Read MUKANDA WANZAMBI Isaya 23 Bible Online

Isaya 23 - MUKANDA WANZAMBI bible

Isaya 23

¹Wuprofwetu wakutena Tira. Enu maatu amaneni akuTarashishi, kalokenu muloŋa akisapanaku dehi, hikudi itala hela kuwipililuku; anayimwekeshelichu hinsaŋu yinafumi kuKitimi.

²Enu mwashakama kuchi kumu chakaluŋalwiji, mwenenu zo; eyi awanishililuwu yuma kudi akwakulandujola akuZidoni azambukaŋa akaluŋalwiji.

³Hameji asweja, mbutu yakuShihori, kwaŋula kwaapulaŋa awukuNile, diku kuwudiilu windi; yena wadiŋi diyi soku yakulandila nyuza.

⁴Eyi Zidoni tiyaku nsonyi; muloŋa kaluŋalwiji nahoshi dehi, hakolela kaluŋalwiji, nindi, Ami kukata nyisoŋu yakuvwala nehi, nikuvwala anyananehi, nikulela anyikwenzi nehi, nikulela ajiki awambanda nehi.

⁵Nsaŋu yaTira chiyakashika kuEjipitu akatiya kumuchima lezu nansaŋu oyu.

⁶Zambukenu muyi kuTarashishi; enu mwashakama kuchi kumu chakukalupalwiji kalokenu.

⁷Weniwu diwu mukala wenu wadisanswilaŋa? Wakufumisha kushankulu? Wukweti nyendu yamutwelaŋa nakushakama kwakulehi?

⁸Wunafuukuli Tira chumichi hinyi? Mukala wavwikapa antu yibaŋula, akwakulandujola alandu jola pamu hiyatulamba, asesejapamu wowu alemahanu heseki.

⁹Yehova wamazaza diyi nachifuukuli kulonda kutamisha kudinka wanta kwalubanji lwejima, kulonda kusawisha alema ejima hanuheseki.

¹⁰Eyi mwana kaTarashishi wamumbanda, kumpukaku mwituŋa deyi neyi Nile; hiwukweti nawa cheŋi muya wakuvwalaku!

¹¹Nolwelidehi chikasa chindi hakaluŋalwiji, nanyinkeshi dehi nimawanta; Yehova nashumu dehi lushimbi lwakutena Kenani lwakukisapana hawu hakolelawu.

¹²Welili nindi, Eyi mujiki wakabishewa, eyi mwana kaZidoni, bayi wakaluŋa cheŋuku; nyamukaku, zambukaku wuyi kuKitimi; hela kwenoku hiwakamona kunookaku.

¹³Talenu ituŋa dawaKaladeya; antu awa hiyadi nawa cheŋi kwokuku; aAshuri afuukula dehi ituŋa dawu nawu dawanyama amwisaŋa; hiyakutuŋila namutuposhi twawu, hiyakusanda matalawu amawahi, himukwikala kwanyilumba nyilumba.

¹⁴Enuma atu akuTarashishi, kalokenu; mpwembujenu ajisanda dehi.

¹⁵Dena ifuku odu Tira akamuvulamena nyaka makumi atanu nayedi, mwashikila mafuku amwanta wumu; hakamana nyakamakumi atanu nayedi, Tira wakamona chuma neyi chakukamina kachivumbiwa mumbanda.

¹⁶Nonaku kadada, wuhiti nakunyeŋumuka mwahitamukala, eyi chivumbi avulamenawu dehi; imbaku chachiwahi; imbakutumina twatuvulu kulonda akwiluki cheŋi.

¹⁷Chakamana nyaka makumi atanu nayedi, Yehova wakahempula Tira, yena wakafunta cheŋi kumudimuwindi wadiŋi nakudiilayi nyondanu, wakela wuvumbi namawanta ejima amumpata yamunu mwishina hewulu deseki.

¹⁸Niyuma yakulandojola yininyondanu yindi yakekala yakujilikila Yehova, hiyakayisweka hela kuyitudikaku; muloŋa yuma yakulandojolayi yakekala yanawa akushakama kumesu aYehova, kulonda akadyi akekuti, akavwali yalumbuluka.