Read MUKANDA WANZAMBI Isaya 36 Bible Online

Isaya 36 - MUKANDA WANZAMBI bible

Isaya 36

¹Mumwaka wamwanta Hezekiya wekumi nakawana, mwanta wakuAshuri Senakeribi wenjili nakulwa nanyi kala yawaYuda yamapwembu yejima, hakuyitambula.

²Mwanta wakuAshuri hakutemesha Rabishake hakufuma kuLakishi hakuya kudi mwanta Hezekiya kuYerusalema nanjita yeneni. Hakwimana kukapila kakwijiya dakundundamu kumukwakwawakwiha damukwakukosa mahina.

³Kudi yena hikukwinza mwana kaHilikiya Eliyakimi, wadiŋa mukulumpi wawakwetala, ninsoneki Shebina, ni mwana kaAsafwi Yowa, mukwakusoneka nsaŋu.

⁴Rabishake hakuyila nindi, Kamwilenu dinu Hezekiya, nenu, Mwanta muneni, mwantawa kuAshuri nindi, Wunaditembi chumanyi?

⁵Nami, Omu muwukuhosha neyi, Nakwati dehi mpùŋa, niŋovu yakwasa njita tudi nayu, himazu amukanwa hohu. Wunakuhwelelinyi mwaka wudikaŋi nanami?

⁶Koma nawuna kuhweleli Ejipitu, mukombu weteti dachikeka; mukombu wakwilamuntu wukwila nindi ashilamenuhu, hiwukwijila muchikasa chindi hiwukumulemeka? Dichi chelaŋayi Fwaro mwanta wakuEjipitu antu ejima amukuhwelelaŋa.

⁷Neyi wukuŋila neyi, Tunakuhweleli Yehova Nzambi yetu, hidiyi wukweti yinaŋa anaŋa nitumeŋa twanafumishiyi Hezekiya, hakuyila aYuda nawakwaYerusalema nindi, Chiŋa mwakadifukulaŋa kumesu akameŋa akaku?

⁸Dichi dinu mwani, mwinkenu nkaka yami mwanta wakuAshuri kapopu, ninami nakakwinka tuwalu makombakaji ayedi, neyi eyi wunatwcshi kweyi kushahu akwakwendelahu.

⁹Eyiwukukapanya kutemuna nikachilolu kamu kawambuŋankaka yami akehelamu, yeyi kwaamu wukukuhwelela aEjipitu neyi akwinki makálu nawakwatuwalu?

¹⁰Chinenzi nakujilumuna mukaliwu, komana nenzi kanka wamichakadi Yehova? Yehova diyi naŋili nindi, Yaku wakaasi ituŋidi wakadijilumini.

¹¹Eliyakimi naShebina naYowa hiyakumwila Rabishake, nawu, Atuhoshimwani, etu ambuŋeyi, mwidimi daSiriya, muloŋa twadiluka. Bayi atuhoshamwidimi dawaYudeya kumatu awantu adi hampwembuku.

¹²Rabishake nindi, Komana mwanta wami nantemeshi kudi mwanta weyi, hela kudeyi, kulonda nihoshi mazu awa? Hanantemeshi kudi antu ashakama hampwembu kulonda akadyi tuji twawu, akanwi masu awu hamu naneyuku?

¹³Rabishake hakwimana, hakubidika nezu daŊovu mwidimi dawaYudeya, nindi, Tiyenu izu damwanta muneni, mwanta wakuAshuri.

¹⁴Mwantanindi, Bayi ayidimba kudi Hezekiyaku; muloŋa yena hakatwesha kuyipulwishaku.

¹⁵Hezekiya bayi ayileja kukuhwelela Yehova, nindi, Yehova chalala wakatupulwisha, nimukala iwu hiyakawuhana kudi mwanta wakuAshuruku.

¹⁶Bayi mutiyilila Hezekiyaku, muloŋa mwanta wakuAshuri nindi, Tudikundejenu, mwidiki mwinzi kudami; mwakadyaŋa wejima wenunyivinyu yenu, wejima wenu yikuyu yenu, mwakanwaŋa wejima wenu meji akumashima enu;

¹⁷nichinakenza nakuyifumishamu nakayitwali kwituŋa dafwana neyi ituŋa denwenu aweni, ituŋa datidiku navinyu, ituŋa damankendina matempa anyivinyu.

¹⁸Babalenu akenza kayikanjikŋa kudi Hezekiya, nindi, Yehova wukutupulwishaku. Kuduhu akishi anyuza anapulwishi matuŋawu kudi mwanta wakuAshuri?

¹⁹Akishi akuHamati nakuAripadi adi kudihi? Akishi aSefwavwayimi adi kudihi? Ayipulwisha aSamariya kudami tahindi?

²⁰Akishi ejima amumatuŋa hanamwekani mukishinyi napulwishi ituŋa dawu kudami, mwaka Yehova akapulwishi Yerusalema kudami?

²¹Antu hiyakudimwenena kwawu zo-o, kumwakulaizu nidimu nehi; muloŋa mwanta wayileja dehi nindi, Bayi amwakulaku.

²²Mwana kaHilikiya Eliyakimi wadiŋa mukulumpi wawakwetala, ninsoneki Shebina, ni mwana kaAsafwi Yowa mukwakusoneka nsaŋu, hiyakwinza kudi Hezekiya namahina akutabola, hiyakumuleja mazu aRabishake.