshidi jenu jichinana, jakatooka to-o neyi mpeza; hela neyi jichinana nge, jakatooka neyi wanda,

¹⁹neyi mukwovwahila nakutiya, mwakadya yayiwahi yamwituŋa;

²⁰neyimukuleka nakudikaŋa, akayidya kudi mpoku yakabali; muloŋa kanwa kaYehova kanahoshi dehi.

²¹Mukala wakashinshi o chiwunabalumuki dehi neyi chivumbi! Wadipiwenzala wupaji! Mwashakaminaŋa kuŋa, ichi himudi ambanji.

²²Silivayeyi yinabalumuki dehi mazozu, wahva weyi awubomba dehi nameji.

²³Tulamba tweyi twadikapa, adikata nawamakombi; wejima wawu akeŋamaseleka, alondaŋa mawufwetu; hiyasompelapa anshonaku, kudi wenahikwashikapa nsaŋu yawantuluwaku.

²⁴Dichi Mwanta Yehova wamazaza, Mukwaŋovu wawaIsarela, nindi, Eyo-o, akwankunyi nami nukudifumishawu, niayilumbu jami nukuditendawu.

²⁵Nukukufuntishila cheŋi chikasa chami, nukukuzakasa muluteŋunikufumishi mazozu eyi, nikufumishi wufoyu weyi wejima.

²⁶Nakakufuntishila ansompeshi jeyi neyi hatachi, niakwakukuleja maana, neyihakusambila. Nkumininaku akakutena nawu, Mukala wakuloŋa, nawu, Mukala wakashinshi.

²⁷Ziyona akamukúula nakusompesha, antu indiakafunta akayikuula nakuŋa.

²⁸Ilaŋa kwakumotoka nshimbi niakwanshidi akakotokela hamu, antu alekapa Yehova akayinoŋesha.

²⁹Muloŋa mwakatiya nsonyi janyikula yimwakeŋa eli, mwakanoŋa ajala kumesu namatempenu mwatondeli.

³⁰Muloŋa mwakekala neyi mukula walepukapamafu, neyi itempa dakadi meji.

³¹Mukwaŋovu wakekala neyi nfufu, mudimu windi wakekala neyi lusasi, yejima yiyedi yakakwatila kesi hamu, hosi wakakajimaku.