Read MUKANDA WANZAMBI Isaya 19 Bible Online

Isaya 19 - MUKANDA WANZAMBI bible

Isaya 19

¹Wuprofwetu wakutena Ejipitu. Tiyenu, Yehova hakwendela hevu dasweja lufuchi, hakushika kuEjipitu, nkishi jakuEjipitu chikumumona jikuzaala, ninyichima yawaEjipitu yikunowa mumavumu awu.

²AEjipitu nukuyisaŋu mwina akwawu aEjipitu; akalwaŋana, iwu nakulwa namana kwindi, iwu nakulwa nantuŋinindi, mukala namukala, wanta nawanta.

³Spiritu yaEjipitu yakamwaŋaka mukachi kawu, nakakisaŋana mpùŋa yawu; akakeŋakeŋa kunkishi nikudi atudyaŋu, nikudi akwakuzakuka akishi, nikudi atutepa.

⁴AEjipitu nakayisha muchikasa chakalamba wukweti wukatu; akayiyulaŋa kudi mwantawazuwa. Dimu mwanahoshiyi Mwanta Yehova wamazaza.

⁵Mukaluŋalwiji mwakamana meji, kaloŋa kakanoŋa, kakoma chau.

⁶Tuloŋa twakanunka, namutupila twamuEjipitu mwakakeha meji, mwakomachau; mateti natunshindi twakalepuka.

⁷Tuyana twakuNile twekalaku chikumu chaNile, niyuma yejima yatumbawu kuNile yakoma, akayihaŋa, hiyakekala nawa kwokuku.

⁸Yibinda yanshi yakadila makumbu, antu ejima ombilaŋa mazambu muNile akadishona, ataŋa tuleŋi twawu hameji akazeela.

⁹Niakwakwila nyidimu yafwalakisi yakusakula nachisakula, niakwakutuŋi mahina atooka, akatiya nsonyi.

¹⁰Tuposhi twawu twakakotokakotu kotu niakoŋaŋa nyidimu yawufwetu akatiya chikela munyichimayawu.

¹¹Atulamba amuZowani asupa chikupu; mpùŋa yawantu aswejamaana, ashakamaŋa naFwaro hampùŋa, yinabalumuki yawunyama; mudi nakumwila Fwaro ŋahi, nenu, Ami ni mwana kawakwamaana, nimwana kawanyanta akushankulu?

¹²Dichi dinu antu eyi akwamaana hiyadihi? Akuleji dinu, eluki mwanafu ukwiluwu aEjipitu kudi Yehova wamazaza.

¹³Atulamba amuZowani anabalumuki dehi ayisupi, atulamba amuNofwi anayidimbi dehi; adiŋi ilola dakwiwombu danyi chidi yawu diwu anajimbeshi aEjipitu njila.

¹⁴Mukachi kawu Yehova nabombelumu dehi spiritu yakuluwalala, analuwishi dehi aEjipitu nyidimu yawu yejima, neyi chapedaŋilaŋa muntu nasheti walwa pumasanjilindi.

¹⁵KuEjipitu hikwakekala nawa mudimu wakatwesha kwila hela namutu, hela mukila, helamukoma, hela kanshinduku.

¹⁶Dena ifuku odu aEjipitu akekala neyi ambanda; akazaala, akati yawoma nanochu chakazwiyayi Yehova wamazaza chikasa chindi, chakuzwiyayihewulu dawu.

¹⁷Ituŋa dawaYuda dakafwisha aEjipitu mutentu, antu ejima akatenenawu itupidi akatiya woma, nakufuukula kwaYehova wamazaza kwadi nakuyifuukwilayi.

¹⁸Dena ifuku odu mwituŋa daEjipitu mwakekala nyikala yamaneniyitanu yahoshaŋa idimi damuKenani, yasanyikaŋa Yehova wamazaza; wumu akawutena nawu, Mukala wakujilumuka.

¹⁹Dena ifuku odu mukachi ketupa daEjipitu mwakekala kameŋa akaYehova, nikupinza yadu kwakekala kaposhi kaYehova.

²⁰Hichinjikijilu niwunsahu wakushimuna nachu Yehova wamazaza mwituŋa daEjipitu; muloŋa akadilila kudi Yehova nansaŋu jawa kwakuyi kabisha, wakayi temeshela chamwinu, nikakiŋa kamayanda, wakayipulwisha.

²¹Yehova akamwiluka kudi aEjipitu, aEjipitu akamwiluka Yehova dena ifuku odu; mwalala akamujilokela nikuketula yimuna, nikulambula nyilambu, akadishiila mukudi Yehova, nikuchikoŋa akachikoŋa.

²²Yehova waketa aEjipitu, nikweta nikuuka; akafunta cheŋa kudi Yehova; wena akamule mbelela, wakayuka.

²³Dena ifuku odu kwakekala mukwakwa wakufuma muEjipitu wakuya kuAshuri, niaAshuri akenza muEjipitu, aEjipitu nawa akaya muAshuri; aEjipitu akajilokelaŋa hamu nawaAshuri.

²⁴Dena ifuku odu aIsarela akekala amuchisatu nawaEjipitu nawaAshuri, akekala nkisu hakachi keseki;

²⁵nanochu chakuyikiswilayi Yehova wamazazankisu, nindi, Kisu kisu, enu antu ami aEjipitu, ninenu aAshuri mudi muwaku makasami, ninenu aIsarela wuswana wami.