Read MUKANDA WANZAMBI Isaya 59 Bible Online

Isaya 59 - MUKANDA WANZAMBI bible

Isaya 59

¹Tiyenu, chikasa chaYehova hichinehihi mwaka chikaŋa anyi kwamwinaku; hela matu indi hiya nalemendendi mwaka akaŋa anyi kutiyaku.

²Kuluwaluwa kwenu kwokunayambuli naNzambi yenu, ninshidi jenu jojina mubutishimesu, mwaka abuli kuyitala, abuli kuyitiya.

³Muloŋa makasenu anatami namashi, ninyinu yenu yinatami nakuluwa; nyivumbu yenu yinahoshi yakutwamba, madimi enu anyinyitaŋa yatama.

⁴Himwekala waholokelapa mukwawu chaŋaku, himwekala wadihakwilaŋa mwakashinshuku; akuhwelela yamukunkulwayi, ahoshaŋa yaleutwamba; emitaŋakutama, hiyakuvwala kuluwa.

⁵Atetaŋa mateta awatubandanjila, aselaselaŋa wanda wayimbelanenzi. Muntu wukudya iteta dawu wukufwa, mwitetada kachi kawu mwakatetuka kabandayula.

⁶Wanda wawu hiwakedika mahina akuvwalaku, hiyakadibuta nanyidimu yawuku. Nyidimu yawu hinyidimu yakuluwa. Kumakasawu kudi chuma chandombu.

⁷Nyenduyawu yayaloŋa lufuchi nakukoŋa yatama, anyakashanaŋa lufuchi nakupwekesha mashi akadi muloŋa. Yitoŋojoka yawu hiyitoŋojoka yakuluwa, munjila jawu mwekala kwakukisaŋana hohu nakujilumuna.

⁸Njila yakuwunda hiyanayilukuku; mwayapawu himwekala wupajuku. Anadibuzili dehi njila jawu jaheŋa, muntu wukuyamu hakwiluka kuwundaku.

⁹Dichi wupaji wudi kwakulehi nanetu, nikuloŋa hikwakatuwanaku. Twatalilaŋa chejeji, hikudi mwidima. Twatalilaŋa kutooka, ilaŋa yetu tukwenda mukabwidibwidi awa.

¹⁰Twapaŋatilaŋa mbaŋu neyi mputamesu; mwalala twapapataŋa neyi antu akadi mesu. Twadimbukaŋa itaŋwa mwiwulu neyi kwiji hakajimbawenyi. Twekala mwiyila bwi-i neyi afu.

¹¹Wejima wetu twabulumaŋa neyi abera, twadilaŋa neyi tumbolu. Twatalilaŋa wuŋaji, aka, kwosi. Twatalilaŋa wamwinu, aka, wudi kwakulehinanetu.

¹²Nyiloŋa yetu yavula dehi kumesu eyi, ninshidi jetu hijikutushimuna wunsahu wakututanyisha. Muloŋa nyiloŋa yetu yidi nanetu, nikuluwaluwa kwetu tunakwiluki;

¹³chitwaputolaŋa nakudikala Yehova, chitwabalumukaŋa nakuleka kulonda Nzambi yetu, hitukuhoshahosha jakukabisha akwetu nŋakudikaŋa, munyichima yetu hitukufuukula nikuhoshamazu akutwamba.

¹⁴Wuŋa aji wafutalelaku dehi, nikuloŋa nemani dehi kwakulehi; muloŋa nsaŋu yalala yadimbuka dehi hanzi, kulumbuluka kunakaŋanyi kwiŋila.

¹⁵Eŋa, nsaŋu yalala kwosi; nimuntu wukufuma kuyatama wudi neyi naditwali kudi chisuma. Yehova wachimweni, chimwabulili wuŋaji chamutiyishili kutama.

¹⁶Wamweni nindi muntu kwosi, wahayamini chimwabulili wakulembelela akwawu. Dichi chikasa chindi yomweni hichikumuletela wamwinu, nikuloŋa kwindi hikukumukolesha.

¹⁷Hakuvwala kuloŋa neyi chikuŋu chakujika hantulu, hakuvwala kunamutu iteŋa dachikuŋu dawamwinu. Yumayindi yakuvwala yavwalaŋa ayi yowu kutenda, ihina dadikumba keshayi yowu iyena kumuchima busu.

¹⁸Mwaya nyidimu yawu dimu mwakayilubwilayi, nakuyilendumukila akwankunyi nindi, nikuyifweta ayilumbu jindi, nikuyilubwila yitutu wufwetu wawu.

¹⁹Dichi akatiya ijina daYehova womakufumisha kumuji ka, ni kulema kwindi nawa kufumisha kwatuntu kilaŋa taŋwa. Chakenzayi mukwankunyi netu neyi dibaji, Spiritu yaYehova wakemika mpandelu yakudikaŋa nindi.

²⁰Yehova nindi, Niku Ziyona nikudi wena amuYakoba akabalumuka nakuleka kuputola, kwakenza nkúuli.

²¹Yehova nindi, Hakwila ami, chitiyaŋenu chami chakutiyaloŋa ana nawena chochenichi; Yehova nindi, Spiritu yami wekala hadeyi, nimazu ami inashi mukanwa keyi, hiyakafuma mukanwa keyi, hela mukanwa kawanyaneyi, hela mukanwa kawanyana kawanyaneyuku, kufumisha hanu ndo nikunyaka yejima.