Read MUKANDA WANZAMBI Isaya 63 Bible Online

Isaya 63 - MUKANDA WANZAMBI bible

Isaya 63

¹Yeniwu wudi nakufuma kuEdomi, nikuBozira, navwali mahina akuloomba wulombu wuchinana, hinyi? Yeniwu navwali yalubanŋa wudi nakunanuka naŋovu jindi jasweja hinyi? Yami, nahoshaŋa mwaloŋa, nasweja Ŋovu yakwamwina.

²Indi yuma yeyi yakuvwala yinachinanidi? Mahineyi anelilidi neyi muntu wudi nakudatola muwukamwinu wavinyu?

³Ami nadatoli muwukamwinu wavinyu kanka wami, hikudi muntu wakunyuza yawantu inadiŋi ninduku. Eŋa, nayidati nakuzuwa kwami, nayidatoleli nakulendumuka kwami, mashi awu anasampokeli kumahinami, natamishŋuma yami yakuvwala yejima.

⁴Muloŋa mumuchima wami mwadiŋiifuku dakutenda, nimwaka wawantu ami akúulewa wunashiki dehi.

⁵Natalatalili, wakunkwasha kwosi. Nahayamini chikwabulili wakunkwatishaku. Dichi chikasa chamami aweni hichikunletela wamwinu. Kulendu mukakwami kwokwankwatishiluku.

⁶Nadatili nyuza yawantu nakuzuwa kwami, nayishetesheli nakulendumuka kwami, namwaŋali mashi awu hamaseki.

⁷Nukutena mwelaŋayi Yehova mwaluwi, niyakushimeka Yehova, mwahita yuma yejima yanatutawiliyi Yehova, nikuwaha kwasweja kwanayiliyi akwamutaŋa waIsarela, kwanayitawiliyi mwahitahita wushona windi, mwahita yuma yaluwi yelayi yasweja kuvula.

⁸Muloŋa yena welili nindi, Chalala hiyantu ami, anyana ákubula kwila mwakutwamba, dichi cheliliyi chamwinu chawu.

⁹Mwejima mwakabiluwu wena, dimu mwakabiliyiyena nawa, kaŋelu wakumesu indi diyi wayamwinini. Wayikúulili nakukeŋa akwayikeŋeliyi nawushona wayitiyililiyi. Wayinya mwinaŋa, wayelekelaŋa amafuku akusharrkulu ejima.

¹⁰Hela chochu, adikaŋili hiyakuneŋesha Spiritu yindi wajila. Dichi chabalumukililiyi hakwikala chilumbu chawu, hakulwa nawu yomweni.

¹¹Hakwanuka nimafuku akunyaka niMosi niantu indi, nindi, Wayizambwili mukaluŋalwiji hamu nawatubiŋa twanyikoku yindi, wudi kudihi? Wáshili Spiritu yindi wajila mukachi kawu, wudi kudihi?

¹²Wahitishili chikasa ichindi champuhu kuchikasa chaMosi chachidiilu, wa ambwili meji kwakuyawukulonda aditiyakeshi ijina dahaya nyaka, wudi kudihi?

¹³Wayihitishili mumanyiŋa neyi kawalu wudi nakuhita mwisaŋa damukunkulwayi, mwaka abuli kudimbuka, wudi kudihi?

¹⁴Spiritu yaYehova wayinookesheli neyi yimuna yikukunkumuka muchinekineki, dimu walombweli antu eyi, kulonda wuditiyakeshi ijina dampuhu.

¹⁵Omu mwiwulu muwudi, talaku chachiwahi munu mwishina, okukuwashakama, kwekala ni kujila kweyi nimpuhu yeyi, wumoni. Iyena deyidakumuchima, ninyidimu yeyi yaŋovu, yidi kudihi? Kusunkula kwakumuchima weyi kuwansunkulaŋa, niyuma yawushona yiwaŋalaŋa, wunayilekeshi dehi.

¹⁶Muloŋa yeyi tata yetu, hela Abarahama hatwilukaku, hela Isarela hatwitijaku, eyi Yehova, yeyi tata yetu, ijina deyi yeyi nkúuli yetu wakufumisha kunyaka yejima.

¹⁷Eyi Yehova wunatuluwishilidi munjilajeyi, wuchinchikishi nyichima yetu tubulaŋa kukutiya woma? Funtaku wutoŋuhu ambuŋeyi, nyichidi yawuswana weyi.

¹⁸Antu eyi ajila awuheteli kapinji kantesha hohu. Akwankunyi netu anadatoli dehi malaleyi.

¹⁹Tunabalumuki dehi neyi antu iwabulili kuyula, neyi antu abula kutenenawu ijina deyi.