Read MUKANDA WANZAMBI Isaya 25 Bible Online

Isaya 25 - MUKANDA WANZAMBI bible

Isaya 25

¹Eyi Yehova, yeyi Nzambi yami, nukukutúumbakeshaŋa, nukusakililaŋa ijina deyi, muloŋa wuneli yuma yakuhayama, joji mpùŋa jakushankulu jiwelili mwakashinshi nimwalala.

²Muloŋa mukala wunawubalumuni dehi kwamulumba hohu, mukala wampwembu hinyilumba nyilumba, dadiŋi itala dadiwahi dawantu akwacheŋi kwikala nawa mukalanehi, hiyamba kawutuŋa nawa chepuku haya nyaka.

³Dichi chakakulemeshelawu antu akweti Ŋovu, nimukala wanyuza yatiyawu antu womawakakutiya woma.

⁴Nanochu chiwunekali wumpwembu yawatuzweŋi, wumpwembu yawantu abula yuma hamonaŋwu kukala, wuweyaminu wanvula yeneni, wuwulelu wahankanza, helaŋi atiyawu woma hiyadi neyinvula yeneni yikweta hambaŋu.

⁵Chiwamweneshaŋi nkanza hampataya kadi meji, dichi chiwakamwenesha ipumba dawantu akwacheŋi, nichamwenaŋa iyena nawulelu wevu, dichi chakamwena nikamina kawantu atiyaloŋawu antu woma.

⁶Hampidiyi Yehova wamazaza wakatelekela nyuza yawantu yejima chawija chambiji januna, chawija chakudya najivinyu jajiwahi, chambijinuna jasweja manji mumafwaha, chajivinyu jajiwahi jakutata chachiwahi.

⁷Hampidiyi wakakisaŋga chifwiku chabuta nyuza yawantu yejima, niihinaŋa datanjikawu hanyuza yejima.

⁸Naminyi dehi kufwa chahaya nyaka Yehova wakakombola madilu mumesu awantu ejima, wakafumisha kusawuka kwawantu indi mwahita iseki dejima; Yehova nachihoshi dehi.

⁹Dena ifuku odu akahosha nawu, Talenu yeniwu diyi Nzambi yetu tunamuchiŋilili, wukutwamwina. Yeniwu diyi Yehova; tunamuchiŋilili, tukutiya kuwaha nakuzaŋalala nawamwinu windi.

¹⁰Muloŋa hampidiyidihu hakanookela chikasa chaYehova, niaMowabi akayidatola mwawumwekalawu, neyi chadatolaŋa awu matahu mumeji akumulumba watuji.

¹¹Akolola makasawu mukachi ketuŋa dawu, neyi chololaŋa mukwakusala makasindi kulonda asali; wakafwomona wanta wawu wadinkawu hamunawukala wenu wakumakasawu.

¹²Mpwembu yenu yasweja kukola yayilehi, yena nayisandi dehi, nayihumuni dehi, nayishikŋi dehi heseki, lwenimulunkuŋu.