Read MUKANDA WANZAMBI Isaya 55 Bible Online

Isaya 55 - MUKANDA WANZAMBI bible

Isaya 55

¹Wo-o! Enu ejima munatiyi mpwila, inzenu kumeji; nimuntunabuli mali, inzenu, mulandi, mudyi. Landenu vinyu namayeliakadi mali, akadi wuseya.

²Mwakisaŋenaŋadi mali hachuma chakadikudya? Mwakabakenaŋadi chuma chabulaŋa kwikutisha? Ntiyililenuchachiwahi, mudyi yuma yayiwahi, mudiluŋashi munyichima nayanuna.

³Teŋelekenu matu enu mwinzi kudami, mutiyi muhandi. Nukutiyaloŋa ananenu chitiyaŋenu chahaya nyaka, lwoluwi lwaDavidi lwakola.

⁴Tiya, namuhani ekali chinsahu chanyuza yawantu, ekali nlomboli yanyuza yawantu, nimukwakuyileja mwakwila.

⁵Tiya, wakatambika muza wuwabulili kwiluka, nimuza wabulili kukwilukeyi nawa wakenza lufuchi kudeyi, muloŋa waYehova Nzambi yeyi, niwaWajila waIsarela, nanochu chakuwahishayi dehi.

⁶Mukeŋakeŋenu Yehova hachidiyi kumonewa, mutambi kenu hachidiyikwakwihi.

⁷Watama aleki mwelaŋa ayi, muntu waheŋa aleki mwatoŋaojokaŋayi, afunti kudi Yehova, yena wakamutiyila wushona; afunti kudi Nzambi yetu, yena wakamwanakena nankashi.

⁸Muloŋa yitoŋojoka yami hiyoyitoŋojoka yenuku, nimumwelaŋaenu hidimu nelaŋamuku. Dimu mwanahoshiyi Yehova.

⁹Muloŋa chajindama mawulu hewulu damaseki, dichi nimunelaŋami mwabadika mumwelaŋaenu, niyitoŋojoka yami yabadika yitoŋojoka yenu.

¹⁰Muloŋa chanokaŋa nvula, ninvula yachisika yitooka mwiwulu, hiyafuntaŋanawa cheŋuku, ilaŋa yazoweshaŋa maseki, yasoŋeshaŋa, hiyikumeneshani nyitombu, hiyikumwinka mukwakukuwa mbutu, nimukwakudya ihiyikumwinka yakudya;

¹¹dichi chakekala izu dami dakafuma mukanwa ikami, hidakafunta kudami makasakasaku, dakela munakeŋa, dakakoŋa chachiwahi mudimu wadu wunaditemesheleli.

¹²Muloŋa mwakaya nakuzaŋalala, akayilombola nakuwunda; nimpidi jamaneni nŋanyanya jakavwakuka kwimba tumina kumukuyenu, ninyitondu yejima yamumpata yakasakila nkoshi.

¹³Mwadiŋa mutondu wanyiŋa wuwabulili kwiluka munjunŋa, mwadiŋi chikwata wuwabulili kwiluka chibubu, chakekala chakutiyakesha nachu ijina daYehova, nichinjikijilu chakwiluka nachu haya nyaka, hichamba kafumaku.