Read MUKANDA WANZAMBI Isaya 47 Bible Online

Isaya 47 - MUKANDA WANZAMBI bible

Isaya 47

¹Eyi mujiki wamumbanda, mwana kaBabiloni, suluka wushakami mulunkuŋu. Eyi mwana kawaKaladeya wamumbanda, shakamaheseki, hikudi itanda dawantaku, hiyakakutena nawa cheŋi nawu wukweti mujimba wawovu hela nawu wadishitulaku.

²Kwata kumalola wuhaliwuŋa. Fumisha chitambala cheyi kunamutu, vúulaku chikwembi cheyi, butulula nyendu yeyi wuzambuki tuloŋa.

³Iheŋu deyi akadibutulula, eŋa, wusonyi weyi akawumona. Nakatenda, hinaketŋa muntuku.

⁴Nkúuliyetu ijina dindi diyi Yehova wamazaza, Wajila waIsarela.

⁵Eyi mwana kawaKaladeya wamumbanda, shakamakuzo, iŋila mumwidima, muloŋa hiyakakutena nawa cheŋi nawu, Maaku wamatuŋaku.

⁶Nazuwili nawantu ami, najiloleli wuswana wami, hinukuyihana kudeyi. Eyi kweyi kuyimwekeshela wushona nehi, watwikili atushinakaji mpanda yeyi yasweja kulema.

⁷Welili neyi, Ami nakekala maaku hohu chahaya nyaka, dihu hafuminikubula kusha yumiyi kumuchima weyi, hela kwanuka kuyakakumina.

⁸Tiyaku chumichi eyi wadiluŋishaŋa, washakamaŋa nakudiwujola, welaŋamumuchima weyi neyi, Ami, yami hohu, hikudi wacheŋuku. Neyi, Hinamba kashakama muwutuluwaku, hinamba kafwisha anyanamuku.

⁹Yumiyi muyiyedi yakakuwana mumpinji yoyimu hohu, mwifuku dimuhohu, nikufwisha anyana, niwutuluwa; yakakuwana muchashikila chikupuhela waswejela hodi kupanda, hela wavulishila hodi masaku eyi.

¹⁰Eyi wunadikaŋili mukubajama kweyi. Wuneli dehi neyi, kwosi wanimonaŋaku. Maaneyi niyuma yiweluka diyi yinakuluwaŋeshi. Wunahoshi dehi mumuchimaweyi, neyi, Ami, yami hohu, hikudi wacheŋuku.

¹¹Dichi katamaka kakuwana, hiwakamona muwutweleluku; chuma chakala chakakushintakesha, hiwakamona muwulekesheluku; wakakasumuka wajilumuka dehi, nikuchiluka nehi.

¹²Eyi wapandapanda nyiseŋu yeyi, wasweja masaku eyi lwakabakana dehi kufumisha kuwansi, imanaku nachu tutali neyi yikukukwashaku, tutali neyi wukwimika nachu mushindu.

¹³Muwunakatali nakushakajala hampùŋa, akwakwambula mawulu, niakwakutala tutumbwa, nieluka yamukakweji mukakweji, anyamuki akwamwini kuyuma yikukeŋa kukuwana.

¹⁴Tiyaku, wena akekala neyi ntotu, kesi kakayocha, hiyakatweshakudipulwisha kuŊovu yanyilaŋu yakesuku, hikesi kamakala akwotaku, hela kejiku dakushakamaku.

¹⁵Dimu muwakamona yuma yiwadi ijina kukabakana. Akwenu wadiŋi nakulandujola nawu kufumisha kuwansi, akapwapuka iwu nakwindi, iwu nakwindi, hikwakamwekana wakukwamwinaku.