Read MUKANDA WANZAMBI Isaya 44 Bible Online

Isaya 44 - MUKANDA WANZAMBI bible

Isaya 44

¹Ichi dinu eyi kambuŋami Yakoba, eyi Isarela natondi, tiyaku.

²Yehova wakutuŋaili, wakuwumbili kufumisha hiwafumini mwivumu, wakakukwashaŋaku, nindi, Eyi kambuŋami Yakoba, eyi Yeshuruni natondi, bayi wutiyaloŋa womaku.

³Muloŋa nakechila meji hadi wudinampwila, niheseki dawuma nakechilahu tuloŋa twameji. Nakechila Spiritu yami hadi anyaneyi, ninkisu yami nakayichila hadi iwakavwala.

⁴Akamena mukachi kamatahu neyi nyisombu yidi mwahitaŋa tuŋa.

⁵Wumu wakela nindi, Ami niwaYehova; mukwawu wakaditumba nindi, Yami Yakoba; mukwawu wakasoneka nachikasa chindi nindi, Niwambala waYehova, hakuditena niijina daIsarela.

⁶Yehova, Mwanta waIsarela, nkúuli yindi Yehova wamazaza, nindi, Yami watachi, yami wankumininaku; hikwekala Nzambi wacheŋuku, yami hohu.

⁷Hinyi wudi neyi ami wakwila atambika, ashimuna, achinloŋeshela kufumisha hinatoŋweleli antu akushankulu? Ashimuni yumayakenza niyamba kamwekana.

⁸Bayi wutiya woma hela kwakamaku; hinakushimwina dehi kunyakaku? Hina kulejeli chuku? Enu yenu ayinsahu jami. Ochu kudi Nzambi wacheŋi wakulunjika kudami? Mwalala hikudi Ilola dacheŋuku. Hineluka kwami dacheŋuku.

⁹Akwakwila akishi akusoŋa wejima wawu amukunkulwayi, yuma yawu yatiyilaŋawu chipepa hiyakamwenamu chumaku; ayinsahu jawu awenawu hiyamonaŋaku, hiyelukaku; kulonda akatiyi nsonyi.

¹⁰Hinyi wawumbahu dehi mukishi wumu hela kusupununa mukishi wumukwasha hela hanti?

¹¹Tiyenu, akwawu ejima adibombaŋa nayena akatiya nsonyi; akwawukalawenu avwalika kudi antu hohu. Apompi wejima wawu, emani; akati yawoma, nikutiyila nsonyi hamu.

¹²Muchi hakwila chizembi, hakuchizakasaha makala, hakuchichila nanyisensi, hakuchikalakala nachikasa chindi chaŋovu. Mwalala, yena watiyapa nzala, nikuzeya wazeyaloŋa. Chákubulayi kunwa meji jina mukapi dehi.

¹³Mukwakusoŋa hakutanjika mwonji, hakuyifunda nansonekesu, hakuyisoŋa namapalana, hakuyifunda nayuma yakukelubula nachu, hakusoŋa mwekalila muntu mwekalila lubanjilwa muntu, kulonda yishakami mwitala.

¹⁴Watemaŋa nyisida yindi, wanonaŋa musesi namukula, wadikoleshelaŋa mutondu wamwisaŋa wumu. Watumbaŋa munjunŋa, nvula hiyikuwukulisha.

¹⁵Hiwukwikala nchawaja muntu; muntu hakunonaku hakwota, mwalala hakubutula, hakwocha dinkendi; mwalala hakuwila mukishi windi, hakudifukula kudi yena; hakuwila mukishi wakusoŋa, hakudimbukilaku.

¹⁶Chibalu chimu hakuchocha mukesi; kuchibalu chikwawu hakudiilaku mbiji, hakwocha yakwocha, hakwikuta, mwalala hakwota ni kesi, hakwila nindi, Eyo, natiyi dehi iyena, namoni dehi kesi.

¹⁷Chikushalaku hakuchila mukishi windi, yowu mukishi windi wakusoŋa. Hakudimbukilaku, hakudifukula, hakulombaku nindi, Nkwachiluku, muloŋa eyi yeyi mukishi wami.

¹⁸Hiyelukaku, hiyatoŋojokaŋa chachiwahuku, muloŋa yena najimi dehi mesu awu kulonda akabuli kumona, ninyichima yawu, kulonda akabuli kushinshika.

¹⁹Kwosi wukutiya ke-su kumuchima, hela kwiluka, hela kushinshika mwakwila nindi, Nochi dehi chibalu chimu mukesi, mwalala nochi dehi nidinkendi hamakalachu; mwalala, nochi dehi nimbiji, nadyi dehi nikudya; chinashali nili chishimashima? Nidimbukili tuhu kuchikunku chamutondu?

²⁰Wudi nakudya kwindi mawuti, muchima wadimbanaŋa wowunamuteŋululi dehi hambadi; mwaka akaŋanyi kupulwisha wumi windi, hela kwila nindi, Ichi chidi muchikasa chami chachidiilu hichakutwambaku?

²¹Eyi Yakoba, eyi Isarela, anukapa yumiyi, muloŋa eyi wukambuŋa ami, yami nakuwumbili, eyi wukambuŋa ami. Eyi Isarela, hinakakuvulamenaku.

²²Nyiloŋa yeyi nayijimaŋeshi dehi neyi chakujima nevu dashishita, nshidŋeyi najŋimaŋeshi dehi neyi chakujima nevu; funtaku kudami muloŋa yami nakukúuli.

²³Enu mawulu, imbenu tumina, muloŋa Yehova diyinachikoŋa. Enu mashina amaseki, dikuwenu. Enu mapidi, nineyi isaŋa, ninyitondu yejima yekalamu, vwakukenu nakwimba tumina, muloŋa Yehova nakuuli dehi Yakoba, wakamwekesha lubanji lwindi muIsarela.

²⁴Yehova, nkúuli yeyi, wakuwumbili kufumisha hiwafumini mwivumu, nindi, Yami Yehova naleŋaŋa yuma yejima; natanjikaŋa mawulu kankawami, naalaŋa maseki; nekala nanyi?

²⁵Mansuka aketulaŋa awu akwakutwamba wayilishaŋa mukunkulwayi tuhu, wazalukishaŋa kwakuhoŋa. Wafuntishaŋa kwamaana hanyima, wasupishaŋa yelukawu;

²⁶wakoleshaŋaazu dakambuŋindi, welapa mwaya mpùŋa yawatuŋanda twindi; watenaŋa Yerusalema nindi, Mwakashakama antu; watenaŋa nyikalaya muYuda nindi, Akayituŋa, mahembawu nakayihizumwisha cheŋi;

²⁷welaŋa inyiŋa nindi, Umaku, nituŋa tweyi nukutúumisha;

²⁸nateni Kirusi nindi, Hikabiŋa kami, diyi wakawanisha mwejima munatiya kuwaha; nateni nawa Yerusalema nindi, Akamutupa; nateni tembeli nindi, Akaala chikuku cheyi.