Read MUKANDA WANZAMBI Isaya 38 Bible Online

Isaya 38 - MUKANDA WANZAMBI bible

Isaya 38

¹Hamafuku owu Hezekiya wakatili yikatu yakufwa. Kaprofwetu Isaya, mwana kaAmozi, hakwinza kudi yena, hakumwila nindi, Yehova nahoshi nindi, Loŋaeshaku nsaŋu jahamukala weyi, muloŋa eyiwukufwa, hiwukuhandaku.

²Hezekiya hakubalumuka chamesu indikumbariu, hakulomba kudi Yehova,

³nindi, Eyi Yehova, nalembi, aanuki mwani chinendi kumesu eyi chakashinshi namuchima walala, chineli niyumayayiwahi kumesu eyi. Hezekiya hakudila nankashi.

⁴Izu daYehova hidikwinza kudi Isaya,

⁵nindi, Yaku wakamwili Hezekiya, neyi, Yehova Nzambi yankakulula yeyi Davidi, nahoshi nindi, Natiyi kulomba kweyi, namoni madilu eyi. Tiya, kumafuku eyi nukukushilakunyaka ikumi nayitanu.

⁶Nukukupulwisha nineyi nimukaliwu muchikasa chamwanta wakuAshuri. Nukuhemba mukaliwu.

⁷Tiya chinjikijilu chiwakamona kudi Yehova kulonda wiluki neyi, Yehova wukwila chumichi chanahoshiyi.

⁸Tiya, mwevulu wahayimaŋu wuna kunkumuki dehi netaŋwa, nukuwufuntisha cheŋi hanyima yimaŋu ikumi. Dichi itaŋwa dafuntili yimaŋu ikumi, chakweseka nekumi dayi maŋu yakunkumukayi dehi.

⁹Kusoneka kwasonekeliyi mwanta wawaYuda Hezekiya, heliliyi nakatidehi, nakoli dehi kuyikatu yindi.

¹⁰Nelili nami, Mafuku ami anayiketuli dehi ngwa hakachi, hinukwijila muyisu yakaluŋa. Nyaka yami yasheluku ananta mbuliyi.

¹¹Nelili nami, Yehova, Yehova, hinakamumona mwituŋa dawamomuku. Hinakamona nawa cheŋi muntu hamu nawakwakushakama mumpata yamunu mwishinaku.

¹²Wushinakaji wami anawufumishi dehi, anawutwali dehi neyi chatwalaŋawu itenti dakabiŋa, wumi wami nawuvuŋidehi neyi chavuŋaŋayi mukwakutuŋa mahina, wakanketula kwikwaali. Kufumisha kumwaana ndo nikuwufuku wukunnuŋululaŋa hohu.

¹³Nadu pumikilihohu kushika nikubudidi. Wukukotola mafwahami ejima chikwamutupa. Kufumisha kumwaana ndo nikuwufuku wukunnuŋululaŋa hohu.

¹⁴Nelili checheche neyi kambimbi neyi munkoloŋa. Nadishishimwini neyi kambolu. Mesu ami azeyeli nakutala kwiwulu. EyiYehova, namoni ihuŋu, ikalaku kapopu kami.

¹⁵Nukwila namidi? Yena neli nikuhosha kudami nikwilamu. Nukwendapa chovu chovu nyakayami yejima nakulula kwami mumuchima.

¹⁶Eyi Mwanta, antu ahandilaŋa kuyumiyi, wumi waspiritu yami wekala mwomwenimu hohu. Dichi ankoleshi, anhandishi.

¹⁷Komana chinamweni kulula kwasweja chadiŋi chakunletela kuwunda. Wunapulwishi wumi wami muwina wakutokanakukeŋa kuwawukeŋa; muloŋa wunanatili dehi nshidi jami jejima kunyimayeyi.

¹⁸Muloŋa ŋamu hidatweshaŋa kukusakililaku, kufwa hikwatweshaŋa akukuhamekaku. Antu akukunkumuka muwina hiyakutwesha kukuhwelelansaŋu yeyi yalalaku.

¹⁹Mumi, mumi, diyi wakakusakilila neyi chinukwilamilelu. Tata yawantu diyi wakayilukisha anyana nsaŋu yeyi yalala.

²⁰Yehova keŋa apamwini. Dichi tukwimba tumina twami nayisanji yanyonji, mafuku ejima awumi wetu mwitala daYehova.

²¹Henohu Isaya wahosha dehi nindi, Anoni dinkendi danyikabu yachikuyu, ali hehuti, akakoli.

²²Henohu Hezekiya wahosha dehi nawa, nindi, Chinjikijilwinyi chinakeluka nachu nami nakakanduka kwitala daYehova?