Read MUKANDA WANZAMBI Isaya 51 Bible Online

Isaya 51 - MUKANDA WANZAMBI bible

Isaya 51

¹Enu mwalondaŋa kuloŋa, mwakeŋa akeŋaŋa Yehova, ntiyililenu, talenu kwilola kwayibalwiluwu, nikuwina wamwikela mwayipundiluwu.

²Talenu kudi nkakulula yenu Abarahama, nikudi Sara wayivweli. Muloŋa heliliyi wuchidi muntu wumu hohu namutambikili, namukiswililinkisu, namuvulishili.

³Muloŋa Yehova nakundeji dehi Ziyona, nakundejidehi mahembindi ejima, isaŋa dindi, dadiŋi damukunkulwayi, nadi balumuni dehi neyi Edeni, niikuna dindi dakadi meji nadibalumuni dehi neyi itempada Yehova; mwakamwekana nikuzaŋa ajala, nikutiya kuwaha, nikusakilila, niizu datumina.

⁴Enu antu ami, tiyenu kudami. Enu akwamuza wami, tiyililenu kudami. Muloŋa lushimbi lwakafuma kudami, nakabalumuna wuŋa aji wami wakekaliwachejeji chanyuza yawantu.

⁵Kuloŋa kwami kudi kwakwihi, wamwinuwami wunediki dehi, makasami akasompesha nyuza yawantu. Yitutu yakachiŋilila, yakakuhwelela chikasa chami.

⁶Fumbulenu mesu enumumawulu, talenu nimaseki adi mwishina; muloŋa mawulu akaŋamu ka neyiwishi, niiseki dakakula neyi ihina dakuvwala, dielii chakafwawu niantu ashakamamu. Ilaŋa wamwinu wami wakekala wahaya nyaka, nikuloŋa kwamihikwamba kajiyaku.

⁷Enu mweluka kuloŋa, enu antu mukweti nshimbi jami munyichimayenu, ntiyililenu. Bayi mwakama kuyisawula kudi antuku, bayi muhayamakuyituka kudi wenaku.

⁸Muloŋa tububu twakayidya neyi ihina dakuvwala, mavunu akayidya neyi chadyaloŋa awu wanda; ilaŋa kuloŋa kwami saŋa akwekalila haya nyaka, niwamwinu wami wakashika kumakiŋu ejima, mufwawa muhiŋawa, mufwawa muhiŋa awa.

⁹Eyi chikasa chaYehova tonaku, tonaku wuvwali Ŋovu; tonaku neyichadiŋa hamafuku akunyaka hamakiŋu akushankulu. Wamuketwili Rahabingwa ngwa, hiyeyuku? Wamupwikili chanzaŋombi, hiyeyuku?

¹⁰Wómishili kaluŋalwiji meji amwinyiŋi deneni, hiyeyuku? Welili hadiŋi meji amukaluŋalwiji hihadi njila yakuzambukila, hiyeyuku?

¹¹Antu aYehova akúulewa amba kafunta, akenza kuZiyona iku adi nakwimba tumina twawu, hanyitu yawu hakekala kuluŋa kwahaya nyaka. Akamona kuwaha nikuluŋa, yihuŋu nikudishishimona yakatemuka.

¹²Ami, chalala yami, nayikundejaŋa; indi eyi yeyinyi? eyi watiyaloŋawoma muntu wakafwa, watiyaloŋa woma mwana kamuntu wakabalumukaneyi matahu.

¹³Wunavulameni dehi kweyi Yehova wakutuŋili, watanjikili mawulu, waalili chikuku cheseki; mwaana wejima watiyaloŋa kwawomawa nsaŋu yakulendumuka kwakalendu mukaŋayi mukwakukabisha akwawu, hakudiloŋeshayi nindi enzi nakujilumuna akwawu. Indi kulendu mukakwalendu mukaŋayi mukwakukabisha akwawu kudi kudihi?

¹⁴Nkoli wakinjikewa akamusubula swayi; hakafwaku, hakaya mwikelaku, hela kudyakwindi hikwakabulaku.

¹⁵Muloŋa yami Yehova Nzambi yeyi nasaŋu munaŋa kaluŋalwiji mwaka mankanda indi avumaŋa. Ijina dindi diyi Yehova wamazaza.

¹⁶Nashi mazu ami mukanwa keyi, nakubuti muwulelu wachikasachami, kulonda nitumbi mawulu, naali yikuku yeseki, nimwili Ziyona nami, Enu yenu antu ami.

¹⁷Eyi Yerusalema wunanwi lupasa lwakulendumuka kwʼindi kuchikasa chaYehova, tonaku, tonaku, imanaku. Wunanwi dehi muiupasa lwachitasu, lwaletesha kutedaŋila, wunamanishumu to-o.

¹⁸Anyana amayala anavwaliyi ejima hikudi wakulombola mama yawuku; anyana amayala ejima analeliyi hikudi wakukwata mama yawu kuchikasaku.

¹⁹Tiya yuma yiye diyi nakuwani, akukudila kudinyi? Kujilumuka, nikukisika, ninzala, nimpokuyakabali; nukukukundeja pahi?

²⁰Anyaneyi amayala anahwidili, adinaku kamojoka kunsa janyikwakwa, neyi kanyama nafwi muwanda. Anenzali kulendumuka kwaYehova, kuhoshola kwaNzambi yeyi.

²¹Eyi wamona ihuŋu, eyi washeta chakadi walwa, tiyaku dinu chumichi,

²²Mwanta weyi Yehova, Nzambi yeyi wahakwilaŋa antu indi, nindi, Tiyaku, nafumishi dehi muchikasa cheyi lupasa lwaleteshapa kutedaŋila, lwolupasa lwachitasu lwakulendumuka kwami. Hiwakalunwa nawa cheŋuku.

²³Nakalwisha muchikasa chawakumweshaŋa yihuŋu, akwilili nawu, Bulama nakutuhitiluhu, eyi hiwukudala heseki nyima kwiwulu wikali neyimaseki, wikali neyi mukwakwa wakuhitila wena.