Read MUKANDA WANZAMBI Isaya 33 Bible Online

Isaya 33 - MUKANDA WANZAMBI bible

Isaya 33

¹Yayo! Eyi wapupaŋa akwenu, eyi kukupupa nehi; wakwatilaŋa akwenu makasu, eyi kukukwatila makasu kudi wena nehi! Chiwakale kakupupa akwenu nineyi akakupupa, chiwakakumisha kukwatila akwenu makasu, nineyi akakukwatila makasu kudi wena.

²Eyi Yehova, tutoŋuhu; tunakuchiŋilili; ikalaku chikasa chawu habudidi habudidi, ikalaku wamwinu wetu nawa hefuku dakumona kukala.

³Nyuza yawantu yina temukine pumba damuyoyu; chiwunadi nyamuni kwiwulu ninyuza mwa-mwa.

⁴Yuma yenu yakupupa akayipompesha neyi chapompeshaŋa tububu; akamotokelahu neyi chamotokaŋa tubola.

⁵Yehova natúumbakani, muloŋa yena washakama hewulu; nenzeshi Ziyona niwuŋaji nikuloŋa.

⁶Hamafuku eyi hakekala kushimata, hakasweja niwamwinu, nima ana, nikwiluka; kumwakama Yehova chochuma chindi chalema.

⁷Talenu, yilobu yawu yidi nakudilila hanzi; tuŋanda twansaŋu yakumwenatudi nakutumpa nankashi.

⁸Munyikwakwa yamaneni munabundidehi, akwakwenda anaketukumu dehi, yena najahi dehi chitiyaŋenu, nadiwulidehi nyikala yampwembu, habaŋaŋa muntuku.

⁹Ituŋa hidikudishona, hidikuze-ela; Lebanoni hakutiya nsonyi, hakulepuka; Sharoni hadi neyichana chamukunkulwayi; Bashani naKarameli hiyakulukumuna mafu awu.

¹⁰Kuchinka Yehova nindi, Ichi dinu hinukunyamuka; ichi dinu hinukudi nyamuna kwiwulu; ichi dinu hinukutu umbakana.

¹¹Mwakemi tamatahu awuma mwakavwala ntotu; muuya wenu hikesi kamba kayinoŋesha.

¹²Nyuza yawantu yakekala neyi chahaŋa swakala, neyi nyiŋa yanachachuwu, yanochuwu mukesi.

¹³Enu mudi kwakulehi tiyenu chineli; enu mudi kwakwihi ilukenu ŋovu jami.

¹⁴Akwanshidi amuZiyona anatiyi woma, kuzaala kunayikasumwishi asekesha Nzambi. Wetwinyi wakashakama hamu nakesi kanoŋeshaŋa? Wetwinyi wakashakama hamu nakesi kabidimaŋa haya nyaka?

¹⁵Yowu wendaŋa chaloŋa, wahoshaŋa mwoloka; walekaŋa kudya chatama, wabakaŋa makasindi kubula kutambula maseleka, wajikaŋa mumatu indi, abuli kutiya nsaŋu jamashi, wajimaŋa kumesu indi abuli kutala yatama.

¹⁶Diyi wakashakama hanaŋalala, wakadikaŋila mumpwembu jamalola; akamwinkaŋa yakudya yindi, meji indi hiyakabulaku.

¹⁷Wakamona Mwanta namesu eyi mulubanji lwindi, akamona ituŋa daaya.

¹⁸Wakatoŋojokaŋaamumuchima weyi mutentu wafwilaŋa, neyi, Wasonekelaŋa wudi kudihi? Watambwilaŋa nyilambu wudi kudihi? Wachindilaŋa tuposhiwudi kudihi?

¹⁹Antu asweja kuzuwa, antu akweti idimi dakala dakukaŋanya kutiyeyi; akweti idimi dacheŋi dakukaŋanya kushinshikeyi, hiwakayimonaku.

²⁰Talaku Ziyona mukala wayawija yetu yakushiika; mesu eyi akamona Yerusalema kuwushakaminu wamwena, itenti dakabula kulemunawu, hiyambakabwita yishimi yaduku, nyonji yadu hiyakaketukaku.

²¹Ilaŋa kwenoku Yehova wakashakama nanetu chawanta, mpata yela nituloŋatwamaneni nituloŋa twanyanya; himwakenda watu weneni wakuvuwanayilapuku, hela wawanta, hiwakahitila kwoku.

²²Muloŋa Yehova diyinsompeshi yetu, Yehova diyi mukwakutwinka nshimbi, Yehova diyi mwantawetu; diyi wakatwamwina.

²³Nyonji yeyi yamuwatu yinasubuki; anakaŋa anyikukolesha kwishina damutondu wamuwatu, anakaŋanyi kutanjikaihina dakwendesha nachu watu; henohu dihu hadanjaŋenenuwu yuma yayivulu yapupiluwu; akwakubalakata adikwatilili yawu.

²⁴Mwenimbu hakahoshanindi, Ami nakataku; antu ashakamamu akayanakena kuluwakwawu.