Read MUKANDA WANZAMBI Isaya 18 Bible Online

Isaya 18 - MUKANDA WANZAMBI bible

Isaya 18

¹O, ituŋa davumaŋa mpuula, dekala mwishinadi datuloŋa twakulo Etiyopiya!

²datemeshaŋa atuŋanda mukaluŋalwiji muma atuanyilela hameji, nawu, Enu antemesha alufuchi, yenu kumuza wawantu ataluka aselumuka, antu akutiya woma kufuma kutachi nihanu; muzawesekaŋa namwonji, wadatolaŋa, wukweti ituŋa daambuka natuloŋa.

³Enu mwekala mumpata yamunu mwishina, enu mwashakama hanuheseki, chakanya munawu mpandelu hamapidi mwakatalaŋa, chakemba wumpuja mwakatiyapa.

⁴Muloŋa Yehova naŋili nindi, Nukuduŋu mikazo-o, mwami nashakama nukutalaŋa, neyi nkanza yitooka yahamwaana, neyi ivu dawuumi dahankanza yahachilaaka chakwaŋula.

⁵Muloŋa hachidi chilaaka chakwaŋula kanda chishiki, helaŋa nkenu yinakukumuki dehi, hadiŋi nkenu hihadi mukabu wavinyu wudi nakuya nakwiha, yena hakutetatetaku nyitekeŋu nampoku jakukunkula nachu, hakukunkulaku nyitayi yatandama, hakuyitwala kwacheŋi.

⁶Hiyakuyilumbikila atujila akumapidi asweja nzala, nianyama ahanu heseki; atujila asweja nzala akachelukilaku mwaka wanvula, anyama ahanu heseki akachelukila kumwaka wanoŋa.

⁷Henohu dihu hakamuletelawu Yehova wamazaza chamukunkulu chakudi antu ataluka aselumuka, chakudi antu akutiya woma kufumisha kutachinihanu, muza wesekaŋa namwonji, wadatolaŋa, akweti ituŋa daambuka natuloŋa, akaleta kuchipela chejina daYehova wamazaza, kumpidi yaZiyona.