Read MUKANDA WANZAMBI Isaya 65 Bible Online

Isaya 65 - MUKANDA WANZAMBI bible

Isaya 65

¹Adi nakunkeŋakeŋa kudi abulilaŋa kuŋahula. Adi nakunwanakudi abulilaŋa kunkepakeŋa. Nelili muza wabulili kutenenawu ijina dami nami, Ntalenu, ntalenu.

²Nololi makasami mwaana wejimakudi antu adikaŋa, endaŋa munjila yabula kuwaha mwaya yitoŋojokayawu awenawu;

³antu anvulokaŋa kumesu ami hefuku hefuku, aketulaŋayimuna kumatempa, ochaŋa insensi hamatafwali;

⁴ashakamaŋa kumajamu, akamaŋa kumbepu kumbeŋu; antu adyaloŋa mbiji yaŋulu, muzoŋu yayishimashima wudi mumanuŋu awu;

⁵ahoshaŋa nawu, Imanaku oku kwakanka weyi, bayi winza kwakwihi nanamuku, muloŋa ami nakubadikeyi kujila. Antu awa hiwishi mumazulu ami, hikesi kabutukaŋa mwaana wejima.

⁶Yehova nindi, Tiyenu, anachisoneki dehi kumesu ami, nawu, Hinakamwenaku, nakayifwetesha, eŋa, nakayilubwila muntulu jawu kuluwaluwa kwenwenu aweni,

⁷nikuluwaluwa kwawankakulula jenu hamu, akwakwocha insensi hamapidi amaneni, antukilaŋa hamapidi anyanya. Dichi nakasambila kweseka mudimu wawu nakuwushikŋa muntulu jawu.

⁸Yehova nindi, Chamwekanaŋa vinyu yayiha mumukanji, muntu hakwila nindi, Bayi muwukisapanaku, muloŋa wudi nankisu; dichi chinakayilila ambuŋami jakuyitoŋa, kulonda nakabuli kuyijilumuna wejima wawu.

⁹KuYakoba nakanyamunaku anyana, kuYuda nakanyamunaku answanajampidi jami, antu ami nátonda akayiswana, ambuŋa ami akashakamaku.

¹⁰MuSharoni mwakekala muwudiilu wawayimuna, kuchinekineki chaAkori kwakekala kwakukambamaŋa aŋombi, nanochu chanankeŋakeŋuwu antu ami.

¹¹Hakwila enu mwalekaŋa Yehova, mwavulamenaŋa mpidi yami yajila, mwaalilaŋa Mpemba mesa, mwemenaŋa Ihamba walwa,

¹²nakayitoŋwela mpoku yakabali, wejima wenu mwakabanda mina kuyitaŋa; nanochu chinelili kutambika, enu kwitiya nehi; kuhosha, enu kutiya nehi; himukwila chuma chinantamini kumesu ami, himukutonda chuma chinabulaŋa akutiya kuwaha ami.

¹³Dichi Mwanta Nzambi nindi, Tiyenu, ambuŋami akadivaŋa, hakwilenu mwakatiyaloŋa nzala. Tiyenu, ambuŋa ami akanwaŋa, hakwila enu mwakatiyaloŋa mpwila. Tiyenu, ambuŋa ami akatiya ŋakuwaha, hakwila enu mwakatiyaloŋa ansonyi.

¹⁴Tiyenu, ambuŋami akembaŋa tumina twachiseki mumuchima, hakwila enu mwakadilaŋa nayihuŋu mumuchima, mwakakaloka nakubaloka nyichima.

¹⁵Ijina denu dimwakashiya dakekala dakushiŋa ananachu antu ami inatondeli, Mwanta Nzambi wakayijaha; ambuŋindi wakayitumba ijina dacheŋi,

¹⁶kulonda muntu wukudikiswila nkisu hanuhamaseki, akadikiswilaŋa mudi Nzambi yansaŋu yalala, niwukusanyikahanu heseki akasanyiki Nzambi vansaŋu yalala. Muloŋa yuma yakala yakusambila anayivulameni dehi, muloŋa anayisweki mumesu ami.

¹⁷Muloŋa tiyenu, hinukuleŋa mawulu amaha, nimaseki amaha, yumayakusambila hiyakayanuka nawaku, hiyakenza nikumuchimaku.

¹⁸Ilaŋa tiyenu kuwaha nakuzaŋalala haya nyaka nayuma yinukuleŋa, muloŋa tiyenu, hinukulepa Yerusalema wakutiya antu kuwaha, niantu indi akuzaŋajalanawu.

¹⁹Ami nakatiya kuwaha naYerusalema, nakazaŋajala nawantu ami. Himwamba katiyakana cheŋi ikumbu dakudila, hela kukalukanyitetuku.

²⁰Hikwakekala nawa cheŋi mukeki wamafuku, hela kashinakaji wákubula kuwanisha mafuku induku. Muloŋa kansi wakafwa washikadehi munyaka nkulakaji, mukwanshidi wakashika munyaka nkulakaji wakashiŋewa.

²¹Akatuŋa matala, akashakamamu. Akadima matempa anyivinyu, akadya nyikabu yayu.

²²Hiyakela atuŋa, mushakama acheŋuku; adima, ayidya kudi acheŋuku. Muloŋa mafuku awantu ami akekala neyimafuku amutondu, antu ami inátonda akaluŋa luŋe-e nanyidimu yamakasawu.

²³Hiyakakabakana chamukunkulwayuku, hiyakasemena múuduku, muloŋa aneli dehi anyana kawakoole keshawu dehi kudi Yehova, hamuna wanyanawu akasemawu.

²⁴Akamona chakwila nikutambika kanda, ami netiya dehi; achidi kuhosha, ami natiya dehi.

²⁵Nikaŋawidi nimwana kamukoku akadiila hamu, mutupa wakadya matahu neyi ŋombi, hakwilanoka, kudya kwiudi yolunkuŋu. Kumpidi yami yajila yejima hiyakelilaku chatama hela kukisaŋanaku. Dimu mwanahoshiyi Yehova.