Read MUKANDA WANZAMBI Isaya 41 Bible Online

Isaya 41 - MUKANDA WANZAMBI bible

Isaya 41

¹Enu yitutu mwenenu zo kumesu ami; nyuza yawantu yikwati Ŋovu jajiha. Enzi kwakwihi, ahoshi. Tukundamenu hamu, tusompi.

²Hinyi nasaŋumuni muntu kumusela, muntu atambikaŋa ayimukuloŋa enzi kumwendu windi? Wamwinkaŋa nyuza kukuyayi, wamuyulishaŋa anyanta. Wamukwashaŋa kuyitapa nampoku yindi yakabali neyi lunkuŋu, nikuyisowa nawuta windi wamukunji neyi ntotu jikuleloka.

³Hakuyikupisha, hakupandakana kwindi wape-e; munjila yabulayi dehi kwenda nanyendu yindi.

⁴Hinyi nachikoŋa, achiila, hakutambika makiŋu awantu kufumisha kutachi? Yami Yehova, watachi, nidi nawakukuminina, diyi Ami.

⁵Yitutu yamweni, yatiyili woma, insa jeseki jazaalili, jakunda mini kwakwihi, jenjili.

⁶Iwu hakukwasha mukwawu, iwu hakukwashamukwawu, iwu hakumwila mana kwindi, iwu hakumwila mana kwindi, nindi, Dikoleshi.

⁷Mukwakusoŋa nyitondu hakwinka muchi wawuru ŋovu, mukwakulambisha nahamala niyena nawa hakumwinka mukwakuchila namusensi ŋovu, hakutena aha hananuŋuwu nindi, Hanawahi. Hakuyihatishana mbwambu kulonda yibuli kunyinkesha.

⁸Ilaŋa eyi Isarela, eyi ŋamba yami, eyi Yakoba natondeli, eyi mukwamutaŋa webwambu dami Abarahama.

⁹Yeyi nafumishili kunsa jeseki, yeyi nawa natambikili kumbaŋu jadu, nakwilili nami, Yeyi ŋamba yami, nakutondi, hinakúumbuku.

¹⁰Bayi wutiyaloŋa womaku, ami nidi neyi. Bayi wuyeŋashanaku, ami yami Nzambi yeyi, nakakwinkana Ŋovu; chalala nakakukwashaŋaku; chalala nakakukwataŋa chachiwahi nachikasa chami chachidiilu chakuloŋa kwami.

¹¹Tiya, antu ejima adi nakuzuwa naneyi akatiya nsonyi, akabaya, alwishaŋa naneyi, akekala neyi hikudi nichumaku, akanoŋa.

¹²Awa atadekaŋa naneyi wakayikeŋakeŋa, hiwakayimonaku. Awa adasaŋa njita naneyi akekala neyi hikudi nichumaku, mwalala kwaamuneyi hikudi nichumaku.

¹³Muloŋa ami Yehova Nzambi yeyi nakakukwataŋa kuchikasa cheyi chachidiilu, nakakwilaŋa nami, Bayi wutiya womaku, nukukukwashaŋaku.

¹⁴Yehova nindi, Eyi kabubu Yakoba, ninenu tuntu twamuIsarela, bayi mutiyaloŋa womaku; nakayikwashaku. Wajila waIsareladiyi nkúuli yeyi.

¹⁵Tiyaku, nakakubalumuna wikali chuma chakuhulanachu chachiha, chatwa chi kweti maji. Wakahula mpidi jamaneni, wakajitwaleketi, mpidi janyanya wakajifukumuna neyi muzuŋu.

¹⁶Wakajipepa, akajitwala kudi mpepela, akajimwaŋa kudi chinjimbi mwa-mwa; wakazaŋalala naYehova, wakadisamba naWajila waIsarela.

¹⁷Atuzweŋi nawabula yuma hiyakukeŋakeŋa meji, akakwosi, madimiawu hiyakuuma chau nampwila. Ami Yehova nakayakula, ami Nzambi yaIsarela hinakayishiyaku.

¹⁸Nakajikula tuloŋa hayilundalunda yamukunkulu, nituseloki mukachi kayinekineki; isaŋa dawuma nakadibalu muna ŋiya dameji, iseki dawuma nakadibalumuna tuseloki twameji.

¹⁹Mwisaŋa dawuma nakatumbamu nyisida, nanyisamba, niyibubu, ninyitondu yamanji; mwikuna nakashamu nyinjunŋa, ninyitondu yasweja nyikabu, ninyitonduyawulelu hamu;

²⁰kulonda akamoni, akeluki, akatoŋojoki chachiwahi, akashinshikili hamu, nawu, Chikasa chaYehova dichi chineli chumichi; Wajila waIsarela diyi naleŋi yumiyi.

²¹Yehova nindi, Awulenu muloŋa wenu. Mwanta waYakoba nindi, Shimunenu yikuma yenu yamaneni.

²²Ayishimuni, atuleji yuma yakamwekana, tulejenu yuma yakusambila chiyekala, kulonda tuyi toŋa ojo kicha chiwahi twiluki muyakakumina; mukunkulwayi tuleji yuma yakenza.

²³Shimunenu yuma yakenza nkumininaku, kulonda twiluki netu, muyanzambi. Chalala, kumina dakwila chachiwahi hela kwila chatama, kulonda twakahayami, twakachimweni hamu.

²⁴Tiyenu, kumunafumi kwosi, nimudimu wenu wamukunkulwayi; niwayitondaŋa hichishimashi makwindi.

²⁵Nasaŋumuni muntu wumu wakukabeta kakuchimunswa; wenzadehi; muntu watambikaŋa ijina dami nafumi kwaselelaŋa itaŋwa; wakayilotokela atulamba neyi chachaakaŋawu maseki akusota nachu, neyi chadataŋawu iwumba kudi kaŋemi.

²⁶Hinyi nachishimuni kufumisha kutachi, kulondatwiluki? Hela kushimunaŋahu dehi, kulonda tuhoshi netu, Waloŋa? Mwalala, kwosi wudi nakushimunaku; mwalala, kwosi wudi nakulejaku, mwalala, kwosi wudi nakutiya mazu enuku.

²⁷Yami nakasambila kwila Ziyona, nami, Talenu, talenu awa. Yami nakatemesha kuYerusalema muntu wakuyitwela nsaŋu yayiwahi.

²⁸Chinatalaŋa hinamonaŋa muntuku; mukachi kawu chinukuyiihula himudi muntu wakuyileja maana mwaka akaŋakuli izuku.

²⁹Talenu, nyidimu yawu, wejima wawu, yakuhemesha hohu, hiyumaku; akishi awu akusuŋununa himpepela, hiyakweti ninimu ayaku.