Read MUKANDA WANZAMBI Isaya 24 Bible Online

Isaya 24 - MUKANDA WANZAMBI bible

Isaya 24

¹Tiyenu, Yehova hakwilisha iseki diikali damukunkulwayi, diikalimahembi, hakudikuvumika, ashakamamu hakuyimwaŋa mwa-mwa.

²Chakekala chaduwu antu dichi chaduwu niatupristu; chaduwu anduŋu amayala dichi chaduwu niankaka jawu amayala; chaduwu anduŋu awambandadichi chaduwu niankaka jawu awambanda; chaduwu akwakulanda dichi chaduwu niakwakulandisha; chaduwu akwakusondamisha dichichaduwu niakwakusondama; chaduwu akwakudya nŋalanyi dichi chaduwuni adiilawu nŋalanyi.

³Iseki dakekala dakadi chuma nichanti, dakisika dehi chikupu, muloŋa Yehova nahoshi dehi yumiyi.

⁴Iseki hidikudishona, hidikulepuka, mpata yamunu mwishina hiyikuzeela, hiyikulepuka, akwakudi mujola ahanu heseki hiyakuzeela.

⁵Iseki dinatami kwishina dawantu ashakamahu; muloŋa anamotoki dehi nshimbi, anabalumuni dehi lushimbi, anajahi dehi chitiyaŋenu chahaya nyaka.

⁶Dichi ishiŋu dinadyi dehi iseki, ashakamamu anatanyi dehi; dichi akwakushakama heseki anasukumi dehi, hanashali dehi antu antesha.

⁷Vinyu yayiha hiyikudishona, nyivinyu hiyikuzeela, antu ejima akweti nyichima yazaŋajala hiyakudishishimona.

⁸Kuzaŋajala kwakuzaŋajala nandimba hikukukuma, ipumba dawakwakuzaŋalala hidikumwena, kuzaŋajala kwakuzaŋajala natudada hikukukuma.

⁹Hiyakanwa vinyu nakwimba tuminaku; walwa akawutiyaloŋa kulula kudi akawunwaŋa.

¹⁰Mukala wachachaŋana dehi wunahumuki; matala ejima akwenzela kulonda mubuli kwijila antu.

¹¹Kudi kudilila vinyu hanzŋimukala; atiyilaŋa kuwaha anatiyi dehi kumuchima bwi; kuzaŋajala kunafumi dehi mwituŋa.

¹²Mumukala munashali kwachihembi, chisuchampwembu achikisaŋa ana dehi.

¹³Dichi chakamonawu mukachi kanyuza yawantu mwahita iseki, akamona neyi chalukumunaŋawu muolive, hela neyi chanonojolaŋawu nyikabu yavinyu helaŋa chilaaka chakudya chinamani dehi.

¹⁴Akatwala izu dawu hewulu akadikuwa; adi kukaluŋalwiji akabilela nansaŋu yakulema kwaYehova.

¹⁵Dichi mutúumbakeshenu Yehova kumusela, túumbakeshenu ijina daYehova Nzambi yaIsarela, muyitutu yakukaluŋalwiji.

¹⁶Tunatiyi tumina kwakumina iseki twakwila nawu, Waloŋa ekali nalubanji. Ilaŋa mi nelili nami, Nakosi, nakosi, iyayami nshona! Akwakukwatila akwawu makasu anakwatili akwawu makasu, mwalala akwakukwatila akwawu makasu anakwatili akwawu makasu nankashi.

¹⁷Niwoma, niwina, nimuhetu, yinakuwani eyi mukwakushakama heseki.

¹⁸Chakelayenowu wakatemuka woma wamuswalu wakaholokela muwina; wakafuma muwina wakafwa mumuhetu, muloŋa njanina jamwiwulu jakenzuluka, nihashimatila iseki hakanyika.

¹⁹Iseki dinahumuki dehi chikupu, dinasuŋunuki chakusuŋunuka, iseki hidikupedaŋala chakupedaŋala.

²⁰Iseki dakatedaŋala neyi muntu nasheti walwa, dakasenkenya niniku niniku neyi kafumbafumba, muloŋa wadu wakalemenahu; dakadimbuka, hidakanya mukanawa cheŋuku.

²¹Dena ifuku odu Yehova wakababesha izaza dawakwewulu, hewulu, nianyanta ahanu heseki, heseki.

²²Akayipompesha hamu, neyi chapompeshaŋwu ankoli muwina, akayenzelela mukaleya, neyi munahiti dehi mafuku amavulu akaya nakuyihempula.

²³Kakweji kakabaya, itaŋwa dakatiya nsonyi; muloŋa Yehova wamazaza wakekala Mwanta hampidi yaZiyona, nimuYerusalema, ni kumesu awantu indi awawakulumpi chakulema hohu.