Read MUKANDA WANZAMBI Isaya 15 Bible Online

Isaya 15 - MUKANDA WANZAMBI bible

Isaya 15

¹Wuprofwetu wakutena Mowabi. Ari wakuMowabi awusanda dehi shati wufuku wumu hohu, wela dehi wamukunkulwayi; Kiriwa kuMowabi awusanda dehi shati wufuku wumu hohu, wela dehi wamukunkulwayi.

²Yena wakanduka dehi kuBayiti, nikuDiboni, kuyinaijinaŋa, akadililuku; Mowabi hakukaloka nansaŋu yaNebo naMedeba, nyitu yawuyejima kwankumbu hohu, mawevu ejima atewula dehi.

³Hiya kuvwalavwalayikeleyi hanzi jawu; nihewulu damatalawu nihamalubanzawu wejimawawu hiyakukaloka nakwalumoka heseki.

⁴Heshiboni hakwaboka niEleyali nawa; izu dawu dinatiyakani nikuYahazi; dichi chakudililawu naŋovuamayala amuMowabi amanyeka; muchima windi hiwukuzaala mwivumu.

⁵Muchima wami hiwukwaboka nansaŋu yaMowabi; yilolu yindi hiyakutemukila kuZowari, kuEgelati Shelishiya; muloŋa adi nakukandukila kumukanduwa kuLuhiti nakudila; muloŋa kunjila yakuHoronayimi anavwakuki dehi mbila yakujilumuka.

⁶Meji akuNimirimi akashala tuhu amukunkulwayi; nimatahu anomi dehi chau, nimunyenvu wunamani dehi zo-o, hosi chuma chitúuta nichimuku.

⁷Dichi yuma yayivulu yanahetuwuni yanaswekuwu akayitwala kukakaloŋa kanyisombu.

⁸Muloŋa mbilayinahitahiti kuŋinza jaMowabi; kukaloka kwakalokapawu kunashiki dehini kuEgelayimi, kukaloka kwakalokapawu kunashiki dehi nikuBeyeri Elimi.

⁹Muloŋa meji akuDimoni aneli dehi kwamashi hohu; muloŋa nichidikuletela Dimoni yuma yi kwawu; mutupa wakalotokela antu akupuluka kuMowabi, niantu akashalahu mwituŋa.