Read MUKANDA WANZAMBI Isaya 58 Bible Online

Isaya 58 - MUKANDA WANZAMBI bible

Isaya 58

¹Bidikaku chakola, bayi wudanakenaku, twala izu deyi kwiwuluneyi mpinja, yishimwini antu ami nyiloŋa yawu, yishimwini akwamutaŋa waYakoba nshidi jawu.

²Chakunkeŋakeŋa ankeŋakeŋaŋa hefukuhefuku, atiyaloŋa kuwaha nakwiluka munelaŋa, neyi muza welilaŋa yaloŋa, wabulilaŋa kuleka chiyulu chaNzambi yawu, ehulaŋa kudami chiyuluchaloŋa, atiyaloŋa kuwaha nakukundama kudi Nzambi.

³Muloŋanyi etutunaleki kudya, eyi kuchimona nchi? Tunadikabishi munyichima yetu, eyikweyi kwilukamu nehi? Tiyenu, ifuku dimwalekaŋa kudya mwamonaŋamu kuwaha, mwakabishilaŋamu niakwakuyikalakela.

⁴Tiyenu, chimwalekaŋa kudya mwalondaŋa jindombu nayikonkojola, nikweta akwenu nankonyiyakutama. Chimunaleki kudya ifuku dalelu, himunalondi nenu izu denuaditiyi mwiwuluku.

⁵Komana kuleka kudya kudochu diku kunátondami? Didi ifuku dakudikabisha muntu mumuchima?

⁶Dakuneŋoka muntukunamutu windi neyi kanshindi, dakwala chikeleyi namawuti kulonda ashakamuhu, tahindi? Eyi neyi dakuleka kudya, tahindi? Didi ifuku dakutiyayi Yehova kuwaha, tahindi?

⁷Tahindi kuleka kudya kunátondami yowukusubula nyonji yakutama, nikukasununa nyonji yakumpanda, nikúumbaku akabishewa, nikukotola mpanda jejima. Hiyowu kwanjaŋena akwanzalaya kudya yeyi, nikwiŋija mwitala deyi atuzweŋi akinjikewaku? Chiwu kumona wudi nawuvu hiwukumuvwika, nikubula kubatama mukwa mutaŋa weyi.

⁸Henohu dihakatuntuka chejeji cheyi mwashi neyi kucha, nikukoiakweyi kwakanyakala kumena, nikuloŋa kweyi kwakatwaminaŋahu dehi kumbidi. Kulema kwaYehova kwakakukumaŋa munyima.

⁹Henohu wakatambika, Yehova waketiya. Wakabilela, yena wakela nindi, Yamonu. Neyi wakafumisha mukachi keyi mpanda, nikudinyeka nyinu, nikuhoshachatama;

¹⁰neyi wakatiyilaŋa akwanzala wushona, nakwikutisha amona ihuŋu, chejeji cheyi chakasela mumwi dima, kabwidibwidi keyi kakabalu mukaneyi mwaana wetaŋawa mwiwulu,

¹¹Yehova wakakulombolaŋa mafuku ejima, wakakuketulaŋa mpwila mumpata jakadi meji, wakakukolesha mumafwaha. Wakekala neyi itempa dakutukumwina, neyi kaseloki kakomaŋa ameji.

¹²Ayeyi akatuŋa cheŋa mahembi amakulu; wakatuŋaulula cheŋi yikuku yamakiŋu amavulu. Akakutena nawu, Diyi Chijikamapana, diyi Chihwekeshamajila akutuŋa antu.

¹³Neyi wakaleka kudatola sabata nákubula kukoŋa muwakeŋa a hefukudami dajila, hiwukutena ifuku dasabata, neyi ifuku dasweja kuwaha; hiwukutenaifuku daYehova dajila, neyi dalema; hiwukudilemeshaŋa, kukoŋelaŋamu yakumukomba weyi nehi, kuwenaŋamu yiwakeŋa eyi aweni nehi, hela kuhoshelamu nsaŋu jeyi nehi;

¹⁴neyi wakela ochu wakatiya kuwahanankashi naYehova; ami nakakwendeshaŋa hayinaŋa anaŋa yahamaseki; nakakudiisha wuswana watata yeyi Yakoba, mwomu munahoshi dehi kanwa kaYehova.