Read MUKANDA WANZAMBI Isaya 50 Bible Online

Isaya 50 - MUKANDA WANZAMBI bible

Isaya 50

¹Yehova nahoshi nindi, Mukanda wakuseŋa wunalekeli nachumama yenu, wudi kudihi? Mukwayuma yindi nadiili wumu wudihikunayilandishi? Tiyenu, ayilandishilili kuluwaluwa lwenu, mama yenu amulekeleli hanyiloŋa yenu.

²Chikwabuiili muntu hana hinenjili, chafuminihanka? Chinatambikili chikwabulili kwitiya muntu, chafumini hanka? Chikasa chami chehihahu dehi chikaŋanya kukuula? Nabuli Ŋovu jakupulwisha, tahindi? Ami nelaŋa chinukuhoshola kaluŋalwiji hakuuma, mwadiŋi tuloŋa liimukwikala isaŋa dakadi meji; inshi jadiŋumu hijikufwa nampwila, hijikununka, muloŋa wákubula meji.

³Mawulu nayivwikaŋa kwiyila, nayibutaŋa nichikeleyi.

⁴Mwanta Nzambi nanyinki idimi dawalejewaŋa, kulonda niiluki kuhoshamazu akukolesha nachu muntu nazeyi. Wanhindwishaŋa habudidi habudidi, wahindwishaŋa itu dami namutulu kulonda nitiyaloŋa neyi alejewapa.

⁵Mwanta Nzambi najikuli itu dami, ami hinadikapiluku, hinafuntili hanyimaku.

⁶Akwakwetana nayinkeli nyima yami, akwakubwita wevunayinkeli makidi ami. Hinabutili kumesu ami kuchina nsonyi hela mazeŋuku.

⁷Muloŋa Mwanta Nzambi wukunkwashaŋaku; dichi nabulikutiya nsonyi; dichi nakoleshi mesu ami neyi ilola damukalula, neluki namihinakatiya nsonyuku.

⁸Mukwakunyiŋisha wudi kwakwihi, akunkonkolola kudinyi? Twimani nindi hamu. Chilumbu chami hinyi? Enzikunu kwakwihi.

⁹Tiyenu, Mwanta Nzambi wukunkwashaŋaku; akuntanyisha kudinyi? Tiyenu, wejima wawu akakula neyi ihina, akayidya kuditububu.

¹⁰Wenu wumu wudihi wamwakama Yehova, wovwahilaŋa izu dakambuŋindi? Hela neyi wendaŋa mumwidima chakadi chejeji, akuhweleliijina daYehova, ashindameni hadi Nzambi yindi.

¹¹Enu ejima mwabutulaŋa akesi, mwadijiŋa munsasi, tiyenu; endenu kwenu muchejeji chakesikenu, mukachi kansasi ŋamu nasosomoni. Tiyenu chuma chimwakatambula kuchikasa chami; mwakakambama nakaneŋu.