Read MUKANDA WANZAMBI Isaya 26 Bible Online

Isaya 26 - MUKANDA WANZAMBI bible

Isaya 26

¹Tiyenu kamina kakembawu mwituŋa daYuda dena ifuku odu, nawu, Tudi namukala wasweja Ŋovu, yena wakashaku wamwinuwikali mpwembu jawu nimwakudikaŋala.

²Enzululenu yenzelu yakumpwembu kulonda mwiŋili muza waloŋa wahembaŋa nsaŋu yalala.

³Muntu wukweti yitoŋojoka yashindamena hadeyi, wakamuhemba, wakatulamuchima windi mwivumu hi-i nanochu chakukuhwelelayi eyi.

⁴Mukuhwelelenu Yehova haya nyaka, muloŋa mudi YaYehova, dimumwilola dahaya nyaka.

⁵Antu ashakama kwiwulu nayinopamishi dehi heseki, mukala wekala hazandama nawushikumwishi dehi, nawushikumwishi dehi niheseki, nawushikiji dehi nikulunkuŋu.

⁶Akawudatola nyendu, yonyendu yawatuzweŋi, yoyintampu yawabula yuma.

⁷Njila yamukwakuŋayowu kwoʼnka; eyi woloka, yeyi washikumunaŋa njila yamukwakuŋa.

⁸Eyi Yehova mwalala tunakuchiŋilili munjila yawuŋa aji weyi; mucnimawetu wafwila ijina deyi nikukwanukaŋa.

⁹Nakufwili namuchima wami nawufuku. Mwalala nadanukaŋa nakukukeŋa akeŋa naspiritu yami mukachi. Muloŋa chiwukwikala wuŋaji weyi hanu heseki, akwakushakama munumwishina akadiza kuloŋa.

¹⁰Mukwakukopa chatama, hela wukuwana wuselewa, hakadiza kuŋaku, mwituŋa dakwoloka saŋa elilayi chatama ho-o, hakamona niwanta waYehovaku.

¹¹Eyi Yehova, hela chikasa cheyi chinanyamuki kwiwulu wena kumona nehi; muwakatiyila antu iyena kumuchima wena akamonamu, akatiya nsonyi; mwalala kesi kakalasha akwankunyi neyi.

¹²Eyi Yehova wukutuletela kuwunda, muloŋa wunatukalakeli nyidimu yetu yejima.

¹³Ala, Yehova Nzambi yetu, ankaka acheŋi anatuyuli, eyi nehi; kwinza kutena ijina deyi chinafumi kudeyi hohu.

¹⁴Afwa dehi hiyakahandaku; anoŋa dehi hiyakasaŋukaku; dichi chiwunayihempuli wunayijilumuni, wunayijiyishi nikuyanuka nawa cheŋi nehi.

¹⁵Wunavulishi muza, eyi Yehova, wunavulishi muza, anakulemeshi; wunatoheshi ŋanza jetuŋa jejima.

¹⁶Eyi Yehova, chamwenuwu yihuŋu akukeŋakeŋeli, chamwenuwu kubabesha kuwayibabesheli, akuminini dakwichila kulomba.

¹⁷Chelaŋa mumbanda wudi nevumu, hikwakwihi nakuvwala, hakutiya kukata, hakukaloka nanyisoŋu yindi yakuvwala, dichi twadiŋi etu kumesu eyi, eyi Yehova.

¹⁸Twadiŋi nevumu, twatiyili kukata, chidi neyi tunavwali mpepela; hituna Itoŋi wamwinu hanu hesekuku; hikunavwaliki akwakushakama munu mwishinaku.

¹⁹Afu eyi akahanda; yibimbi yawu yakasaŋuka. Enu mwashakama mulunkuŋu tonenu, mwimbi tumina; muloŋa wuumi weyiwudi neyi wuumi wakuyiputa, niiseki dakatupula afu.

²⁰Enu antu ami inzenu, mwiŋili mumatalenu mwaka denzelelumu; batamenu katata kanti ndombu yihiti.

²¹Tiyenu, Yehova hakufuma mwindi mwekalayi, hakwinza nakubabesha akwakushakama hanu heseki nakuluwakwawu; iseki dakamwekesha mashi adu, hidakabuta nawa cheŋi indi ajahewaku.