Read MUKANDA WANZAMBI Isaya 27 Bible Online

Isaya 27 - MUKANDA WANZAMBI bible

Isaya 27

¹Dena ifuku odu Yehova wakababesha leviyatani kapela kendaŋa lufuchi, leviyatani kapela kadijiŋajiŋaŋa, wakakababesha nampokuyindi yakabali, yakala yeneni yasweja Ŋovu. Wakajaha nichanza ŋombiwekala mukaluŋalwiji.

²Dena ifuku odu mwakela nenu, Itempa danyivinyu, diimbilenu tumina.

³Ami Yehova yami nadihembaŋa; nukuditukumwinaŋa hanti nahanti; nukudihembaŋa niwufuku nimwaana, kuchinamuntu kuditamisha.

⁴Mudami himudi jakulendumukaku; yikwatananyiŋa mutenowu yadi kudasa njita nanami! Nadi kwendela hadi wena, nadi kuyochela hamu bwi-i.

⁵Mukunkulwayi akwati kuŊovu yami, kulondatuvumbiki nawu ikala; mwalala kwaamu tuvumbiki nawu ikala.

⁶Hamafuku akenza Yakoba wakamena nyiji; Isarela wakakenuka nkenu, wakamena ninyitombu; wakawanisha nyikabu mwahita mpata yamunu mwishina yejima.

⁷Yena neti antu indi neyi cheteluwu antu ayeteli wena, tahindi? Wenaanayijihi chakweseka nachajahiluwu antu, tahindi?

⁸Chiwakamutwala owu mumbanda wakatadika nindi chakwesekela hohu; yena namufumishuku nampepela yindi yaŋovu mwifuku dampepela yakumusela.

⁹Cheni chidichi chakabutawu nachu kuluwa kwaYakoba, diyi nyikabu yejima yinafumi hakufumisha nshidi yindi; chakabalumunayi malola ejima akukameŋa ekali neyi mpeza yanatwuwu, kulonda ninyiyombu yenu niakishienu etaŋwa akabuli kunyamuka cheŋi.

¹⁰Muloŋa mukala wampwembu wudi hakanka wawu, himukala washiyawu dehi, walekawu dehi neyi isaŋadakadi antu; kwoku kwakadiilayi mwana kaŋombi, kwoku kwakakambamayi, hakanoŋeshelaku ninyitayi yanyitondu.

¹¹Nyitayi yakwenoku chiyikuuma akayikotolaku, ambanda akenza nakuyocha kesi; muloŋa hiyantu akadikashinshi, dichi wayileŋeli hakayitiyila wushonaku, wayiwumbili hakayitoŋa aku.

¹²Dena ifuku odu Yehova wakakupula nyikabu yindi kufumisha kudibaji daKaloŋa anamutuukishi kukakaloŋa kakuEjipitu, akayi kumaŋeja wumu wumu, enu anyana kaIsarela.

¹³Dena ifuku odu akemba mpùŋa yeneni, wampwembu wudi kujiyila mwituŋa daAshuri, ninawa ahaŋiluwu adi mwituŋa daEjipitu, akenza, akadifukula kudi Yehova hampidi yajila kuYerusalema.