Read MUKANDA WANZAMBI Isaya 45 Bible Online

Isaya 45 - MUKANDA WANZAMBI bible

Isaya 45

¹Yehova namwili windi awayishayi manji, yowu Kirusi akwatayi kuchikasa chachidiilu, kulonda akafwomoni nyuza kwakuyayi, nindinakasubula nyiya yawanyanta, nakenzulula yenzelu kwakuyayi, yenzelu yampwembu hiyakayenzelaku,

²nindi, Nakatwaminaŋa kumbidi yeyi, nakalambishaŋa hadi mankulokela. Nakakotolaŋa yenzelu yawuneŋu kotu-kotu. Nakaketulaŋa nyikomenu yayikuŋu ngwa ngwa.

³Nakakwinkaŋa yuma yalema yamumwidima, nimaheta akuswekela kumbeŋu, kulondawakeluki neyi, Ami Yehova, yami nidi nakukutambika hejina deyi, yami Nzambi yaIsarela.

⁴Nakutambiki hejina deyi hamujimba wakambuŋa miYakoba, hamujimba waIsarela inátonda; hela wunabuli kuŋiluka, ami nakutumbi ijina di kwawu.

⁵Yami Yehova, hikudi wacheŋuku. Kubulami hikukwikala Nzambuku. Hela wunabuli kuŋaluka nakakukasapa muyamumbunda,

⁶kulonda kufumisha kwatuntukilaŋa itaŋwa, nikumujika, antu akeluki nawu hikudi wacheŋuku, yami hohu. Yami Yehova, hikudiwacheŋuku.

⁷Yami nawumbaŋa chejeji, yami naleŋaŋa mwidima. Kumwenesha, yami. Kuleŋa yatama, yami. Yami Yehova nelaŋa yumiyi yejima.

⁸Enu mawulu sosotenu omu mumudi, nimavu echili kuloŋa. Iseki dasami diidishi wamwinu, dimenesheli kumu nikuloŋa. Yami Yehova nachileŋeli.

⁹Yayo muntu wukulwisha nawánamutuŋili! Chizanda chakunona hayizanda yahamaseki kwachu! Iwumba dimwili wudi nakumuwumba nindi, Wudi nakwila chumanyi? Hela mudimu weyi wili nindi, Hakweti makasaku.

¹⁰Yayo wukumwila tata yindi nindi, Wudi nakusema chumanyi? Hela kumwila mumbanda nindi, Wudi nakukata nyisoŋu yakuvwala chumanyi?

¹¹Yehova, Wajila waIsarela, Wanamutujili, nindi, ihulenu yuma yakenza. Nlejenu munukwila nansaŋu jawanyanami, nansaŋu janyidimu yakumakasami.

¹²Yami nelili iseki, naleŋeleluhu muntu. Yami, eŋa, makasamidiwu atanjikili mawulu, yami nalejeli yileŋa aleŋa yawu yejima mwakwila.

¹³Namunyamwini mukuloŋa, nakamwolwelaŋa njila jindi jejima. Diyiwakatuŋa mukala wami, diyi wakombaku ankoli jami chakadi wuseya hela wufwetu. Dimu mwanahoshiyi Yehova wamazaza.

¹⁴Yehova nindi, Yuma yakalakalaŋawu aEjipitu, niyuma yalandujola ŋawu aEtiyopiya, yakenza kudeyi, yakekala yeyeyi, niaSheba amayala ataluka, akenza kudeyi, akekala eyeyi; akakulondelaŋa munyima; akenza kudeyiiku adi mumaleŋi; akadimbukila kudeyi, akakulembelela nawu, Chalala Nzambi wudi mudeyi hohu; hikudi wacheŋuku, Nzambi wacheŋi kwosi.

¹⁵Eyi Nzambi yaIsarela, eyi Chamwinu, chalala yeyi Nzambi waswamana.

¹⁶Akatiya nsonyi, mwalala akabaya wejima wawu, élaŋa nkishi akabayila kumu.

¹⁷AIsarela akayamwina kudi Yehova nawamwinu wahaya nyaka. Haya nyaka yejima himwamba katiya nsonyi hela kubayaku.

¹⁸Muloŋa Yehova waleŋeli mawulu, diyi Nzambi, diyi wawumbili iseki, wadituŋaili, wadishimatishili, wadileŋeli dibuli kwikala damukunkulwayi, wadiwumbili mushakami antu, nindi, Yami Yehova, hikudi wacheŋuku.

¹⁹Hinahosheli kumbadi, kumutamba wumu wakwituŋa damwidimaku; hinayilili anvana kaYakoba nami, Nkeŋakeŋenu chamukunkulwayuku. Ami Yehova nahoshapa yaloŋa, nashimunaŋa yuma yoloka.

²⁰Dipompeshenu mwinzi. Enu munapuluki munyuza kundamenu kwakwihi, wejimawenu hamu. Asendaŋa nyitondu yakasoŋawu mukishi, alombaŋa mukishiwakaŋa anyaloŋa kwamwina, hiyakweti maanaku.

²¹Shimunenu, yikunda mishenukwakwihi, ashakami hampùŋa yawu yimu. Wamwekesheli chumi chikufumisha kushankulu hinyi? Wachishimwini kunyaka hinyi? Hiyami yehovaku? Hikudi Nzambi wacheŋuku, yami hohu; Nzambi waloŋa, chamwinu; hikudi wacheŋuku, yami hohu.

²²Enu insa jeseki jejima, talenu kudami ayamwini, muloŋa ami yami Nzambi, hikudi wacheŋuku, yami hohu.

²³Nadisanyiki ami aweni, izu dinafumi dehi mukanwa kami chamukuloŋa hohu, hidakafunta cheŋuku, nami, Manuŋu ejima akanfukamina, madimi ejima akasanyika.

²⁴Muntu wakaŋala nindi, kuloŋa naŋovu jekala mudi Yehova hohu. Kudi yena kwokwakahwilawu antu, antu ejima azuwilaŋa nayena akatiya nsonyi.

²⁵Anyana kaIsarela ejima akayiŋamudi Yehova, akadisambilamu.