Read MUKANDA WANZAMBI Isaya 16 Bible Online

Isaya 16 - MUKANDA WANZAMBI bible

Isaya 16

¹Futimishenu anyana kanyikoku kuSela wekala kumutamba wesapa, muyitemeshi kudi mukwakuyula ituŋa, kumpidi yamwana kaZiyona wamumbanda.

²Kunyaba yaArinoni anyana kaMowabi awambanda akekala neyi tujila twalulutapa twanamwaŋuwu dehi muchisakala chawu.

³Tulejenu maana, ilenu mwasompeshawu dehi; mwevulu weyi wubalumuniwikali neyi wufuku hakachi kamwaana; swekenu anahapuwu; bayi musolola anapwapukuku.

⁴Antu ami anahapuwu akashakami naneyi; ikalaku chiswamu chawaMowabi kukwinza akwakukisaŋa ana; muloŋa akwanyilamŋi nayi kumi dehi, kujilumuna kwakuma dehi, akwakukabisha ituŋa anoŋa adehi mwituŋa.

⁵Akakolesha itanda dawanta naluwi, hakashakama wumunansaŋu yalala mwitenti daDavidi, nakusompesha, nakukeŋa wuŋaji, nakunyakala kwila yaloŋa.

⁶Tunatiyi chanadinkiyi Mowabi wanta, yena kwaamu nasweji kudinkawanta; nikudivuna, nikudinka wanta, nindombu, chochindi, mwadisamaŋa ayimwakakuma.

⁷AMowabi dichi chakakalokelawu aMowabi, wejimawawu akakaloka hohu; mwakadilila mankendi avinyu akuKirihareseti, mwalala mwakekala etewa dehi.

⁸Maha akuHeshiboni adi nakuzeela, nimuvinyu wakuSibima kumu; ayilolu amunyuza yawantu anakotoli dehi nyivinyu yawu yadiŋi yakutonda chachiwahi; ashikili nikuYazeri, ayili nakululuta mwisaŋa, nyitayi yindiyatandili niniku niniku, yazambukili nikaluŋalwiji.

⁹Dichi nukudilamuvinyu wakuSibima neyi chadilaŋa awu akwaYazeri; nukukumina dakukutuku mwina madilu ami, eyi Heshiboni, nineyi Eleyale; muloŋa hanyikabuyeyi yahanvula nihayakudya yeyi yakukeŋa kwaŋulawu hanavwakuki kudikuwa njita.

¹⁰Nikuluŋa akufumisha dehi, nikuzaŋalala akufumishadehi mwiha dasoŋelaŋa chachiwahi; mumatempa anyivinyu himwakekalanawa kwimba tuminaku, himwakekala kudikuwa kwakuzaŋi lalaku; kwosinawa wakadatola vinyu muwukamwinu wavinyuku; namweneshi dehi kudikuwa.

¹¹Dichi mumuchima wami mwakamuvumina Mowabi neyikadada, mwivumu dami mwakamuvumina Kirihelesi.

¹²Chakelayi Mowabi nazeyi dehi hakwimana hayinaŋanaŋa, hakwiŋijala nimumalali ndina kulomba, hakemika mushinduku.

¹³Izu idi didahosheliyi Yehova dakutena Mowabi hanyaka.

¹⁴Ichidinu Yehova nahoshi dehi nindi, Munyaka yisatu yidi neyi nyaka yesekelaŋa awumuntu wakwataŋa mudimu, Itulema kwaMowabi kwakasawukila hamu nezaza dindi deneni dejima; kwakashala antesha nankashi amukunkulwayi hohu.