Read MUKANDA WANZAMBI Isaya 28 Bible Online

Isaya 28 - MUKANDA WANZAMBI bible

Isaya 28

¹Yayo, chibaaba chawakwakunwa waiwa muEfweremi chadinkawu nachu wanta! Niwuluya walubanji lwindi lwasweja kuwaha wudinakuya nakulepuka, wudi kwafuma chinekineki chamanji chanawa adimboka dehi navinyu!

²Tiyenu, Mwanta wukweti chilobu wasweja Ŋovu; wakayinataheseki nachikasa, neyi nvula yamalola, neyi mpepela yasweja Ŋovu yakisaŋanaŋa yuma, neyi dibaji dameji aŊovu dinakombi to-o.

³Chiba abacha wakwakunwa walwa muEfweremi chakudinka nachu wanta anachidatoli dehi nanyendu;

⁴niwuluya walubanji lwindi lwasweja kuwaha wudinakuya nakulepuka, wudi kwafuma chinekineki chamanji, wakekala neyimukabu wachikuyu wasambilaŋahu dehi kwiha ninkanza yichidi kanda, wakwila chakuwumonayi mukwakutala iku wuchidi muchikasa chindi hakudyanikudya.

⁵Dena ifuku odu Yehova wamazaza diyi wakekala chiba abachasweja kuwaha nichibaŋula chalubanji chawantu indi akashalaku;

⁶wakekalaspiritu yakusompesha kudi wukushakama nakusompesha, niŋovu kudi akumwaŋa njita kuchisu champwembu.

⁷Ilaŋa wa anapedaŋali navinyu, anatedaŋili nawalwa; nikapristu nikaprofwetu anatedaŋili nawalwa, vinyu yinayikwati dehi, hiyakutedaŋila nawalwa, hiya ltupedaŋila muyimwenu yawu, hiyakuhukana hukana kuwuŋa aji wawu.

⁸Muloŋa jimesa jejima jineli kwamasanjila hohu namajilu, kwosi nikwakuwahuku.

⁹Hinyi akulejayi kwiluka? Wukushinshikishanyi mwaya izu? Awa asumuka dehi kumayeli, awa afumishawu dehi kunyesi, tahindi?

¹⁰Kuleja hakuleja, kuleja hakuleja; mufunda hamufunda, mufunda hamufunda; ikukanti, iku kanti.

¹¹Nehi dinu, yena wukuleja antu awa nanyivumbu yawantu akwacheŋi; nedimi dacheŋi;

¹²antu awa eliliyi nindi, Kwenikudiku kunooka, munookeshenu muntu nazeyi. Nindi, Kweniku diku kuhizumuka, ilaŋa wena kwonti kwawu kutiya.

¹³Dichi izu daYehova dakekalakudi wena kuleja hakuleja; kuleja hakuleja; mufunda hamufunda, mufunda hamufunda; iku kanti, iku kanti; kulonda ayi nakuhinukila hanyima, akakotoki, akafwi mumuhetu, akakwachiki.

¹⁴Dichi enu akwakadiwu, mwayulapa antu awa ekala muYerusalema, tiyenu izu daYehova,

¹⁵nindi, Chimunahoshi nenu, Tunatiyaloŋani dehi nakufwa, tunakwati dehi mpùŋa nakaluŋa. Nenu, Chimwakahita chipupu chasweja hichakashika kudetuku; muloŋa etu kutwambatwamba wowufuulu wetu, mukudimbana dimu tunabatami.

¹⁶Dichi Yehova Nzambi nindi, Tiyenu, ami hinukwala muZiyona ilola dachikuku, ilola dakweseka dehi, ilola dalema wuseya dakwiwombu, dachikuku chakola; muntu wukwitiya hakanyakalaku.

¹⁷Wuŋaji diwu nukwilisha mwonji wakweseka nachu, kuloŋi nawa diku nukwilisha levo; nvula yamalola yakakomba wufuuli wenu wakutwambatwamba, wakafumaku, meji akakumpula wubataminu wenu.

¹⁸Chitiyaŋemi chenu chimwatiyaŋeni nakufwa chakachachaŋana, mpùŋa yenu yimwakwatili nakaluŋa hiyakakolaku; chimwakahita chipupu chasweja Ŋovu mwakadatika nachu.

¹⁹Honsu hichakahitila chakayikwata; muloŋa chakahitamu habudidi habudidi, nimwaana niwufuku; kushinshika mwayaizu danatemeshuwu chikuleta kufwa kwamutentu hohu.

²⁰Muloŋakadidi kanehihi, muntu kutwesha kudolwelahu nehi; nichuma chakudibuta chinakehi, kutwesha kudi butachu wi-i nehi.

²¹Muloŋa Yehova wakanyamuka neyi cheliliyi kumpidi yaPerazimi, wakazuwa neyi cheliliyi muchinekineki chakuGibeyoni, kulonda akeli mudimu windi, mudimu windiwacheŋi: akeli yililu yindi, yililu yindi yacheŋi.

²²Dichi dinu bayi mwikalaŋa akwakadiwuku, akenza kakolesha mpompa jenu; muloŋa natiyi kudi mwanta Yehova wamazaza nawu, Kudi kunopesha kwakufuukula dehi kwakunoŋesha mwahita iseki dejima.

²³Shenuku matu mutiyi izu dami; tiyililenu mutiyi munukuhosha.

²⁴Ndimi nindi akumini dakutumba kwambutu, tahindi? Hachipaŋa nakuchipulula mabuji amaseki amwiha dinduku?

²⁵Chakwilayi nalambishuku dehi hakukalaŋa hoku kachayi, nakukuwa kasakwa, nakutumbatidiku munyisululu munyisululu, masa nahawu, nimakundi asha kuŋinzaku?

²⁶Muloŋa Nzambi yindi diyi wamwinkaŋa kashinshi, diyi wamulejaŋa.

²⁷Muloŋa kachayi hiyakahumpulaŋa nachuma chatwaku, hiyahitishaŋa kafumbu ketemba hakasakwaku; kachayi akahulaŋa namwishi, kasakwa aka humpulaŋa nakamutondu.

²⁸Tidi ku yamankendi ayitwaŋa; yena hakuyihumpula humpulee-ku; hela kafumbu ketemba dindi hela atuwalutwindi akuyisandola hakuyichikaku.

²⁹Nichumichi nawa chafuma kudi Yehova wamazaza walejanaŋa mwakuhayama hohu, wasweja maana.