Read MUKANDA WANZAMBI Isaya 17 Bible Online

Isaya 17 - MUKANDA WANZAMBI bible

Isaya 17

¹Wuprofwetu wakutena Damakasa. Tiyenu, Damakasa amufumisha dehi kwikala nawa mukala nehi, wakekala kwamulumba hohu vwi-i.

²Nyikala yakuArowenai ayileka dehi; yakekala yawayimuna yakawutamaŋamu chakadi niniwu wukuyitiyisha woma.

³MuEfweremi himwakashala nawa cheŋa mukala wachipakaku, nimuDamakasa nikudi aSiriya akashalaku, hikwakashala nawa cheŋi wantaku; akekala neyi kulema kwawanyana kaIsarela. Dimu mwanahoshiyi Yehova wamazaza.

⁴Dena ifuku odu kulema kwaYakoba kwakazeya, nikutoha kwamuji mbawindi kwakabalumuka kukosa.

⁵Hichakekala neyi hakuŋula ŋayi mukwaku munatidiku yemana, hakumuna nyitu yatidiku nachikasa chindi; mwalalahi chakekala neyi chanonojola ŋayi muntu nyitu yatidiku muchinekineki chawaRefwa.

⁶Hela chochu, mwakashala yakunonojola, neyi chanyikumunaŋawu muolive, hikukushala tumawundu tuyedi, indi kwiji tusatu tudikunsa yamutayi wakwiwulu, hela tuwana, inai kwiji tutanu tudi kunyitayiyamumbavu, kwakweni kunsa yamutondu wasoŋa. Dimu mwanahoshiyi Yehova Nzambi yaIsarela.

⁷Dena ifuku odu muntu wakatala kudi Nleŋi yindi, mesu indi akatala kudi Wajila waIsarela.

⁸Hakatala kutumeŋa twakutuŋa namakasinduku, hakalabila nyiyombu nawakishi etaŋwa aneliyi nanyinu yinduku.

⁹Denaifuku odu nyikala yindi yakola yakekala neyi maluŋa alekelawu dehi mwisaŋani hewulu dampidi, wowu alekeluwu kwayiluwu anyana kaIsarela; hakekalamahembi hohu.

¹⁰Muloŋa wunavulameni Nzambi lwamwena wamwinuweyi, hiwunaanuki ilola diwamwena Ŋovu jeyuku; dichi chiwukutumbila nyitondu yakukutiyisha kuwaha, hiwukushimikila mukishi wakwacheŋa nyitondu;

¹¹ifuku diwukutumba hiwukukolekaku niikoli, budidi hiwukukenwisha nyitondu yeyi; ilaŋa yiwukukeŋa kwaŋulamu hiyikutemuka mwifuku dakumona kukala niyihuŋu yasweja.

¹²O, ipumba danyuza yawantu yayivulu dikuvuma neyi chavumaŋa atuluŋalwiji. O, kukumpuka kwakumpukaŋa nyuza yakumpukaŋa neyi chakumpukaŋa meji amavulu!

¹³Nyuza yakakumpuka neyi chakumpukaŋa ameji amavulu; ilaŋa yena wakayihoshola, akatemukila kwakulehi, akayihaŋa aneyi chahaŋaŋa awu muziiŋu wakumapidi kudi mpepela, neyi lunkuŋu lwanyepomokaŋa kukwinza nvula yeneni.

¹⁴Kumelela himutentu; nibudidiyi chidi kanda hiyadi kwokuku. Diyi yakatambulawu antu atupupaŋa, diyi yakamonawu antu atwiyaloŋa.