Read MUKANDA WANZAMBI Isaya 53 Bible Online

Isaya 53 - MUKANDA WANZAMBI bible

Isaya 53

¹Netiyi namutunashimuni hinyi? Chikasa chaYehova anachimwekeshelinyi?

²Eŋa, wakulilili kumesu indi neyi kamutondu kakovu, neyi muji wukumena hamaseki awuma; hakweti nimwekalilayi nimwawahilayuku; chitukumutala hakweti lubanji lwakumukeŋa kudetuku.

³Amudiwili, amúumbili kudi antu, muntu wayihuŋu, wenjililili yakala; amudiwili neyi muntu abutilaŋawu antu mesu awu, hitwamumwenikulemaku.

⁴Chalala naditwiki yuma yetu yakala, nasendi yihuŋu vetu; etu twelilinetu anamukatishi, anamweti kudi Nzambi, netu diyi namukabishi.

⁵Amukatishilili nyiloŋa yetwetu, amuchikilili kuluwa kwetwetu; amweteli yena kulonda etu tumwenumu kuwunda; nanyinkakambu yindi yena anatukuswishi.

⁶Wejima wetu tunajimbali neyi anyikoku, wejima wetutunadiyili iwu kunjila yindi, iwu kunjila yindi; Yehova namutwiki yena kuluwa kwetwetu ejima.

⁷Amukabishili, hakudizozelamu, kwasama mukanwa kindi nehi, neyimwana kamukoku akutwalawu nakujaha, neyi chamwenaŋayi mukoku hadi akwakumutewula zo-o, dichi niyena haasamini mukanwa kinduku.

⁸Amutweli chakumukabisha nakumusompesha; muyachi windi akuwushimuna kudinyi? Hetuŋa dawamomi amufumishiluhu, amweteli hamuŋawa wantu ami.

⁹Amufuukwili nawu amujiiki nawantu atama, ilaŋa hafwiliyiamujiikili namukwakuheta; nanochu chabulilaŋayi madombu, nichabuliliyiyakutwamba mukanwa kindi.

¹⁰Yehova welili nindi chachiwahi kumuchika. Namukatishi. Chiwakalambula wumi windi wikali himulambu wahanshidi, dihu hakamonayi anyanindi, wakavulisha mafuku indi, mwatiyilayi Yehova kuwaha mwakalumbulukila mumakasindi.

¹¹Mwakabakeni muchima windi wakamwenamu yindi, wakatiya kuwaha; kambuŋami waloŋa wakalopesha amavulu nakwiluka kwakumwilukawu; wakakoola kuluwa kwawu.

¹²Dichi chinakamwinkela iseka dindi hamu nawamaneni, wakaanjaŋa ana yuma yakupupa kunjita hamuna wakwaŋovu; nanochu chamwaŋiliyi wumi windi hakufwa, nanochu chamubombeluwu hamu nawakwakuputola, hela chochu, hakusenda nshidiyawantu amavulu, hakulembelela niakwakuputola.