Read MUKANDA WANZAMBI Isaya 42 Bible Online

Isaya 42 - MUKANDA WANZAMBI bible

Isaya 42

¹Talenu kambuŋami inakwata kuchikasa, wami nátonda, inatiyaloŋa kuwaha mumuchima wami. Nashi Spiritu yami hadi yena. Wakamwekeshela ajentili wuŋaji.

²Hakabilela, hela kubobola, hela kutiyakesha izu dindi hanzuku.

³Iteti dachikeka hakadikotolaku, wanda wudi nakufwindawishi hakawujimaku. Wakamwekesha wuŋaji munsaŋu yalala.

⁴Hakazeya, hela kutiya wusweleluku, chiŋa nashi dehi wuŋaji hamaseki. Yitutu yakatalilaŋa nshimbi jindi.

⁵Nzambi Yehova waleŋeli mawulu, wayitanjikili, waalili maseki niyuma yafumaŋamu, wenkaŋa antu endaŋahu muuya, wenkaŋa antu endaŋamu spiritu, nindi,

⁶Ami Yehova nakutambikili mukuloŋa, nukukukwataŋa kuchikasa cheyi, nukukuhembaŋa, nukukuhanawikali wachitiyaŋenu chawantu ami, niwachejeji chawajentili;

⁷kulonda kutonesha mesu aputa, kulonda kufumisha atuyilimukaleya, nikufumisha mwitala dakaleya antu ashakama mumwidima.

⁸Yami Yehova; didu ijina dami; kulema kwami hinukwinka wacheŋuku, helakushimeka kwanshimekaŋawu hinukuyinka akishi akusoŋaku.

⁹Talenuyuma yakusambila yinamwekani dehi, hinukushimuna yuma yayiha, hinukuyilejamu hiyichidi kanda yisoŋi.

¹⁰Enu mwakunkumukaŋa kukaluŋalwiji, niyuma yejima yekalamu, niyitutu, niantu ashakamamu, mwimbilenu Yehova kamina kakaha, mwimbilenu tumina twakumushimeka, kufumisha kunsa yeseki.

¹¹Niisaŋa ninyikala yekalaku yivwakuki, nyikala yashakama Kedari. Antu ashakama kuSela embi tumina, adikuwi kumawulu amapidi.

¹²Mutiyakeshenu Yehova kulema, shimunenu jakumushimeka muyitutu.

¹³Yehova wakedikaneyi chedikaŋa chilobu, wakasaŋumuna akwawu neyi chelaŋa iyala wanjita, wakabidika, wakadikuwa. Wakayikoŋa ayilumbu jindi jawulobu.

¹⁴Kufumisha kunyaka namwena hohu kwami zo-o, saŋa namwenena kwami zo-o, hinukudilekesha kudila. Ichi dinu hinukukaluka nyiteti neyimumbanda wudi nakukaba nakuvwala; nukwonashana nikuhaakwila hamu.

¹⁵Nakakisaŋana nimpidi jamaneni nŋanyanya nakúumisha niyuma yituutayiduku. Tuloŋa twakekala kwayitutu hohu, nakomisha majiya.

¹⁶Nukwendesha amputamesu munjila yabula kwilukawu, nukuyilombola munjilajabula kwilukawu. Kukuyawu, mwidima nukuwubalumuna wukwikala mwaana, haheŋa hakoloka. Yumiyi nakayila, hinakayishiyaku.

¹⁷Antu akuhwelelaŋa akishi akusoŋa, elana akishi akusuŋununa nawu, Enu yenu akishi etu; nukuyifuntisha hanyima, akatiya nsonyi nankashi.

¹⁸Enu mwajika matu tiyenu, enu amputamesu talenu kulonda mumoni.

¹⁹Mputamesu hinyi, hiyowu ŋamba yamuku? Wajika matu hinyi, hiyowukaŋanda kami inatumuku? Hinyi waputa mesu neyi muntu ashakama chamwena zo-o, waputa mesu neyi kambuŋaYehova?

²⁰Wamonaŋa yuma yayivulu, ilaŋa kuyishinshika nehi; matu indi ajikuka, ilaŋa kutiya nehi.

²¹Hansaŋu yakuloŋa kwindi chinamutiyishi Yehova kuwaha kutúumbakesha nshimbi nakujilemesha.

²²Ilaŋa ntu awa ayibuwa dehi, ayipupa dehi; wejima wawu afwa dehi mutwimbila, anayisweki mumatala akaleya. Anayikwati, kwosi wukuyipulwishaku. Anayipupi, kwosi wukwila nindi, Yifuntishiliyuma yawuku.

²³Hadenu hadinyi wukutiyilila chumichi? Wukutiyilila atiyi yankumininaku, hinyi?

²⁴Hinyi waheni Yakoba nindi amubuwi, waheni Isarela kudi akwakumubuwa? Hidiyi Yehova itunavulumuni, wukweti njila jindi jabulili kwendawu, ninshimbi jindi jabulili kwovwahilawuku?

²⁵Dihu hamwichililiyi kulendumuka kwakuzuwa kwindi, niŊovujanjita; chinamukwatishili kesi kwi-ndo, yena kuchiluka nehi. Chinamwocheli, yena kuchisha kumuchima nehi.