Read MUKANDA WANZAMBI Isaya 61 Bible Online

Isaya 61 - MUKANDA WANZAMBI bible

Isaya 61

¹Spiritu yaMwanta Nzambi wudi hadami; muloŋa Yehova nanwayishi dehi manji nishimuni atuzwepi nsaŋu yayiwahi; nantemeshikulonda nikasakasi chachiwahi abaluka nyichima, ankoli niyibidiki jakusubuka, akasewa niyibidiki jakuyenzulula;

²nibidiki mwaka waYehova wunawahi, niifuku daNzambi yetu dakutenda; nikundeji antu ejima akudila; akudila muZiyona niyitoŋweli kuyinka chibaaba chakuhiŋa mwadiŋi mawuti, nimanji akuzaŋa ajala nachu ahiŋa mwadiŋi kudila,

³niihina dakushimeka nachu dihiŋa mwadiŋi muchima wazeya; kulonda akayitenaŋa nawu, Yenu nyitondu yakuloŋa, yenu atumbawu kudi Yehova, kulondaku mwekesha nachu lubanji lwindi.

⁴Akatuŋa cheŋi mumahembi amakulu, akahindula cheŋi matala akisikili dehi kunyaka, akaloŋesha cheŋi nyikalayafwili dehi, yakisikili dehi kumakipu amavulu, mufwawa muhiŋawa, mufwawa muhiŋa awa.

⁵Antu akwacheŋi diwu akemanaŋa nakudiisha yimuna yenu, antu akumpata jacheŋi diwu akayidiminaŋa, diwu akayiloŋeshelaŋa nyivinyuyenu.

⁶Hakwila enu akayitumba ijina nawu, Yenu atupristu twaYehova; akayitenaŋa nawu, Yenu akwakumukalakela Nzambi yetu. Mwakadya maheta awajentili, mwakadisamba nakulema kwawu.

⁷Munsonyi yimwatiyili akayihipi shilamu muyedi, mwadiro kubaya wuwabulili kwiluka kuluŋa nesekadawu. Dichi mwituŋa dawu akatambwilamu muyedi; akamona kuluŋakwahaya nyaka.

⁸Muloŋa ami Yehova nakeŋa wuŋaji, hinakeŋa kubuwa nakuluwaku. Nakayinka wufwetu wawu walala, nakatiyaloŋa ana nawu chitiyaŋenu chahaya.

⁹Anyanawu akayilukaŋa mukachi kawajentili, niakavwalawu Yeremia akayilukaŋa mukachi kanyuza yawantu. Antu ejima akayimona aketŋanawu, Hiyanyana anakiswiliyi Yehova nkisu.

¹⁰Nakatiya kuwaha nankashi naYehova, muchima wami wakazaŋajala naNzambi yami, muloŋa nanvwiki mahina awamwinu, nambuti kanji yakuloŋa, neyi chelaŋayi iyala wudi nakusumbula mumbanda hakudilepaleŋa nayuma yayiwahi, nichelaŋayi mumbanda akusumbulawu hakudiwahisha wahisha nayingelingeli yindi.

¹¹Muloŋa chabalwishaŋa iseki nyitombu yindi, nichameneshaŋa itempa yuma yakuwapamu antu, dichi chakameneshayi Yehova Nzambi nikuloŋa nikushimeka kumesu anyuza yejima.