Read MUKANDA WANZAMBI Isaya 5 Bible Online

Isaya 5 - MUKANDA WANZAMBI bible

Isaya 5

¹Nimwimbili wami nakeŋa kamina kawami nakeŋa kakutena itempadindi danyivinyu. Wami nakeŋa wadiŋi netempa dindi kumpidiyasweja wushi nankashi.

²Wapundiluku kembila kwi-ndo, wakuŋwilumu malola adiŋumu, watumbilumu muvinyu wakutonda chakutonda, mukachikadu hakutuŋilamu kaposhi, hakupokolamu muwukamwinu wavinyu. Hakutalila nindi dakasoŋi nyikabu yavinyu, hidikusoŋa nyikabu yavinyu yamwisaŋa yalula.

³Ichi dinu enu mwashakama muYerusalema, ninenu antu amuYuda, nsompelenu mwani, muloŋa wami netempa dami.

⁴Ochu mwitempadami mwashala kwila chumanyi chinabuli kwila? Ami nadiŋi nakutalilanami dinsoŋeli nyikabu yavinyu, hidikunsoŋela nyikabu yavinyu yamwisaŋayalula muloŋanyi?

⁵Leka niyileji chinakela itempa dami; nakafumishaku ikoli diduku, akadidya tuhu kwawu. Nakasandola chipaka chiduku, akadidatola kwawu.

⁶Nakadisandasanda ndu-ndu, hiyakakunkula kunkulamu nyitayi yanyivinyu hela kusaŋulamuku, mwakamena kwayikwata nanyiŋa. Nakaleja nimavu akabuli kunokeshahu nvula.

⁷Muloŋatempa danyivinyu daYehova wamazaza wowu mutaŋa waIsarela, mutonduwindi watiyayi kuwaha wowu antu amuYuda. Watalilili kusompesha, komana hikudi kukabisha. Watalilili kuloŋa, komana hikudi ikumbudakudila.

⁸Yayo, abulakeshaŋa itala netala, asumbwaŋeshaŋa iha neha chakadininaha hakushala, mwaka ayishakamishi kanka wenu hohu mukachi ketuŋa!

⁹Yehova wamazaza hakuhoshela mumatu ami nindi, Mwalala kwaamu, matala amavulu akashala amukunkulu, hela tuhu amaneni, hela amawahi akashala akadi antu.

¹⁰Muloŋa matempa anyivinyu akudima naŋombiikumi akamwenamu nswaha yeneni yavinyu yimu hohu, kwatumbiluwu ngungungu jambutu ikumi akamwenamu chimpaya chimu hohu.

¹¹Yayo, amenekeshaŋa budidi kulonda akanwi walwa; ashakamaŋa shakame-e nimukachi kawufuku nichicha kushetawu vinyu!

¹²Kuyawŋa yawu kwekala nitudada, niyisanji, nindimba, nimahululu, nivinyu; ilaŋa awena kutala mudimu waYehova nehi, hela yelaŋa makasindi kuyishinshika chachiwahi nehi.

¹³Dihu hanafumi antu ami kuya muwudunu, hohakubula kwiluka; niantu awu alema hiyakufwa nzala, niluntu lwawu lwaluvulu hilukúuminina madimi nampwila.

¹⁴Dihu hanafumi kaluŋa kutohesha mupwepu windi, hakwasama nimukanwa kindi chakadi kwesekeja; niwutotombuwawu, niluntu lwawu, nikuyuŋa ana kwawu, nimuntu wadisamaŋa amukachi kawu, hiyakukunkumukilamu.

¹⁵Muntu wakadi kulema hakubandama, muntu walema hiyakumuzozesha, mesu amukwa kudi mujola hiyakuyihombesha;

¹⁶ilaŋa aYehova wamazaza hakutoha kukusompesha, Nzambi mukwakujila hakujilikewa kukuloŋa.

¹⁷Henohu anyana kanyikoku akadya neyi hikuwudiilu wawu, nimahembi awantu atoha nyijimba akayidyakudi akwakuki mbakimba.

¹⁸Yayo, awa akokaŋa kuluwa nanyonji yamaswimbu! Akokaŋa nshidineyi nalumwonji lwetemba!

¹⁹Ahoshaŋa nawu, Anyakali kwindi, ahindeshi mudimu windi kulonda tuwumoni; maana alejaŋa ayi Wajila waIsarela akundami kwakwihi, enzi, kulonda tuyiluki.

²⁰Yayo, awa akutena yatama nawu yayiwahi, yayiwahi nawu yatama; abalumunaŋa mwidima nawu chejeji, chejeji nawu mwidima; abalumunaŋa ayalula nawu yatowala, yatowala nawu yalula!

²¹Yayo, awa adimonaŋa nawu, Tukweti maana; adimonaŋa nawu, wababala!

²²Yayo, awa ayilobu yakunwa vinyu, amayala akweti Ŋovu yakwemawalwa;

²³ayiŋashaŋa akwakwila chatama namaseleka, afumishaŋa kuloŋa kwamuntu waloŋa!

²⁴Dichi dinu, chanoŋaŋa antotu nedimi dakesi, chakamaŋa amatahu awuma namulaŋu wakesi, dichi chakela ninyiji yawu yakelaneyi chuma chatoka, ninkenu jawu jakakakumuka neyi lunkuŋu; nanochu chanalekuwu nshimbi jaYehova wamazaza, nichanadiwuluwu izu daWajila waIsarela.

²⁵Dichi chineli kuzuwa kwaYehova hikukuyibutukila antu indi, hakuyolwelani chikasa chindi, hakuyeta, mpidi janyanya hijikuzaala, niyibimbiyawu hiyikwikala neyi nswadi yananatuwu kunyikwakwa yamunyikala. Hela anamoni yejimiyi, kuzuwa kwindi kuhita nehi, chikasa chindi saŋa acholwelayi.

²⁶Nyuza yidi kwakulehi wakayinyamwina mpandelu, wakemba muloji wakuyitambika kunsa yeseki kwaduwu; enza nikwinza, nakukumpa lufuchilwalweni.

²⁷Hosi wakazeya hela kuhukanaku; hosi Wakanoŋaoka helakukama tuluku; hosi wakamona muya windi kusubuka mumbundaku, helamwonji wankwabilu yindi kuketukaku.

²⁸Nsewu jawu jatwa, mata awuanyikunji ejima akwevula dehi; yikwa yatuwalu twawu akayifuukula neyimalola, tufumbu twawu neyi chinjimbi.

²⁹Kubuluma kwawu kwakekala neyi mutupa, akabuluma neyi nyenzi yanyitupa; akabaloka chibwaji, akakwata mbiji yawu, akayikokela kwajika, kwosi wakayipulwishaku.

³⁰Dena ifuku odu akayibalokela chibwaji neyi chavumaŋa kaluŋalwiji. Muntu nindi atalatali amoni kumpata, hakumona kwamwidima hohu nakukala, mwaana hiwunabalumuki dehi mwidima namavu aduku.