Read MUKANDA WANZAMBI Isaya 46 Bible Online

Isaya 46 - MUKANDA WANZAMBI bible

Isaya 46

¹Beli hakubandama, Nebo hakunoŋama. Nkishi jawu jakusenda kudi anyama nawayimuna, hiyuma yakusenda senda, hiyiteli yakuzeyesha nachu anyama.

²Hiyakunoŋama, hiyakubandamina hamu. Wenahiyatwesheli kwamuna chiteluku, chikaŋa awenawu wowu aya dehi muwukoli.

³Ntiyililenu enu akwamutaŋa waYakoba, ninenu mwashala kumutaŋa waIsarela, kufumisha himwafumini mwivumu kuyeleka hohu, kufumisha himwavwalikili kuyipakata hohu;

⁴kushika nikuwushinakaji wenu, yami, kushika nihakumena invu, yami nukuyelekaŋa; chuma chinatuŋili dichi chinukwelekaŋa; mwalala nukwilaŋa nikweleka, nikupulwisha.

⁵Mukunfwikija neyinyi? Mukuŋesekesha nanyi? Mukunfwanisha neyinyi mwakatwa kadifwani nindi?

⁶Echumunaŋa wuru munjeki, apezeleshaŋa siliva hapezu, hiyakukwata muchi wawuru, yena hakuyichila mukishi, hiyakudimbuka, eŋa, hiyakudifukula.

⁷Hiya kumwelekaŋa hachifwiji, hiyakumutwala, hiyakumwimika mwiluŋa dindi, hakwimana. Hakafuma mwiluŋa dinduku. Eŋa, muntu wakadilila kudi yena, ilaŋa yena hakutwesha kumwakula hela kumwa mwina mwihuŋu dinduku.

⁸Anukenu chumichi, dinkenuku jawuyala, tiyenu kumuchima ke-su, enu mwamotokaŋa nshimbi.

⁹Anukenu yuma yásambilili kushankulu, muloŋa ami yami Nzambi, hikudi wacheŋuku; yami Nzambi, hikudi wadifwanananamuku.

¹⁰Kufumisha kutachi nashimunaŋa jakunsa, kufumisha kushankulunashi munaŋa yichidi kanda ayikoŋi; nami, Mpuŋa yami yakakola, nakela munafuukula mwejima.

¹¹Natambiki kumusela kajila watuhuka, natambiki muntu nafuukula kwituŋa dadilehi. Eŋa, nahoshi dehi, nukuchiilahohu. Nafuukuli dehi, nukuchikoŋa nawa.

¹²Enu mwasweja Ŋovu munyi chima, mwekalaŋa kwakulehi nakuloŋa, tiyililenu kudami.

¹³Nakaletakuloŋa kwami kwakwihi, hikwakekala kwakulehuku, wamwinu wami hiwakalabaku. Lubanji lwami Isarela nakamushila wamwinu muZiyona.