Read MUKANDA WANZAMBI Isaya 54 Bible Online

Isaya 54 - MUKANDA WANZAMBI bible

Isaya 54

¹Yehova nindi, Eyi nshinta wabulilaŋa kuvwala anyana, imbaku tumina. Eyi wabulilaŋa kutiya nyisoŋu yakuvwala anyana, baluka kunakwimba tumina, dikuwi, muloŋa anyana kamumbanda analekuwu akabadika anyana kamumbanda wasumbuka.

²Toheshaku mwiluŋa detentideyi atandumuni mahina akudekawu kuwashakama. Bayi wanakenaku, leheshaku nyonji yeyi, koleshaku mpopu jeyi.

³Muloŋa wakatanda nikuchikasa chachidiilu nikuchikasa chachimunswa. Anyaneyi akahetanyuza, akatuŋisha cheŋi antu munyikala yadiŋi kwamahembi hohu.

⁴Bayi wutiyaloŋa womaku, muloŋa eyi hiwakatiya nsonyi hela kubayaku, muloŋa hiyakakutiyisha nsonyuku, muloŋa wakavulamena nsonyi jahawukwenzi weyi, nikusawuka kwahawutuluwa weyi hiwakawanuka nawacheŋuku.

⁵Wakutuŋili diyi nfumweyi, ijina dindi diyi Yehova wamazaza. Wajila waIsarela diyi nkúuli yeyi, akamutenaŋa nawu, Nzambi wesekidejima.

⁶Muloŋa Yehova nakutambiki dehi neyi chatambikaŋawu mumbandaalekawu dehi, watiya dehi chikela mumuchima, mumbanda wahawukwenziahaŋa awu dehi. Dimu mwanahoshiyi Nzambi yeyi.

⁷Nakulekelikapinji kantesha hohu, nakakupompesha nawushona wasweja.

⁸Nakubutililikumesu ami mpinji yanti nakuzuwa kwantesha, ilaŋa nakakutiyilaŋa awushona naluwi lwahaya nyaka. Dimu mwanahoshiyi Yehova nkúuli yeyi.

⁹Muloŋa chumichi kudami chinekali neyi meji aNowa; muloŋa chinasanyikilinami, Meji aNowa hiyakahita cheŋi mwahita isekuku, dichi chinasanyikinawa nami, Hinakazuwa naneyi hela kukuhosholaku.

¹⁰Muloŋampidi jamaneni jakafuma, nimpidi janyanya jakatuntuka, kwinza luwi lwamihilwakafuma kudeyuku, nichitiyaŋenu chami chakuwunda hichakatuntukaku. Dimu mwanahoshiyi Yehova wakutiyilaŋa wushona.

¹¹Eyi Nyayihuŋu akumpulawu nampweji, abula kukundejawu, tiya, nukwala maloleyi awulombu wawuwahi weŋi naweŋa, nakatuŋa yikuku yeyi natusafira.

¹²Nakatuŋa njanina jeyi namarubi, niyenzelu yeyi yakumpwembu nakayituŋa namalola akeji keji, nipinza yeyi yejima nakayituŋa namalola akutiyisha kuwaha.

¹³Anyaneyi ejima akekala alejewa kudi Yehova; kuwunda kwakamonawu anyaneyi kwakasweja.

¹⁴Wakashimata mukuloŋa, wakemana hahalehi nekabisha, muloŋa hiwakatiya womaku. Mutentu nawawakawimena hahalehi, muloŋa hiwakenza kwakwihi naneyuku.

¹⁵Tiya, kupompa akapompa, ilaŋa dinu hichakuyipompesha kudamuku. Akakukumaŋena akadimboka hamaseki, akakooleyi.

¹⁶Tiya, yami naleŋeli muchi wazakasaŋa kesi kamakala, wedishaŋa chitwa chamudimu windi. Yami naleŋeli mukwakunoŋesha kulonda anoŋeshaŋa.

¹⁷Hikwakekala chitwa, chakachilawu nawu akukatishi nachu, chakakolaku. Madimi ejima akakunyamukila nawu akusompeshi, wakayitanyisha. Weniwu diwuwuswana wawambuŋaYehova, nikuloŋa kwawu kunafumi kudami. Dimu mwanahoshiyi Yehova.