Read MUKANDA WANZAMBI Isaya 32 Bible Online

Isaya 32 - MUKANDA WANZAMBI bible

Isaya 32

¹Tiyenu, mwanta wakashakama muwanta chaloŋa, atulamba akayula mwawuŋaji.

²Muntu wakekala neyi kwakubatama mpepela nikwakweyama nvula; neyi tuloŋa twameji twamwawuma, neyi wulelu weloladeneni mwituŋa dazeyaloŋa antu.

³Mesu awantu amonaŋa hiyakela lwiduku, matu awantu atiyaloŋa akatiyilila.

⁴Muchima wamuntu walundumukilaŋa ansaŋu jakulundumukila wakeluka chakashinshi, madimi awakwakukukuma akanyakala kuhosha chalumbuluka.

⁵Chintaama hiyakamutena nawacheŋa nawu kalambaku, mukwachifwa hiyakamutena nawu mukwakuhanaku.

⁶Chintaama wakahosha yawuntaama, muchima windi wakakoŋa yakuluwa, kulonda akelaŋa yakasekesha kakusekesha Nzambi, kulonda kumutena Yehova mwakuluwalala, kulonda amukaŋeshi mukwanzala kudya, akaŋeshinawa mukwampwila kunwa.

⁷Yuma yakalakalaŋayi nachu mukwachifwayatama; wakasakasaŋa yuma yatama kulonda akisaŋani adizoza namazu akutwamba, nihahoshaŋayi chachiwahi mukwákubula yuma.

⁸Ilaŋa kalamba wafuukulaŋa yawulamba, walamata yawulamba hohu.

⁹Enu ambanda mwashakama chazo-o, nyamukenu mutiyi izu dami; enu anyana awambanda mwashakama chakadi kwakama, tiyililenu munukuhosha.

¹⁰Enu ambanda mwashakama chakadi kwakama, akayikabisha mafuku amavulu akubadika mumwaka wumu; chilaaka chakudya vinyu hichakekala kwoku, hawukuŋawilu hihakamwekanaku.

¹¹Enu ambanda mwashakama chazo-o, zaalenu; enu mwashakama chakadi kwakama, kabenu; divúulenu, mwikali nzekesi, vwalenu yikeleyi mumbunda jenu.

¹²Akakwata mbimbanamutu nakudila maha atiyilaŋa awu kuwaha, namuvinyu wasoŋelaŋa.

¹³Iseki dawantu ami dakamena yikwata nanyiŋa, mwalalakwaamu yakamena nihamatala adiŋa akuzaŋa ajalila amumukala wadisanswilaŋa;

¹⁴mwalala itala damwanta; nimukala wadiŋi nawantu amavulu akabu ukamu; nikumpidi nikukaposhi kakutalila, kwakekala kwakupundila anyama yinkelenkesu yawu haya nyaka, kwakuzaŋajalila yimbulu yamwisaŋa, nikuwudiilu wanyikanka yayimuna;

¹⁵nichichakechilawu hadetu Spirituyakufuma mwiwulu, hadiŋa isana damukunkulu hakabalumuka iha dasoŋaŋa, niiha dasoŋaŋa akadifuukula nawu lusesa.

¹⁶Henohu wuŋaji wakashakama mwisaŋa damukunkulu, nikuloŋa kwakashakama mwiha dasoŋaŋa.

¹⁷Mudimu wakoŋapa kuŋa yowu kumwena; kuloŋa kwakakoŋa kuwunda nakuduŋumika haya nyaka.

¹⁸Antu ami akashakama muchididi chamwena, muwushakaminu wákubula kwakama, muwunookelu wawunda.

¹⁹Ilaŋa hakakunduka lusesa hakanoka nvula yamalola; nimukala wampwembu wakahumuka kwala-a heseki.

²⁰Enu mukukuwa mbutu kumeji ejima, mukutwalaku niitemwa, munakooleki.