Read MUKANDA WANZAMBI Isaya 49 Bible Online

Isaya 49 - MUKANDA WANZAMBI bible

Isaya 49

¹Enu yitutu, ntiyililenu. Enu nyuza yawantu, tiyenu oku kwakulehikumudi. Yehova wantambikili hohinafumini mwivumu, ijinadami waditeneni hohinavwalikili mwivumu damama.

²Kanwa kamiwakela dehi neyi mpoku yakabali yatwa, nansweki muwulelu wachikasachindi; naŋili dehi hinidi iteti dabebema, nanhembi chachiwahi mumungonguwindi wansewu,

³wapilili nindi, Yeyi kambuyami, yeyi Isarela mwakamwekena lubanji lwami.

⁴Ami nami, Nakabakani tuhu, nakisaŋa anituhu Ŋovu jami chakadi niniyi yinukumwenamu, mwamukunkulwayi tuhu; hela chochu, kunsompela chidi kudi Yehova, wuloku wami wudi kudi Nzambi yami.

⁵Ichi dinu Yehova wanwumbili mwivumu damama kulonda niikali kambuŋindi, nakaleti cheŋi Yakoba kudi yena, nakapompeshi cheŋi aIsarela kudi yena; muloŋa ami nalema kumesu aYehova, Nzambi yami nekali dehi Ŋovu yami nawa.

⁶Nindi, Eyi kwikala kambuŋa ami wakusaŋumuna cheŋi nyuza yaYakoba, wakufuntisha cheŋi aIsarela ahembewa, chaswayi, nukukuhana wikali chejeji chawajentili kulondawakekali wamwinu wami ndo nikwakumina maseki.

⁷Yehova nkúuli yaIsarela, Windi Wajila, hakumwila adiwulawu kudi antu, ahelawu kudi muza, kambuŋa awanyuli, nindi, Anyanta akamona, akanyamuka heseki; niatulamba nawa, akadifukula; hansaŋu yaYehova washinshika, yowu Wajila waIsarela nakutondi.

⁸Yehova nindi, Nakwakuli hampinji yayiwahi, nakukwashi mwifuku dawamwinu. Nukukuhembaŋa, nukukuhana wikali wachitiyaŋe nuchawantu ami, wusaŋumuni ituŋa, wuyiswanishi mawuswana ela dehi mahembi;

⁹wakayilaŋa akasawu neyi, Idikenu, wakayili adi mumwidimaneyi, Dimwekeshenu. Akadiilaŋa mumajila, akadya matahu awu hayilundalunda yankumbu.

¹⁰Hiyakatiya hela nzala hela mpwilaku. Hiyakayetahela kudi nkanza hela kudi itaŋwaku. Muloŋa wayitiyilaŋa wushonawakayi twamininaŋa, wakayilombolaŋa kutuseloki twameji.

¹¹Mpidi jami jejima nakajibalumuna kwikala njila yakuhitila, nyikwakwa yami nakayilundwisha.

¹²Tiyenu, awa akafuma kwakulehi. Tiyenu, awa akafuma kukabeta kakuchimunswa nikumujika. Awa akafuma kwituŋa daSinimi.

¹³Enu mawulu, imbenu tumina. Enu maseki, zaŋa ajalenu. Enu mapidi, vwakukenu kwimba tumina. Muloŋa Yehova nakundeji dehi antu indi, indi amona ihuŋu wakayitiyila wushona.

¹⁴Kuchinka Ziyona nindi, Yehova naŋumbi dehi kwindi, Yehova nanhumbuli dehi.

¹⁵Mumbanda ahumbuli mwanindi wuchidi kwamwa? Abuli kutiyila mwanindi wakudivwela wushona? Eŋa, awa kwiji akuhumbula, hakwila ami hinakakuhumbulaku.

¹⁶Tiya, nakuchaati dehi mumakasami, mpwembu jeyi najitalaŋa ho-o mafuku onsu.

¹⁷Anyaneyi hiyakunyakala. Akwakukukisaŋa ana, adiŋa nakukunopesha, akafuma mudeyi.

¹⁸Fumbulakumesu eyi wutali niniku niniku. Awa ejima hiyakudipompesha, hiyakwinza kudeyi. Yehova nindi, Ichi nahandichi kwaamu, chalala kwaamu, wejimawawu wakayivwala neyi chuma chakudiwahisha nachu, wakadivwikawu neyinsumbuki.

¹⁹Kumahembeyi kwakisika dehi, nimwituŋa deyi mwanoŋeshawu dehi, chalala mwakayikehela antu akashakamamu, niantu akuminyinaŋa akekala kwakulehi.

²⁰Tushala tweyi amba kahosha kumatu eyi nawu, Idi iluŋa adinatukeheli, twinki chipela chakutuŋa.

²¹Hiwakahosha mumuchimaweyi neyi, Nanvweleli wenawa hinyi? Ami anyanami ejima afwili dehito-o, nashala wunka, nakinjikewa, nakimbukaŋa niniku niniku. Indinaleli tvenawa hinyi? Ami nasheli kanka wami, indi awa, adiŋi kudihi?

²²Mwanta Nzambi nahoshi nindi, Tiya, nyuza nukuyinyamwina chikasachami, nyuza yawantu nukuyimikila mpandelu yami. Anyaneyi amayala akayileta akukumbata hantulu jawu, anyaneyi awambanda akayeleka hamafwiji awu.

²³Anyanta ankanu diwu akekalaŋa atata jenu akuyilela, anyadŋawu diwu akekalaŋa amama jenu akuyilela. Akakubanda mina chamesu awu heseki, akalasha lunkuŋu lwakunyendu yeyi. Hiwakeluka neyi yami Yehova, neyi anchiŋililaŋami hiyakatiya nsonyuku.

²⁴Chilobu amwamuki chuma chakwatayi dehi? Ankoli jamu kwakuloŋa aapuluki?

²⁵Ilaŋa Yehova nindi, Ankoli jachilobu akayifumishaku, chakwa Tatawudehi kudi muntu atiyawu woma chakapuluka. Muloŋa muntuwukulwa naneyi, ami nami nakalwa nindi, anyaneyi nakayamwina.

²⁶Awaakukabishaŋa eyi nakayidiisha mbiji yawu awenawu, akasheta mashi awu awenawu neyi chakusheta vinyu yatowala. Niantu ejima akeluka nawuami Yehova, yami chamwinu cheyi, yami nkúuli yeyi, yami Mukwaŋovu waYakoba.