Read MUKANDA WANZAMBI Isaya 56 Bible Online

Isaya 56 - MUKANDA WANZAMBI bible

Isaya 56

¹Yehova nahoshi nindi, Hembenu wuŋaji, ilenu yaloŋa, muloŋa wamwinu wami keŋa wushiki, nikuloŋa kwami keŋa kumwekani.

²Muntu wukwila mwenimu nakooleki, chochimu nawa ni mwana kamuntu wukukakelamu mbe, wukuhembaŋa sabata abuli kuyijilola, wukuhembaŋa achikasa chindi abuli kwila chuma chatama.

³Hela muntu wakumuza wacheŋi, nadibombi dehi kudi Yehova, aleki kuhosha nindi, Chalala Yehova wakapambula kudi antu indi; nichihewu aleki kuhosha nindi, Tiyenu, ami nimutondu wawuma.

⁴Muloŋa Yehova nateni dehi ayihewu akuhembaŋa asabata jami, akutondaŋa yuma yinakeŋa ami, akukakela mwayachitiyaŋenu chami,

⁵nindi, Mwitala dami nimumbaŋu jami nakayinkachuma chakuyanuka nachu, niijina dabadika dawanyana amayala nawanyana awambanda. Nakayinka ijina dahaya nyaka dakabula kufumishawu.

⁶Niantu akunyuza yacheŋa akudibomba kudi Yehova kulonda amukalakeli, akeŋi ijina daYehova, ekali ambuŋindi, ejima ahembaŋa sabata abuli kuyijilola, akakelaŋa mwaya chitiyaŋenu chami,

⁷nakayishikŋa kumpidi yami yajila, nakayizaŋalesha mwitala dami dakulombela. Ninyilambu yawuyakushita, niyimuna yawu yakuketula akayiitŋa hakameŋa kami, Muloŋatala dami akaditena nawu itala dakulombela danyuza yawantu yejima.

⁸Yehova Nzambi wapompeshaŋa aIsarela ahaŋiluwu, nindi, Nakamupompeshela amakwawu nawa akulunjika hadi ayomweni anapompeshuwu dehi.

⁹Enu anyama ejima amumpata inzenu mudyi, ninenu anyama amulusesa.

¹⁰Antu indi, akwakutala mukala, hiyamputamesu, wejima wawu hiyakwakuyambashana. Wejima wawu hituwa twatumama twakabolaŋa, mudimuwawu wakulota nakukamujoka, akeŋa kwatulu hohu.

¹¹Eŋa, atuwa owuafwa hakudya, hiyekutaŋaku; atubiŋa awa hiyatweshaŋa kushinshika mwayachumaku. Wejima wawu atalisha dehi munjila jawu jakudya yuma yawuyawukombi, anafumafumi kumbadi jejima.

¹²Nawu, Inzenu nileti vinyu, tudichilenu walwa washetana, nikumadiki twakela neyi namutukwila lelu, chakasweja nikubadikamu.