Read MUKANDA WANZAMBI Isaya 29 Bible Online

Isaya 29 - MUKANDA WANZAMBI bible

Isaya 29

¹Yayo! Ariyeli, Ariyeli, mukala washakaminaŋa Davidi! Nuŋenuku mwaka himwaka, yawija yinzaŋa tuhu.

²Hinakamwesha Ariyeli kukala, kwakekala kudishishimona nakudila, yena kudami wakekala neyi Ariyeli.

³Nukukutuŋaila chilombu kwi-i-ndo, nukukukuchika nampwembu, nakakudimina mpwembu.

⁴Akakushikŋa hamaseki, wakahoshela mumaseki, chiwakahosha chakekala chakuhoshela mwishina chamulunkuŋu; izu deyi dakekala neyi damuntu wazakukaŋa mukishi, chakuhoshela mumaseki, chiwakahosha chakekala neyi chakushawutila mulunkuŋu.

⁵Ilaŋa luntu lwawantu eyi akwacheŋa lwakekala neyi lunkuŋu lwasweja kuleluka, luntu lwawatiyawu woma lwakekala neyi muzuŋu wukuleloka; mwalala yumiyi akayikasumuka yinashi ki dehi.

⁶Akamuhempula kudi Yehova wamazaza nakudidima, nakukankisha iseki, nalushindu lwalweni, nachinjimbi, ninvula yasweja kuzuwa, nimulaŋu wakesi kadi nakuya nakunoŋesha.

⁷Luntu lwanyuza yejima lukulwa naAriyeli, antu ejima akulwanayena nampwembu yindi, akumumwesha kukala akekala neyi chilota, neyi chuma chakumona nawufuku.

⁸Chakekala neyi muntu nafwi nzalahakulota nindi nidi nakudya, ilaŋa hakutona, saŋa adiyi nanzala; indi kwijamu ntu nafwi mpwila, hakulota nindi nidi nakunwa, ilaŋa hakutona, komanasaŋa azeyelayi, saŋa atiyilayi chikahukahu; dichi chakekala luntu lwanyuza yejima yikulwa nampidi yaZiyona.

⁹Labenu, mudihayamini; tiyenu kuwaha, muputi mesu. Anasheti kwawu, ilaŋa hichavinyuku; adi nakutedaŋila, ilaŋa hichawalwaku.

¹⁰Muloŋa Yehova nechili dehi hadenu spiritu yatulu twaswataka, najimi dehi mesu enu, diwu atuprofwetu, nabuti dehi ninyitu yenu, diwu akwakumona.

¹¹Enu kwenu yimwenu yejima yinabalumuki dehi neyi mazu akumukanda walamikawu dehi nachilamiki, wakwinkawu muntu welukakutaŋa, nawu, Taŋakuhu mwani. Yena nindi, Ami kutwesha nehi, muloŋa awulamika dehi chilamiki.

¹²Mukandowu hiyakuwinka nawa muntuwabula kwiluka kutaŋa, nawu, Taŋakuhu mwani. Yena nindi, Ami kwilukakutaŋa nehi.

¹³Mwanta nindi, Ichi chaneluwu antu awa hiyakukundama kwakwihi, hiyakunlemesha natunwa twawu nanyivumbu yawu, kwinza nyichima yawu ayifumisha dehi, ayitwala dehi kwakulehi nanami, niwoma wawu wantiyaloŋa awuhichuma chakuyileja kudi antu nohu.

¹⁴Dichi dinu tiyenu, hinukuya nakukoŋa mudimu wakuhayama mukachi kawantu awa, mudimuwakuhayama, chuma chakuhayama hohu; maana awakwawu akwamaana akakisika, kashinshi kawakwawu akwakudihoŋesha mumuchima kakaswamana.

¹⁵Yayo! Antu akuya mwakunama kulonda aswekelumu mpùŋa jawu, nawu, Yehova abuli kujitiya, akweti nyidimu yawu yamumwidima, elaŋa anawu, Anatumoni kudinyi? Anatwiluki kudinyi?

¹⁶O chimwabalumonaŋa yuma! Komana kapemi amufuukuli nawu hiiwumba? Nichuma chemenewi chimwili wachemeni, nindi haŋemenuku? Nichuma chatuŋiluwu chimwili wachitupili, nindi hakweti kashinshuku?

¹⁷Hikunashali kapinji kantesha nankashuku? Lebanoni wakabalumuka kwikala ihadasoŋa yakudya, iha dasoŋa yakudya akadifuukula nawuhilusesa.

¹⁸Dena ifuku odu wajika matu wakatiya mazu amukandowu, mesu awamputamesu akamona mukabwidibwidi nimumwidima.

¹⁹Ádizoza akasweja kutiya kuwaha naYehova, atuzweŋa ekala mukachi kawantu akazaŋa alalana Wajila waIsarela.

²⁰Muloŋa muntu atiyawu woma wakafwomoka, nimukwakadiwu jakamukuma, niantu ejima atalilaŋa kuluwa,

²¹enkaŋa akwawu nyiloŋa yakalusaŋu kantesha, atilaŋa mukwakufumba akwawumuchota nyihetu, ateŋululaŋa akwakuloŋa nachuma chamukunkulwayi, akayifumishahu.

²²Dichi chanahoshiyi Yehova wakúulili Abarahama, nateni dehi mutaŋa waYakoba, nindi, Ichi dinu akwaYakoba hiyakatiyansonyuku, hiyakatookoloka nawa kumcsuku.

²³Ilaŋa chakamonawu anyanawu, wowu mudimu wakumakasami, adi mukachi kawu, ijina dami akadimonakujila, mwalala kwaamu, Wajila waYakoba akamumona kujila hohu, Nzambi yaIsarela akamwakama.

²⁴Aluwalala muspiritu jawu akelukakashinshi, atobatobaŋa akadiza yakayilejawu.