Read MUKANDA WANZAMBI Isaya 13 Bible Online

Isaya 13 - MUKANDA WANZAMBI bible

Isaya 13

¹Wuprofwetu wakutcna Babiloni wamweniyi mwana kaAmozi Isaya.

²Imikenu mpandelu hampidi yankumbu, yibidikenu chakola, zwiyenumakasa kulonda akeŋili muyisu yampwembu yawayilolu.

³Naleji dehi ami ajilikewa, mwalala, nayitambikili dehi ayilobu jami kuzuwa kwami, wowami aluŋana nakudinka wanta.

⁴Ipumba dezaza dawantu kumapidi, didi neyidamuza weneni! Ipumba damuyoyu wamawanta anyuza yinapompi hamu! Yehova wamazaza wudi nakupompesha izaza dawantu ayi kunjita.

⁵Adina kufuma kwituŋa dakwakulehi, kwakweni kunsa yewulu, yowu Yehova nayitwa yandombu yindi, kulonda akajilumuni ituŋa dejima.

⁶Kalokenu; muloŋa ifuku daYehova hididi kwakwihi; dikufuma kudi Chinaweji neyikujilumuka hohu.

⁷Dichi chakalepukilawu makasa ejima, ninyichimayawantu ejima hiyakasuŋunuka;

⁸akatiya muchima mwivumu puchi, mumuchima lezu, mumuchima kahalali; akatiya yikatu yidi neyi yamumbanda wudi nanyisoŋu yakuvwala; akadihayamina, iwu nakuhayama mukwawu, iwu nakuhayama mukwawu; ni kumesu nge neyi muzuzu wakesi.

⁹Tiyenu, ifuku daYehova hidikwinza, dawukatu, hidikwinza nandombuna kuzuwa kwasweja; kulonda kukisaŋa ana ituŋa dibalumuki neyi ihembi, kulonda kujilu mwinamu akwanshidi adumu.

¹⁰Muloŋa tutumbwatwa mwiwulu nimazanvu atu hitwakamunyikaku; niitaŋwa dakeyila hidakatuntuka, nikakweji wakaleka kutoŋeka mweji windi.

¹¹Nakababesha mpatayamunu mwishina nakutama kwawu, nakayibabesha niakwakwila yatamanakuluwa kwawu; nakakumisha kudivuna kwadivunaŋwu akwakudinka wanta, niwinyi wawatiyawu woma nakawunata heseki.

¹²Nakakeheshamu antu chakubadika chakehaŋa awuru wakoseka, mwalala nakakeheshamu antuchakubadika chakehaŋa awuru wutooka wakuOfwiri.

¹³Dichi nakazaalisha mawulu, niiseki dakakanka dakafuma mwindi mwekalayi handombuya Yehova wamazaza, hefuku dakuzuwa kwindi kwasweja.

¹⁴Wejima wawuakafunta kudi awusoku wawu awenawu, wejima wawu akatemokela kwituŋadawu awenawu, neyi mbaala anahaŋuwu, hela neyi mukoku wákubulakupata.

¹⁵Ejima akawanawu akayipwikapwika, zwa, zwa, ejima akakwatawu akadi mboka nampoku yakabali.

¹⁶Nyikeki yawu akayichika puchipuchi kumesu awu; matalawu akayitamisha, aŋaodi jawu akakama nawuchakuyikwata.

¹⁷Tiyenu, nukuyisaŋu mwina aMediya akabula kusha siliva kumuchima, hela tuhu wuru hiyakawutiya kuwahaku.

¹⁸Akasansola anyi kwenzina mata awu anyikunji; hiyakatiyila akuvwali ka mumavumu wushonaku; mesu awu hiyaka anakena atwansuku.

¹⁹Hakwila Babiloni wabadika matuŋa ejima kuwaha, wukweti lubanji lwataŋela ŋawu aKaladeya, wakekala neyi hasandiluwu Sodoma naGomora kudi Nzambi.

²⁰Hiyamba katuŋamunawa cheŋuku, hiyamba kashakamamu nawa cheŋuku, mwamba kavwalikilaŋa awu antu; hela kaArabiya hakatuŋilaku itenti dinduku; hela atubiŋa hiyakakamikaku nyikoku yawuku.

²¹Kwakakamaŋa anyama amumpatakala muchibaba, mumatalawu mwakenzala anyama ashikelaŋa; kwakashakama anyamalanda, kwakahaŋanaŋa ampembi amwisaŋa.

²²Mumatalawu amaneni mwakakalokelaŋa atuŋiwidi, ninyumbu akakalokelaŋa mumatalawu adiŋi awanta amawahi; mwaka windi washika dehi kwakwihi, mafuku indi hiyakashimpokela nawaku.