Read MUKANDA WANZAMBI Isaya 3 Bible Online

Isaya 3 - MUKANDA WANZAMBI bible

Isaya 3

¹Dichi dinu tiyenu, Mwanta, Yehova wamazaza, hakufumisha nikuYerusalema nikuYuda wushindamenu nimukombu, niwushindamenu wejima wayakudya, niwushindamenu wejima wameji;

²nichilobu, nimukwanjita; ninsompeshi, nikaprofwetu, nimukwakuhopa, nimukulumpi;

³nimukulumpi wawantu makumi atanu, nimuntu alemeshawu, nimukwakuleja akwawu maana, nimukwawukala wenu wukweti maana, nikatepaka kuluka yitembi.

⁴Nukuyinkapa anyana akekalaŋa tulamba twawu, akayiyulaŋi nikudi anyikeki.

⁵Antu akadikabishaŋa, iwu nakukabishamu kwawu, iwu nakukabisha mukwawu, iwu nakukabisha atuŋiyi nindi, iwunakukabisha atuŋayi nindi; mwana wakadinka wanta namukulumpi, wakadi kulema wakadinka wanta nawalema.

⁶Nyakoyu muntu wakakwatamana kwindi mwitala datata yindi, nindi, Eyi wukweti yakuvwala, ikalaku nyuli yetu; wutalaŋa kukisikiku;

⁷ifuku odu wakahosha izu dakola, nindi, Aha kwami! Hinukwikala mukwakukasa hayilondaku; muloŋamwitala dami niyakudya niyakuvwala mwosi; bayi munyinka mudimuwakuyula antuku.

⁸Muloŋa Yerusalema wakisika dehi, niaYuda adimbuka dehi, muloŋa madimi awu niyililu yawu yakudikaŋa naYehova kulonda kuvuloka kumesu akulema kwindi.

⁹Mwamwekanaŋawu kumesu awu chayishimunaŋa wunsahu wakuyitanyisha; nshidi yawu ayishimunaŋa neyi Sodoma, hiyayiswekaŋaku. Yayo, wumi wawu! Anadifweti yatama awenawu.

¹⁰Tenenu mukwakuloŋa nenu, Wakamona kuwaha, muloŋa wena akadya yakoŋe lawu.

¹¹Yayo, akwakutama! Akamona yatama; muloŋa akayinka wufwetu wyuma yaneluwu.

¹²Hakwila antu ami ayikabishaŋa kudi atwansi, ayiyulaŋa kudi ambanda. Enu antu ami! Ayilombolaŋadiwu ayiluwaŋe shaŋa, diwu achachaŋeshaŋa mwaya njila jenu.

¹³Muloŋa Yehova hakwimana nakuhakula nyiloŋa yawu, hakwimana nakusompesha nyuza yawantu.

¹⁴Yehova liakukwata kumudimu wakusompesha awakulumpi awantu indi, nitulamba twawu, nindi, Yenu munadyi itempa danyivinyu; yuma yimunabuwi atuzweŋi yidi mumatalenu;

¹⁵chimudi nakuchika antu ami, nakulola mesu awatuzweŋi helola, munatwalihanka? Dimu mwanahoshiyi Mwanta Yehova wamazaza.

¹⁶Yehova nindi, Ochu chaneluwu anyana awambanda amuZiyona adiŋi kawanta, endaŋa nakwolola nshiŋu jawu ki-i, namesu awu akukenkama, chendaŋawu endaŋa nakunanuka hohu, nakuvumisha machakayi kunyenduyawu;

¹⁷dichi chakayetelayi Mwanta anyana awambanda amuZiyona nakapelupelu mumashina anyitu yawu, Yehova wakayivúula nihawusonyiwawu.

¹⁸Dena ifuku odu Mwanta wakafumisha lubanji lwamanjolu awu, nimakila akunyitu, niyibaŋula;

¹⁹nimasumba, nimakayi, nimahina amunshiŋu;

²⁰nimahina akunyitu, nitumaleŋi twakunyendu, nimahina akukasa mumbunda, nituyikasha twamalasha, nimpashi;

²¹nituzeya, nituzeyatwakumazulu;

²²niwuvwalu wakuvwela kumawija; ninyilesu, niŋombinamwana, nitumapakumuna;

²³nituyibanjilu, nimahina amawahi atooka, nimahina akujiŋa kunyitu, nimahina akubuta kumesu.

²⁴Amba kamona mwadiŋi nyiseki yepukilaŋa mavumba amawahi, himudi kutoka; mwadiŋi muya, himudi lumwonji; mwadiŋa nsuki jakuyinda chachiwahi, himudiibala; mwadiŋi sanya yayiwahi, himudi mukonzu wachikeleyi; mwadiŋi lubanji, himudi chibata.

²⁵Antu eyi amayala akakantumoka nampokuyakabali, niayilobu jeyi akakantumoka kunjita.

²⁶Muyisu yampwembu yeyi mwakekala kuyeŋashana nikudishona; yena akamúumba tuhu kankawindi, wakashakama heseki.