Read MUKANDA WANZAMBI Isaya 10 Bible Online

Isaya 10 - MUKANDA WANZAMBI bible

Isaya 10

¹Yayo, aletaŋa nshimbi jaheŋa, asonekaŋa ajaluwalala!

²Kulondaalumbuli abula yuma, abuli kuyiketwila nyiloŋa, kulonda ahukuli tuzweŋi twahadi antu ami chaya muwuŋa aji, kulonda ayibuwi antuluwa, kulonda ayidyi anshona!

³Mwakela ŋahi ifuku dakenza nakuyihempulawu; nihakenza kunoŋesha kwakafuma kwakulehi? Mwakatemukila kudinyi kulonda akayikwashuku? Kulema kwenu mwakakushiya kudihi?

⁴Chakadi ami akakumina dakubandama mwishina dawankoli, akadimbukila mwishina dawana jahuwu. Mwejimomu kuzuwa kwindi kuhita nehi, chikasa chindi sapa acholwelayi.

⁵Eyi kaAshuri, yeyi muhinyi nazuwaŋa nachu, yeyi mutondu wudimuchikasa chawantu naletaŋa nachu ndombu, wo-o-o!

⁶Nukumutemeshakudi antu akweti kasekesha kakusekesha Nzambi, nukumwinka lushiikulwakuya kudi antu akumona ndombu yami, kulonda akayipupapupi, akayikwatakwati, akayidatoli neyi malowa adi munyikwakwa yahamukala.

⁷Hela chochu, yena hadi nakufuukula omuku, hela muchima windi hiwatoŋojokaŋa omuku; mumuchima windi mudi jakujilumuna hohu, mudi jakufumisha fumisha nyuza yayivulu.

⁸Muloŋa yena nindi, Tulamba twami twejima hiyanyanta hachikupuku?

⁹Kalino hadi neyi Karakemishuku? Hamati hadi neyi Aripa duku? Samariya hadi neyi Damakasaku?

¹⁰Chinakwati kumatuŋa awakishi akweti akishi awu akusoŋa badikili amuYerusalema, niamuSamariya,

¹¹komana nibuli kumwila Yerusalema nawakishi indi akutuŋa neyi chinamwili dehi Samariya nawakishiinduku?

¹²Chakamanishayi mwanta nyidimu yindi yejima yahampidi yaZiyona, niya muYerusalema, wakela nindi, Ami nakababesha mwanta wakuAshuri nanyidimu yinafumi kumuchima windi waditoheshapa, nakuwaha kwambala kwadi mujolaŋayi.

¹³Muloŋa yena nahoshi dehi nindi, Nachikoŋi naŋovu yakuchikasa chami, nama ana ami, muloŋa ami nadi hoŋeshaŋa mumuchima; nafumishi pinza janyuza yawantu, nabuwi dehi yuma yawu yalema, nafumishi antu hamatandawu awanta ashakamawu, neyi chilobu.

¹⁴Chikasachami chinawani maheta anyuza yawantu neyi chisakala; nakuŋuli iseki dejima neyi chakuŋulaŋayi muntu mateta anashiyuwu akadi niniwu wukwilalupúula pukupuku, hela wukwasama mukanwa hela wukwila nchwe nchwe.

¹⁵Chizembi chidisami namuntu wudi nakutema nachu? Mpoku yamazewuyidi toheshi namuntu wudi nakukalakala nachu? Chinafwani neyimuhinyi diwu wunakwati hadi antu akuwunyamuna, hela neyi mutondudiwu wukunyamuna muntu nabuli kwikala mutondu.

¹⁶Dichi chakakoseshelayi Mwanta, yowu Mwanta wamazaza, antu indiamaneni nyijimba; mwishina dakulema kwindi akabutulamu kwocha kudi neyi kwocha kwakesi.

¹⁷Chejeji chaIsarela chakabalumuka kesi, Windi Wajila wakabalumuka mulaŋu wakesi, kakasukumisha nakulasha ninyiŋa yindi niyikwata yindi ifuku dawu dimu.

¹⁸Wakanoŋesha kulema kwesapadindi, nikweha dindi dasoŋaŋa chachiwahi, nimuntu wamukachi nimujimbakumu; chakekala neyi hazeyaloŋa mukwakusenda mpandelu.

¹⁹Nyitonduya mwisaŋa dindi yakashalahu hiyakavulaku, hela kansi wukutwesha kuyisonekatuhu.

²⁰Dena ifuku odu aIsarela anashaluhu niakumutaŋa waYakoba anapuluki hiyakashindamena cheŋi hadi mukwakuyetaku; ilaŋa akashindamena hadi Yehova, Wajila waIsarela chalala.

²¹Akashalahu akafunta, wowu akuYakoba akashalahu, akafunta kudi Nzambi waŋovu.

²²Muloŋa hela antu eyi aIsarela akekala neyi wusekulula wakukalupalwŋi kwakafunta akashalahu hohu. Kunoŋesha kwafuukwiluwu kwakasumpokakuloŋa.

²³Muloŋa Yehova Nzambi wamazaza wakanoŋesha mukachiketuŋi dejima mwanafuukuliyi dehi.

²⁴Dichi Mwanta, Yehova wamazaza, nahoshi nindi, Enu antu ami mwashakama muZiyona, bayi mutiya aAshuri womaku, hela wukuyetamuhinyi, hela wukukunyamwina mutondu windi neyi cheliluwu aEjipitu.

²⁵Muŋa hanashali mpinji yantesha nankashi nindombu yami nikuzuwakwami kwakamana nanochu chakanoŋa awu.

²⁶Yehova wamazaza wakamusaŋu mwinachikoti neyi chayitapiluwu aMidiyani kwilola daOrebi; nimbwechi yindi yakekala hewulu dakaluŋalwiji, wakayinyamuna neyicheliluwu muEjipitu.

²⁷Dena ifuku odu chiteli chindi chakafuma hachifwijicheyi, nimpanda yindi yakafuma hanshiŋu yeyi, mpanda yakakisika hansaŋu yamanji awayishiluwu.

²⁸Yena nenzi dehi kuAyati, nahiti muMigironi; natuli dehi yuma yindi kuMikimashi;

²⁹anaŋandakani dehi kuwuhitilu, anakamini kuGeba; Rama hakuzaala; Gibeya waSawulu natemuki.

³⁰Eyi mwana kaGalimi wamumbanda, dilaku ikumbu dadeni! Eyi Layisha, tiyililaku! Yayo, eyiAnatoti!

³¹Madimena natemuki; ashakama muGebimi hiyakudipompeshanawu atemuki.

³²Dodalelu hohu dodakemanayi haNobi; hakuzwiyachikasa hampidi yamwana kaZiyona wamumbanda, yoyi mpidi yaYerusalema.

³³Tiyenu, Mwanta, Yehova wamazaza, wakakunkula nyitayi namutentu; akweti yiminu yataluka akayitema, asompoka akayidimbwisha hamaseki.

³⁴Yiputa yamwisapa yajika akayiteta nachikuŋu, Lebanoni wakadimbukaneyi chakumudimbwisha kudi chilobu.