Read MUKANDA WANZAMBI Isaya 48 Bible Online

Isaya 48 - MUKANDA WANZAMBI bible

Isaya 48

¹Tiyenu chumichi enu akwamutaŋa waYakoba, enu atumbawu ijina daIsarela, enu mwafuma mumeji amuYuda, mwasanyikaŋa ijina daYehova, mwatenaŋa Nzambi yaIsarela chakadi kutwala hela mwalala, hela mukuloŋa,

²muloŋa wena aditenaŋa nawu, Tudi akwamukala wajila. Adikoleshelaŋa mudi Nzambi yaIsarela; ijina dindi diyi Yehova wamazaza.

³Ami nashimuni dehi kufumisha kushankulu yuma yásambilili. Eŋa, yedikili mukanwa kami, niyimwekeshi irikuyi mwekesha, nayilili chakukasumwisha, yikoŋewa nikukoŋewa.

⁴Muloŋa nelukili nami, Eyi wachinchika, nshiŋu yeyi yidi neyi mujila wachikuŋu, ihama devi didi neyi wuneŋu.

⁵Dichi chinakushimwinumu kufumisha kushankulu, nakulejelumuhichadiŋa kanda chimwekani, nami wakenza kela neyi, Mukishiwami wakutuŋa diyi nachikoŋi, mukishi wami wakusoŋa, nimukishi wami wakusuŋununa, diwu anayileji.

⁶Eyi wunachitiyi; talaku mwejimimu; indi enu mubuli kuchishimuna? Kufumisha hanu nukukulejaŋa yumayayiha, yuma yakujinda yiwunabuli kwiluka.

⁷Anayileŋa katataka, bayi kushankuluku; kanda wuyitiyaloŋahu dehi, kushika nikwifuku dalelu; wakenza kela neyi, Nayilukili.

⁸Eŋa, hiwachitiyiluku. Eŋa, hiwachilukiluku. Eŋa, kufumisha kunyaka itu deyi hidajikukiluku. Muloŋa ami nelukili chiwaswejelaŋa kukwatila akwenu makasu, kufumisha kwivu mudamama yeyi akutenenaŋa nawu wumukwakumotoka nshimbi.

⁹China hachikikuzuwa kwami nalondi ijina dami, chinadiwunjiki naneyi kubulaku kufumishahu nalondi kunshimeka.

¹⁰Tiyaku, nakukosi dehi nakesi, bayi dinu neyi silivaku. Nakutondi dehi muluteŋi lwamakabi.

¹¹Nukuchikoŋela hamujimba wamami aweni, hamujimba wamami aweni kwaamu, ochu ajiloli ijina dami? Kulema kwami hinukukwinka wacheŋuku.

¹²Eyi Yakoba, eyi Isarela wami natambika, ntiyilili. Diyi ami. Yami watachi, yami nawa wankumininaku.

¹³Eŋa, chikasa chami dichi chaalili chikuku cheseki, chikasa chami chachidiilu dichi chatanjikili mawulu. Chinayitambikaŋa hiyakwimana hamu.

¹⁴Pompenu wejima wenu mutiyi; wumu wudihi nashimuni yumiyi? Yehova namukeŋi; wakakoŋa Babiloni mwatiyayi kuwaha, wakakwata chikasa chindi hadi aKaladeya.

¹⁵Ami yami nahoshi. Eŋa, yami inamutambiki. Yami inamuleti, diyi wakakoolekeshanjila yindi.

¹⁶Inzenu kwakwihi nanami mutiyi chuma; kufumisha kutachi hinahosheli kumbeŋuku; kufumisha kunyaka yadiŋi chumochu, kwoku nidi; ichi dinu Mwanta Nzambi nantemeshi, niSpiritu yindi.

¹⁷Yehova, nkúuli yeyi, Wajila waIsarela nindi, Yami Yehova Nzambi yeyi, yami nakulejaŋa mwakukuwahisha, yami nakulombolana njila yatela kuyaeyi.

¹⁸Yowe! Neyi watiyilili munakulejeli! Mutenowu kuwunda kweyikwadi kwinzala neyi kaloŋa, nikuloŋa kweyi kwadi kwikala neyi mankanda akukalunalwiji;

¹⁹anyaneyi adi kuvula neyi wusekulula, avwalika mwivumudeyi adi kuvula neyi tumabuji twawusekulula; ijina dindi hidadi kufwahela kujiya kumesu amuku.

²⁰Fumenu muBabiloni, yitemukenu aKaladeya. Shimunenu nezuda tumina, tiyakeshenu chumichi, chishikijenu kunsa jampata, nenu, Yehova nakuuli kambuŋindi Yakoba.

²¹Chayilombweliyi mwahita makuna akadimeji, hiyatiyili mpwilaku. Wayiidishilili meji mwilola. Eŋa, wabalwiliilola himukutupuka meji.

²²Yehova nindi, Antu atama hiyamonaŋa akuwundaku.