Read MUKANDA WANZAMBI Isaya 40 Bible Online

Isaya 40 - MUKANDA WANZAMBI bible

Isaya 40

¹Nzambi yenu nindi, Kundejenu antu ami, yikundejenu.

²Hosnenu yaya kumuchima waYerusalema, mubidikenu nenu njitajindi jinakumi dehi, anamwanakeni dehi kuluwa kwindi, yanatambuliyi kuchikasa chaYehova yinati nanshidi jindi jejima.

³Izu damukwakubilela nindi, Loŋeshenu njila yaYehova mwisaŋa, ololenu mukwakwa waNzambi yetu mwikuna, yinekineki yejima akayishikila, mapidi ejima niyilundalunda yejima akayishikumuna.

⁴Hahepahakoloka, hadiŋi mankulokela akalambishahu.

⁵Kulema kwaYehova kwakamwekana, antu ejima akakumwena hamu, muloŋa kanwa kaYehovakanahoshi dehi.

⁶Izu damuntu hidikwila nindi, Bidikaku. Mukwawu nindi, Nukubidikadi? Nindi, Antu ejima himatahu, kuwaha kwawu kwejima kudi neyiwuluya wamumpata;

⁷matahu omaŋa, wuluya walepukaŋa muloŋa muuya waYehova wayipepaŋa. Mwalala antu himatahu.

⁸Matahu omaŋa, wuluya walepukapa, hakwila izu daNzambi yetu sapa dakolela haya nyaka.

⁹Eyi wukuleja Ziyona nsaŋu jajiwahi, kandamaku hampidi yayilehi. Eyiwukuleja Yerusalema nsaŋu jajiwahi, twalaku izu deyi kwiwulu naŋovu. Ditwali kwiwulu, bayi wutiya womaku. Kayili nyikala yamuYuda neyi, Talenu Nzambi yenu!

¹⁰Tiyenu, Mwanta Nzambi wakenza neyi chenzaŋa mukwaŋovu, chikasa chindi chakamuyulila. Tiyenu, wuloku windi wudinawu, yakafwetayi nanyidimu yindi yidi kumesu indi.

¹¹Wakadiisha mukanka windi wanyikoku neyi kabipa, wakakuŋawila anyana muchikasa chindi, wakayisendela hantulu yindi, adi nakwamwisha wakayendeshapa chovu chovu.

¹²Hinyi wesekeli chimeji muchikasa chindi, wapimini iwulunanyinu yindi, wakuŋwili lunkuŋu lwaheseki muchesekelu, wapezelesheli mpidi jamaneni kuchuma chakupezelesha nachu, nimpidi janyanya kupezu?

¹³Hinyi walejeli Spiritu yaYehova? Hinyi wasliakamini nindi hampùŋa hakumuleja maana?

¹⁴Washakamini nanyi hampùŋa enza amuleji kashinshi, amuleji munjila yawuŋaji, amuleji kwiluka, amwinyikili njila yakashinshi?

¹⁵Tiyenu, nyuza yidi neyi imata didi mumbeketi, ayifuukulaneyi lunkupu lwasweja kukeha lwakupezu. Tiyenu, yitutu wayinonaŋaneyi kachuma kasweja kukeha.

¹⁶Lebanoni hashikila mukwochaku, nianyama aduhu hiyashikila muhimulambu wakushitaku.

¹⁷Nyuza yejima wayimona neyi hichumaku; wayifuukula nindi hela muchuma hiyashikamwokuku, amukunkulwayi.

¹⁸Ochu Nzambi mukumufwikŋa neyinyi? Chifwikijanyi chimuku mwesekeja nachu?

¹⁹Mukishi wakusoŋa musupununaŋa kudi mukwawukalawenu, muchi wawuru hakulamika lamikahu wuru, hakumusupunwina maleŋa asiliva.

²⁰Kazweŋi, wukukananva himulambu wudochu, wukutonda mutondu wakatokapa; hakuya nakukeŋa mukwawukala wenu wasweja wukalawenu, amwilili mukishi wakusoŋa wabulapa kunyinkesha.

²¹Himunelukuku? Himunatiyuku? Kufumisha kutachi hiyanayilejuku? Kufumisha hashimatishiluwu iseki himunashinsliikuku?

²²Wáshakamaha chikelubula cheseki, ashakamahu adi neyi ampasu, watanjikaŋa mawuluneyi ihina dapepela, wayilemaŋa neyi itenti dakushakama antu,

²³diyiwabalumunaŋa atulamba hiyakwikala neyi hichumaku, wayilaŋa ansompeshi aheseki hiyakwikala amukunkulwayi.

²⁴Nikuyitumba tuhu kanda, nikuyikuwatuhu kanda, chishina chawu nikumena nyiji heseki kanda, yena hakuyipepa chinjimbi hichikuyitwala neyi ntotu.

²⁵Wajila nindi, Mukunfwikija neyinyi mwaka nakesekani nindi?

²⁶Fumbulenu mesu enukwiwulu mumoni waleŋeli yumiyi, wedishaŋa yileŋaleŋa yawu chakuchinda. Wayitenaŋa yejima hejina hejina; chaswejayi kunyiŋa nichatakalalayina Ŋovu hikwakabula nichimuku.

²⁷Eyi Yakoba, welilaŋadi, eyi Isarela, wahoshelaŋa adi, neyi, Njila yamiyinabuli kumwekana kudi Yehova, wuŋa aji wakunhoshela wunahiti dehi, wunafumi dehi kudi Nzambi yami?

²⁸Hiwunelukuku? Hiwunatiyuku? Nzambi wahaya nyaka, Yehova, Nleŋi wansa jeseki, hazeyaloŋaku, hija muhwaŋaku. Kwosi wukushinshika mwaya kashinshi kinduku.

²⁹Wamwinkapa muntu wazeya wuswa, wabula Ŋovu wainuvulishilaŋa Ŋovu.

³⁰Anyikwenzi akuzeya, jikuyihwa, ansanda akudimbuka bulukutu;

³¹hakwinza awa achiŋililaŋa Yehova, Ŋovu jawu jakabalumuka jajiha; akajindama nampuula hewulu jinda-a neyi ambuulu; akenda lufuchi chakubula kuyihwa, akenda chakubula kuzeya.